Pauleen Luna, gi-DENGUE
Enero 18, 2009

MANILA - Didto sa Manila Heart Center kasamtangang na-confine ang gwapitang si Pauleen Luna gumikan sa pagkasakit niini sa Dengue.

Si Pauline kaniadto pang Enero 9 ni check-in sa maong tambalanan. Apan matud pa sa mga doktor, luwas ang dalaga sa seryosong kahimtang gumikan kay mild ra kuno ang iyang sakit.

Nagkinahanglan lang kini og mga blood donors aron mahinluan ang iyang dugo. Ang blood type sa TV host/actress, B Positive.

Tungod niini, on-leave si Pauleen sa iyang mga shows sa GMA7 nga Eat Bulaga ug Luna Mystika.

‘Sex Guru’ nga endorser og condom, BUNTIS !
Enero 18, 2009

TINUOD gayud ang mga chika-chika nga buntis ang kontrobersyal nga “Sex Guru” nga si Asia Agcaoili.

Bag-o palang kini gi-angkon ni Asia ngadto sa PEP (Philippine Entertainment Portal), nga preggy-preggy gyud diay ang seksing celebrity.

Ug ang malagarbosong amahan sa ilang umaabot nga baby, ang iyang Dutch boypren.

Kini makapahimuot alang sa uban, tungod kay si Asia, endorser man sa usa ka condom – ang Premiere Condoms.

Apan matud pa ni Asia, expired na daw ang iyang kontrata sa Premiere. Hmmm. Mao kaha ni ang rason ngano na-buntis siya?

Kay kun dili na sya endorser sa Premiere, dili na pud sya tig-gamit ini. Tinuod ba, Asia?

Tungod kang Katrina...Hayden ug Vicki split na
Desyembre 28, 2008

BUWAG na silang Hayden Kho ug si Vicki Belo. Ang hinungdan – si Katrina Halili.
Giangkon ni Hayden ngadto sa 24-Oras news program sa GMA7 nga duna gyud syay salaud kun ngano nagbuwag na ang duha ka mga doctor.

“Inaamin ko na ako ang may pagkakamali,” matud pa ni Kho. Gani, iya pang gibulgar nga misuway usab sya sa paghikog tungod sa iyang kasakit nga gibati.

Unang migimaw ang mga tsismis nga siya na-link kang Katrina ug si Ruffa Mae Quinto.

Iyang gihimakak nga nakig-relasyon sya kang Ruffa, apan gikomperma nga tinuod kang Katrina.

"Kay Katrina lang ang totoo," sigun nya. "Nagkaroon kami ng affair ni Katrina, pero it was very, very, very short. It was more like fun. Na parehas kaming ego lang ang naglaro. Na wala talaga kaming emotional attachment."

Gidugang usab ni Hayden nga dili tinuod duna syay sex video kang Katrina.

Kanhi porn-star nakaplagang patay
Desyembre 28, 2008

TOKYO – Ang kanhi porn star nga si Ai Iijima, kinsa aktibong tigkampanya alang sa AIDS awareness, nakaplagang patay kaniadtong Myerkules, matud pa sa mga pulis.

Ang patayng lawas sa 36-anyos, kinsa miretiro sa iyang career sa telebisyon kaniadto pang Marso, nakaplagang naghigda sulod sa iyang condominium unit didto sa Shibuya district sa usa ka higala.

Walay nakit-an nga timail-an sa foul play ang mga kapulisan, apan gipadayon pa ang postmortem exam aron matumbok ang hinungdan sa kamatayan, kung usa ba kini ka suicide (paghikug) o murder nga kaso.

Si Iijima, kinsa ilado sa tibuok Asia, nagsugod pagkasikat kaniadto pang dekada 90.

Ang iyang kampanya alang sa AIDS Awarness nagsugod dungan sa iyang pagpamantala sa iyang libro nga gihinganlang “Platonic Sex” kaniadtong 2000.

Ang maong libro naghulagway sa iyang mga kasinatian isip usa ka porn star ug hostess sa mga club.

Ug kini aduna nay nahalin nga 2-milyones ka kopya ug gihimoan pa kini og salida ug serye sa telebisyon.

Si Iijima miretiro gumikan sa sakit sa kidney apan nagpadayon sa iyang AIDS campaign.

Batman, Joker “NO ENTRY” sa Tsina
Desyembre 28, 2008

LOS ANGELES – “No Entry” ang salida ni Batman nga “The Dark Knight” didto sa Tsina.

Apan ang nagbabag nilang Batman ug Joker dili ang gobyerno sa Tsina, kung di ang Warner Brothers studios sa Hollywood mismo.

Matud pa sa Warner, ang hinungdan sa pagbabag ug pagkanselar tungod sa mga “cultural sensitivities” o sa mga diperensya sa kultura sa maong nasud nga maoy sumpaki sa estorya sa maong salida.

Dunay usa ka eksena sa “Dark Knight” nga adto nahitabo sa Hong Kong – nga sakop sa Tsina – diin si Batman misaka sa usa ka skyscraper (taas nga edipisyo) aron pag-aresto sa usa ka criminal mastermind.

Ang salida kaniadto pang Hulyo 2008 gi-release, ug kini nakahakot na og $996-milyones tibuok kalibutan.

Mao usab kini ang top-grossing nga salida karong tuig 2008.

