Pasko sa Pagmaya
Desyembre 21, 2008

Malipayong Pasko sa tanang mga magbabasa ning maong lindog. Kining inyong ubos nga higala manghinaot sa kasadya sa pagdangat sa Pasko, hinaot nga sadya ang tanan.

Ang Pasko adlaw sa pagmaya atong kalimtan ang mga panagsilo sa usag-usa ug atong ipatigbabaw ang diwa sa Pasko.

Ang atong lindog dinhe sa JBBN pipila nalang ka adlaw motangkod na sa iyang ika usa ka tuig.

Ako magpasalamat sa inyong makanunayong pagsunod niining dyutay’ng lindog tingale ako nakahatag kaninyo sa akong dyutay usab nga serbisyo ug katagbawan ug kana paga isipon ko nga utang kabubot-on diha kaninyo, sa laktod salamat sa inyong pagsuporta.

Manghinaot ako nga sa sunod tuig 2009 padayon gihapon ang inyong pagsunod sa JBBN ang bugtong mantalaang binisaya dinhe sa lalawigan sa Bohol.

Malipayong Pasko ug Bolahang Bag-ong Tuig kaninyong tanan.

Bantay Rabis
Desyembre 14, 2008

Ato karong saw-an kining kahimtang sa mga tawo nga nagbuhi ug iro kay kini makaayo, mahimo pod nga makadaot.

Ang pagbuhi ug iro maayo man kay kini makatabang pagbantay sa atong balay batok sa mga dautang tawo, apan kon kini usab atong mataligam-an unya makapaak kay nag danghag man ang tag-iya, nan makadaot pod.

Ang iro mga higala dunay katungod nga mabuhi, obligasyon sa tag-iya ang pag-amuma niini.

Kinahanglan nga ato kining bantayan kay ato mang kargo kon kini makapaak. Daghan kitang makita sa mga kalsada nga mga latagaw nga mga iro.

Kinsa bay tag-iya niana ngano man nga wala man maghikutar ang tag-iya? Ato lamang awhag intawon sa tanan nga mamuhiay ug iro, kon dili ka andam nga manubag sa imong kaakohan kon ang imong iro makapaak, na ayaw nalang pamuhi ug iro kay ang iro makalipay makalingaw apan yayay sab kon mapaakan ka.

Tiaw ba pod?

Panglawas alang sa Kabus
Desyembre 7, 2008

Mga higala pasko na gayud panahon sa paghinatagay, pagminahalay sa usag usa kay mao man kini ang mithi sa atong manunubos nga nagpakatawo sa kalibutan.

Kumusta na man usab ang atong pagtagad ngadto sa mga kabus? Ang mga adunahan kasagaran ang ila lang usab nga tagdon kadto ra usab sama kanila.

Matud sa Balaang Kasulatan kon manghatag kamo ihatag ngadto sa mga dili makabalos kaninyo sama sa mga kabus.

Ang serbisyo sa panglawas unta ihatag nga libre ngadto alang sa katawhan sama diha sa mga tambalanan natu nga publiko gihimo na hinuon nga dunay kantidad ang donasyon.

Usa ka magbabasa sa atong lindog nga may email add nga Dingopet@yahoo.com, mipadala kanato og email nga matud pa diha sa lungsod sa Jagna gibungatan og presyo ang donasyon sa ilang tambalanan, mga higala kinsa kadtong nagbuhat sa ingon gabaan baya mo.

Ato kining ipangutana diha sa mga nagdumala sa maong tambalanan kon unsa kini ka tinuod ang gialegar sa atong sender.

Nakadayeg kita sa gibuhat sa atong mga namunoan sama nianang gihimo ni Congresista Adam Jala nga AHAPI paghatag ug mga diskwento sa mga tambal alang sa mga kabus apan por dyos por santo kana pong ubang nagpadagan ug tambalanan sa publiko nganong butanganan man ug presyo ang inyong donasyon, nga donasyon man kaha na?

Maghugop kitang mga Bol-anon
Nobyembre 30, 2008

NIADTONG milabayng simana ang Chocolate Hills mius-os ngadto sa ika upat nga dapit sa boto sa Internet.

Usa sa nasagmuyo ang atong Board member Corazon Galbreath iya kining gipadayag atol sa ilang sisyon niadtong milabayng simana.

Isip Bol-anon kinahanglan gayud nga maghiusa kita aron sa pagpabor sa atong dungog nga unta kita gayud ang mo numero uno sa botohan sa Seven Wonders of Nature.

Ang mga bisaya mas daghan sa katagalogan nan ato kining gamiton aron paghatag sa makabungog nga boto.

Ang pagka bisaya ato kining garbo sa pinulongan nan kon usa na sa numero uno ang choco hills diin ania kitang mga bisdak nga nanimuyo, ato kining dakong garbo.

Ang Bohol inila na didto sa gawas gumikan sa pagsulbong sa turismo pun-an pa nga maghugop kita nan kita jod ang daug.

Di ba sano?

Drayber walay batasan
Nobyembre 23, 2008

DAGHAN sa mga drayber dinhe sa atong dakbayan ang mga gipasidunggan sa ilang mga maayong gipangbuhat nga gikalipay og daku sa publiko.

Apan nia poy drayber nga walay batasan, niadtong milabay’ng adlaw petsa 21, dapit sa kaudtohon samtang nagsakay kita ug motorsiklo kauban ang akong editor subay sa Graham Avenue, usa ka bata ang naglakaw subay sa dalan kalit kining nasaghiran sa usa ka motorsiklo nga single.

Natumba intawon ang bata, nasirko ug namodmod sa kalsada ug mihilak kini sa kasakit nga nangayog pakitabang.

Apan unsay gibuhat sa drayber nga nakasaghid mipasirit hinuon sa iyang pagpadagan mura lang ug nakaligis ug baki sa dalan.

Pagka wala god nimoy balatian, hoy ! Mr.Drayber ! Unsa wala sab ka miagi pagka bata wala man kay kalooy?

Nalooy kita mga higala sa maong bata, ambot ba duna man poy uban god nga maglikay sa ilang kaakohan sama niining maong hitaboa.

Ato lang tambag sa mga motorista ato nga kaakohan ang pagtabang labi na kay ikaw ang naka bangga.

Hinuon nakuha ang plate number niadtong motorsiklo nga mga batan-on ang sakay, mga walay kalooy tig-a og balatian.

Kay ngano kaha ?

Extension Office Pag Chor oi…
Nobyembre 16, 2008

NIADTONG milabay’ng simana mga higala mibisita kita diha sa usa ka buhatan nga matud pa nila extension kuno sa buhatan usab sa Sugbo ang Bureau of Immigration and Deportation dinhi sa Dakbayan sa Tabilaran aron magkuha unta kita ug mga reports kabahin sa mga Bol-anon nga manggawas gikan dinhe sa atong probinsya ngadto sa laing nasod apan nasagmuyo kita mga higala.

Matud pa nila dili sila makahatag sa impormasyon nga akong gustong makuha tungod kay ang ilang buhatan usa lamang ka extension sa Sugbu.

Nan kon usa kini ka extension unsa man ang ilanga klase diay sa pagserbisyo sa katawhan, dili ba mga Bol-anon man ang ilang alagaran?

Ang tumong niining extension aron hingpit nga kaalagaran ang katawhan kay lagi layo man ang Sugbo busa aron mas duol sa katawhan mao nga buhatan ug extension nga buhatan dinhe.

Na pag chor mo sir oi, ngano god intawon nga ihikaw man ninyo ang kasayoran nga atong gustong masayran.

Kapila ra man untay pagtawag didto sa ilang main nga buhatan nga mosanghid sila nga mohatag ug kompletong detalye, sayang ang pagbutang sa extension ninyo nga buhatan dinhe sa lalawigan kon dili hipno ang serbisyo nga inyong ikahatag sa iyong katawhang gialagaran oi.

Kay Ngano kaha?

Likay sa Porno, bay…
Nobyembre 9, 2008

Mibukas na usab ang ikaduhang semester sa kolehiyo daghan na usab nga mga tawo ang atong syudad, magponsisok na usab ug maghuot na pod ang mga boarding house.

Usa sa atong napanid-an kining mga mo log-in diha sa atong mga internet website nga karon mikusog na usab ang pagtan-aw og mga porno, hubo nga panagway sa babaye ug lalake, bata ug tigulang.

Akong namatikdan nga halos ang mga larawan diha sa porn sites gikan sa mga comfort rooms, nan aduna diay mga nagpayohot ug mga hiden camera dinhe sa ato kay ngano nga nahimo man ni.

Aron dili kita maunay sa tari basin inig tan-aw nato sa internet atoa nang dagway diha nga gahubo ang atong makita.

Aron paglikay niining mga hiden camera kon naa ta sa mga comfort rooms mas maayo pa nga dili ta magpasiga ug suga aron dili makita ang kon unsay gibuhat, sa ingon maka save pa kita sa koryente, dili ba?

Sa mga boarding houses usab mas maayo buhaton kini kay daginot pa sa suga kon dunay manglili dili makakita, tingog ra ang madungog hehehe.

Medyo murag kataw-anan sano apan maoy tinuod, diin man gikan kanang gipangbutang diha sa internet nga mga hubo nga lawas duna poy nag lovemaking, nan gikan kana sa patago nga pagkuha sa video.

Dihay akong amigo mahilig sa porno mahilig motan-aw ug hubo nga lawas, pag abre pa niya sa internet iyang nakita nga siya ug ang iyang uyab anaa sa internet.

Na naunay hinuon siya sa tari, mao nga akong tambag ato kining likayan aron dili na modagahan ang mga picture diha sa internet nga hubo ug gikan ra ba ang uban sa mga banyo.

Apan ngano man pod nga daghan man ganahan og porno? Kay ngano Kaha?

Kabataan Ug Swertres
Oktobre 26, 2008

Kaniadtong milabayng simana mitambong kita sa usa ka National Population Quiz diin gitambongan kini sa tanang nga delegado sa matag rehiyon sa nasud nga gisalmutan sa 17 ka mga kampeyon diin ang tema niini mao, “Population and Development for the Youth”, naghisgot sa pagkasayod sa mga kabataan sa populasyon ug pagpalambo sa ilang mga kahibalo.

Usa sa atong gipangutana kon unsay ikatampo sa kabataan pinaagi sa ilang mga nakat-onan ug ato kining gisintro ngadto sa taga Mindanao apan dako kitang kasagmuyo kay walay mitubag sa mga batan-on nga representante sa maong dapit, gitubag hinuon kini sa taga Luzon.

Ang atong pangutana kon unsay ilang ikasulti niining padayon karong pag-recruit sa mga grupong walhon sa mga batan-on diha sa Mindanao.

Ato kining laoman nga sa sunod maka tubag na sila. Ato usab nga pasalamat sa ilang coach sa Rehiyon 9 nga mipasabot usab kini, atong gibuhat mga higala tungod kay suhito kita didto kay didto kita gikan niining pipila ka mga bulan.

Sa laing bahin atong pahalipay usab sa atong kapolisan sa Dakbayan niining ilang pagsikop sa koordinator sa swertres niining simanaha.

Ato kining laoman nga dili lamang kini ningas cogon. Hala mga Sir, padayon mo sa inyong kawsa alang sa kaayohan sa kinabag-an.

SUGAL
Oktobre 19, 2008

“Sus pre kon ang imong tumoy maoy dinhe sa akong tunga haskang igoa jod unta ang akoa.”

Mao ni mga higala ang akong nabati usa ka buntag, medyo makakatawa ka tungod kay inig ka buntag ang atong silingan isigpangutan-anay man kon unsay resulta sa sugal nga swertres.

Adunay gihugon-hugon nga mo sulod ang small town lottery dinhi sa Bohol, dili kaha mas mokusog na usab ang illegal nga sugal kay duna naman silay ka kompetinsya diha sa mga kalungsoran ug kabaryohan?

Na daghan na usab ang mga pamilya ang mosamot og kalisod kay daghan man usab ang maboang sa maong sugal, imbes ang kataposang kwarta para ipalit og bugas ipanimpalad man sa swertres basin modaog.

Para nako dili kini angayan, suporta jod ko nianang mga mayor nga misupak sa small town lottery.

Ambot ba nganong daghan man ang tawo nga gusto’g sugal nga iya man kana sa yawa, kay ngano kaha?

Disiplina jod, Bay
Oktobre 12, 2008

Niay atong nakuha nga impormasyon nga aduna konoy polis nga misulod diha Hall of Justice giingnan sa gwardya nga i-logbook ang iyang pangalan apan matud pas guard nga wala kini mosugot kay matod pa mga sibilyan ang nakasulat nga pangalan sa logbook.

Na unsa ba unsa bay libog kon ato lang ilista ang atong pangalan diha sa logbook sa mga guard nga dili man unta na lisod sir or mam polis?

Ang tuyo diha sa maong logbook nga mamonitor sa tibuok adlaw ang tanan nga tawo nga mosulod sa Hall of Justice, ikaw sir/mam tawo man ka dili man ka iro nan mo logbook jod ka.

Matud pas guard nga Olayvar kono ang apilyedo niining polisa ug naa nagduty diha sa Kampo Dagohoy.

Wala lang niya makuha ang pangalan kay nagdumili man lagi pagsulat diha sa logbook ug misutoy pagsulod sa hall of justice.

Dugang pamahayag sa guard nga nahibawo lang siya nga polis kay nakapantalon og polis apan naka t-shirt lamang og puti.

Wala mag-uniporme. Naglibog gani ang guard kon babaye o lalaki ba tong polisa?

Na kon ikaw gwuardya diha sa hall of justice nga nagsunod ka ug nagpatuman unsay palisiya sa maong buhatan di ba pod ka malain kon naay mosulod nga wala mo logbook unya ikaw kasab-an?

Disiplina lang sa kaugalingon unta, unsaon nga duna may tawo nga walay disiplina tungod sa garbo abi kay taas na ang iyang ranggo?

Ngano nga daghan mang tawo ang taas ug garbo taas ug kaalam taas ug ranggo apan diay mubo ug pagtan-aw sa ilang isigkaingon, ngano man?

Kay Ngano Kaha?

Maomag Ajaw Ilugi, Panalipdi Lang
Oktobre 5, 2008

Nia na sab mitumaw na pod ang isyo sa turismo sa Loboc, nalinaw na man unta to, nia na poy lain bahin sa Tarsier kon Maomag sa Binol-anon nga tawag sa kinagamyang mammal sa tibuok kalibotan.

Matud pa ang LGU Lonoc kono napasiugda og pagkobra og tag P50.00 matag turista nga gustong motan-aw sa atong gipanghambog nga tarsier, na naunsa ba nga daghan mang agrabyado niini mga higala.

Tingale gimahalan kay kuridas na man, tag P50. Gituyo na sa LGU kay aron duna say income ang lungsod.

Ang tinuod P10.00 ra man ang maiya sa lungsod kay ang 40 niana adto man sa operator.

Hain may palabihon, sa una nga wala ma-monitor kon pila ang ilang kita pinaagi sa donation box nga naa may daghang langyaw nga mohatag og dolyar dako pa sila ug kita sa una, o karon hinuon nga adunay tataw nga presyo aron mahibawa-an jod.

Suhito kita niana mga higala kay taga Loboc god kita. Ang ato lamang buhaton, dili ilugan ang tarsier kay daghan na dinhe sa sa ato, dili lang kay sa Corella lang, naa pod na sa kalibunan sa Loboc.

Ato lang silang panalipdan gikan sa pagka hurot kay basin sa umaabot hulagway na lang ang makita sa sunod natong kaliwatan.

Makasapi na pod ta bay kay duol na man ang piniliay, na, pila kahay ipang hatag nga owan-owan no?

Mao ni ang sagad malitok sa mga tawo nga nagbantay lang kon eleksyon na gumikan kay ang mga politiko motag-tag man og daghang sapi aron paliton ang boto nato.

Karon nia nay pipila ka mga mokandidato pagka presidente nga misugod na sa pag suroy-suroy dayon ang uban lagi pod nato nga mga kaigsuonan nga nawong og sapi mag ibid-ibid pod aning dakong politiko.

Wala na jod tay laing buhaton diay gawas sa pagpangwarta dili lang unta pod palabian sa uban kay kita ra man pod ang mag-antus baja.

Karong simanaha nia ang usa ka dakong leader sa oposisyon, na, magsurbi na pod na sa iyang gitanum nga mohon.

Unsa man sano nagkauyon na ba mo? Daghan karon ang gustong mag presidente apan kadugayan dili na usab kita ganahan, kita ang nagpili kay lagi naka gusto kita dayon ato ra usab nga sawayon.

Mao nay giingon nga alaot ning dako tag katungdanan kay puno kas pagsaway sa imong kaatbang.

Si GMA bitaw puno’s pagsaway, kita na ba lang kahay mag pangulo lalim ba?

Ang uban moangay lamang manaway, sila konoy presidente lalim ba, ambot lamang, kay ngano kaha?

Ang pag sulbong karon sa turismo dinhe sa atong lalawigan maayo nga tilimad-on apan sa uban usab nga lalawigan sama sa Mindanao mura sab sila og nag pas-an sa ilang krus gumikan sa hulga sa kagubot.

Ang atong lalawigan tungod usab sa mga maayong giya sa mga namonoan napaugmad labina ang turismo.

Gani daghan kitang makita nga nagpahigayon og lakbay aral nga taga laing lalawigan kana tungod kay gusto usab silang mokopya kon giunsa sa atong probinsya paglambo pinaagi sa turismo.

Tungod niini alang sa siguridad giugmad usab ang atong puwersa sa kapolisan sama sa pag-hire og mga turist police diha sa mga lugar diin plastada ang atong mga turist spots sama sa Carmen, Loboc, Panglao Corrella ug uban pang mga dapit dinhe nga daghang mga turista nga moduaw.

Usa usab nga atong tutokan mao jod ang pagmintinar sa kalinaw isip dakbayan sa panaghigalaay kinahanglan nga batunan jod ang panaghigala dili kay kaugalingon lamang nga interes ang atong gi huna-huna.

Lain unta nga tutokan mao ang atong pagkaon Sama diha sa mga bigasan natin nga hangtud karon taas man gihapon ang linya sa mga mamalitay.

Unsa bay sulbad niana? Dili ba makauulaw nga makit-an kita sa mga langyaw nga naglinya kay mopalit og bugas, unsa ba ang ilang ikasulti nga sa turismo kusog kaajo ta apan daghan usab diay ang gigutom?

Kay Ngano Kaha?

Usa ra baya ang ilang giilugan diha, ang kaabunda sa yuta sa Mindanao nga maayong tikaron.

Sa akong pangagpas kon ang matag usa ila untang itakli ang ilang mga panghuna-huna ngadto sa pagtikad sa ilang tambok nga yuta nan dili suliran ang kagutom.

Sa Mindanao mahal ang bugas kon ikumpara nato dinhe sa ato. Kristiyanos o Muslim nga adunay kabangkaagan sa agrilultura nan kini gamiton dili lamang armas nga ipatay ug tawo ang atong gamiton kon dili ato usab nga gamiton ang atong kusog sa pang-uma sa pagtikad sa halapad pa nga kayotaan diha sa Mindanao.

Ang ako bitawng igsuon na pobya (phobia) na man sa panghitabo diha sa ilang lugar sa Zamboanga, matud pa niya mouli kuno siya sa Bohol kay gubot kuno sa Mindanao.

Apan mag-unsa sila dire sa atoa? Didto ang dako nga yuta nga matikad. Mao nga Agrikultura jod dili ang Bala.

Gani karong petsa 17 ngadto sa 18 moanhi man si PNP Dirictor General Avelino Rason alang unya sa paghipno apil na pod ang inagurasyon sa buhatan sa mga tourist police sa pipila ka mga lugar dinhi nga anaa ang daghang mga turista.

Apan maka pangutana kita mga higala kinahanglan ba jod nga dunay SWAT? Maayo man tingale kay aron mahanas pod ning atong mga polis sa pag sumpo sa mga krimin nga lisod sulbaron.

Apan nag kinahanglan pod ni og dugang panghuna-huna kay naa man poy mga polis god nga mga abusado sama niadtong nahitabo sa Cortes nga polis naka pusil patay.

Apan karon walay kasulbaran kon hain na ang polis nga si Galapin. Nan atong gipa-improve ang atong kapolisan manghinaot lang pod ta nga walay mag abosar basin simbako naa na poy idungog nga usa sa mga polis naka pusil.

Para nako maayo ang ilang laraw kay labi na sa Tagbilaran nagkadako ning atong syudad, nan kon wala tay saktong mga panalipod alang sa dagkong mga krimin dili pod maayo.

Saludo ta sa mga panghunahuna sa mga nagdumala sa atong pangagamhanan, apan kinahanglan pod unta nga ilang sulbaron ang mga kaso nga hangtud karon wala pa masulbad ilabina kon polis na ang malambigit.

Niadtong milabay’ng simana, misakay og tricycle kining ubos ninyong higala gikan sa atong buhatan sa Booy padulong ko sa Plaza Rizal, na unsa ba nga gikobrahan man kog P15 pasalamat siya nga wala nako makuha ang iyang plate number kay ngit-ngit naman to, aw tingale gusto sab siya nga modako jod ang iyang kita niadtong gabhiona, tingale nag-abang siya sa iyang tricycle.

Apan ayaw tawon pasubrahe Mr. Driver kay gabaan baya ka, ang gipakaaon nimo sa imong pamilya tinikasan diay mao nga angay-angay lang.

Saludo baya ko niining atong mga tricycle driver kay naay uban nangabang ra god na sila sila ug mokayod jod na sila panahon sa gabii, apan mao lagi naay uban dili tarong ang uban hinuon husto.

Duna poy uban hinuon nga maka-Dios sama niadtong buotan nga mouli sa mga butang nga mahibilin diha sa ilang sakyanan angay pod na silang pasidunggan apan ang uban ambot lang dili pasakay kay kuno naay laing adtoan apan pag abot sa unahan mo pick-up diay og laing pasahero mamili diay na.

Ambot, Kay Ngano Kaha?

Atong namatikdan mga higala nga karon daghang mga magpapatigayon nga nagagamit sa atong kinaiyahan sama nianang pagpanguha og bas sa atong kadagatan ug kasubaan. Kumosta man aduna bay naka lapas sa mga lagda niini?

Tingale aduna tungod kay ang uban naghinubra na ang ilang pagpahimulos imbes gitugotan sila sa atong kagamhanan, gani giisyuhan paman sila og Environmental Compliance Certificate (ECC) apan nag abusar man hinuon sama nianang pagpangubkob ug bas diha sa daplin sa suba.

Aduna koy nadawat mga reklamo sa mga residente sa Valladolid, Loboc nga matud pa ang pagkobkob o pagkuha og bas sa ilang dapit naghinubra na matud sa akong gikahinabi ang pagtugot sa mayor usa lamang ka dapit ang kuhaan.

Ang magpapatigayon nga gi-reklamo sa mga residente mao si Cesar Urog, kinsa sigun sa reklamo sa mga taga Valladolid, bisan asa na kini mokuha og bas.

Hoy! Mr. Urog! ayaw intawon palabi oy! Sakto na, sobra na. Kining maong magpapatigayon dili raba taga diha sa Loboc, nagsalig tingale kay dili taga diha?

Sigun sa pamahayag ni Mayor Leon Calipusan sa Loboc, ang maong operasyon ni Urog kompleto kini sa papeles ingon man ECC ug duha na kini ka tuig nga nagkubkob og bas.

Matod pa sa mayor ang permit nga gihatag sa iyang buhatan nagtumbok lamang sa usa ka dapit.

Dugang pamahayag sa mayor, ang mas adunay dakong kasayoran mao ang barangay kapitan sa Valladolid nga si Kapitan Lydia Tumanda.

Atong panawagan sa mga hingtungdan ahensya sa gobyerno, labina sa Provincial Environment and Natural Resources Officer Nestor M. Canda, sir, palihog kuno og susi kining gi-reklamo sa mga residente sa barangay Valladolid ug palihog usab himoi og tukmang aksyon kon ugaling inyong masuta nga adunay kalapasan nga nahimo si Mr. Cesar Urog ingon man ang mga tawo nga nagpaluyo kaniya.

Kitang mga residente magpakabana jod ta kay alang man kini sa kaugmaon nato ug sa atong mga umaabot nga henerasyon.

Unsa naman unya ang mahinilin kanila kon maguba ug mahurot na kini? Ugma damlag wala na ang mga bas diha sa atong suba kay ato mang gikapsangan.

Walay kitay personal nga kasuko ngadto ni Mr. Cesar Urog mga higala, igo lamang kitang nagpaabot sa mga yangongo sa katawhan, wala kitay gidapigan nga bisan unsa nga pundok, gawas sa pagpaabot sa kamatuoran lamang.

Bukas usab kining maong lindog alang sa habig unya ni Mr. Cesar Urog. Kon may panglantaw ka sa ugma, sakto na subra na.

Nganong wala man kamo makahuna-huna, kay ngano kaha? Alang sa inyong reaksyon i-text 09066308557

Hi JBBN. Mogret lng q sa tnang Omamalin & Divino family esp dri sa Montesuerte Carmen. Gretings coming frm Rosemarie Om’s. Tnx and God bless. 0909798…

Hai, JBBN gret lang ko sa ako mga batch naku 06-07 muzta namo mga Salomianz gretings coming frm Fulgencio Seprado. 0909288…

Gud mwneng JBBN, im Angeline Bautista frm Clape, I just wanna hve a txtmte boy 18 above, bhalag d kau gwpo bsta respnsible dn ny work. Tnx JBBN nd more power 2 ol d staff. 09197142032

Hi gud am JBBN. Puyde ko makigtxtmate. 09192719329