TANGING INA nag-una sa Metro Manila FilmFest entries
Desyembre 28, 2008

BAG-O palang gisugdan pagsalida sa mga entries alang sa 2008 Metro Manila Film Festival, apan ang entry ni Ai Ai de las Alas nga “Ang Tanging Ina Nyong Lahat” mao ang nag-una sa box office.

Ang entry nilang Tito, Vic & Joey nga “Iskul Bukol…20 Years After” maoy nagsunod, nga lain usab nga comedy.

Apan matud pa sa mga reports, halos katunga ang biya sa Tanging Ina sa Iskul Bukol sa halin sa mga ticket sa sinehan.

Ang horror nga Shake Rattle & Roll X gikan sa Regal Films mao ang ikatulo sa lumba, ug ika-upat ang Desperadas.

Sa Tanging Ina, si Ai Ai nahimong Presidente sa Pilipinas apan kini nakamugna hinuon og mga problema sa iyang pamilya nga gilangkuban sa 12 ka mga anak.

Koreanang aktres sad-an sa kasong adultery
Ni: Helios Pusta
Desyembre 21, 2008

UNA, ang mga tsis-mis bahin sa pagkabuntis mao ang mipukpuk og maayo ni Marian Rivera.

Karon, ang laing tsismis, nga nagpa-abort na hinuon ang maanyag, mao na ang migimaw ug midugang og sugnod sa kayo.

Ug ang gisuspetsaan nga amahan? Si “3D” Ding Dong Dantes. Apan kini tanan hugot nga gihimakak ni Marian.

Ug si Ding Dong, nagpa-silentmode lang bahin sa maong isyu tungod kay dili kini gustong modako og maayo.

Pero ang gikadudahan sa mga tsikadora sa showbiz media, kung ngano ang duha ka lovebirds nagkuyog og lupad ngadto sa Amerika.

Duda sa uban nga didto sa US nagpa-abort si Marian. Sa press conference nga gipahigayon alang sa salidang Desperadas, nag-agas ang mga luha sa nawong sa mestiza, ug sumala pa, dili na niya ma-agwanta ang mga tsika.

"Hindi ako buntis!" matud pa ni Marian. "Ang dami kong blessings na natatanggap, why will I waste them? I won't let such a thing happen to me, na maging pabaya ako. I love my career so much and if ever, five years from now, mabuntis nga ako, di ko yun itatago and I will tell you myself about it."

NEW YORK – Una, gipahid ni Scarlett Johansson ang tissue sa ilong human mang-hatsi.

Karon, iya ning isubasta (auction) sa internet. Ewww! Si Johansson mitungha sa Tonight Show sa NBC aron pag-promote sa iyang bag-ong movie “The Spirit.”

Mitug-an siya ni host Jay Leno nga natakdan syag “colds” o sip-on/hilanat ni Samuel Jackson (nga kauban niya sa salida), ug matud pa niya nga duna kiniy balor tungod kay gikan ni sa usa ka celebrity.

Mao nga nitunol si Leno sa usa ka tissue, ug kini gipahid ni Scarlett sa iyang masip-onong ilong.

Ingon ni Scarlett nga iya kining isubasta sa e-Bay ug ang halin ihatag ngadto sa USA Harvest, usa ka charitable organization nga nakigbatok sa world hunger o kagutmon.

Ang maong tissue, dunay sip-on ug lipstick nga mitapot. Sa pagkakaron, 60 na ang mi-bid alang sa tissue, ug ang highest bidder mitanyag og $2,050.

Ang subasta kutob ra ugma Desyembre 22.

KARONG tuig 2009, dili lang sa HBO nato masaksihan ang katakos ni Manny Pacman Pacquiao sa pamoksing, kundi sa mga sinehan usab iyang ipabuhagay ang abilidad sa pag-arte.

Kini kung madayon gayod ang giplanong salida nga i-prodyus ni Mother Lily sa Regal Films alang sa Pambansang Kamao.

Matud pa ni Mother Lily, iya pang gihuna-huna kong unsay nindot nga estorya ang bagay alang kang Pacman.

Iya usab tinguhaan nga makuha si Marian Rivera isip kaparis ni Manny isip love-interest sa maong movie.

Kung inyong mahinum-doman, si Pacman mibida sa salidang “Lisensyadong Kamao” kaniadtong 2005 uban ni Aubrey Miles.

Ang iyang role adto, usa ka boksidor nga gikan sa probinsya nga nahimong world champion.

Murag pamilyar no?

BANGUNGOT… o DRUGS?
Kamatayon ni Marky misteryo gihapon
Desyembre 14, 2008

MANILA - Hangtud karong panahona, wala pa gihapon mahibal-i ang tinuod nga hinungdan bahin sa kamatayon sa batan-ong artista nga Marky Cielo.

Ang 20-anyos nga dancer/actor nakaplagang walay kinabuhi sulod sa iyang kwarto kaniadtong Domingo (Des. 7)

Unang gidudahan nga bangungot o hemorrhagic pancreatitis ang mikutlo sa kinabuhi sa batan-on.

Apan dunay mga tabi-tabi nga basin drugs ra diay ang hinungdan, gumikan kay karong panahona, kuyanap ang paggamit sa droga (legal o illegal) sa mga taga-showbiz.

Ang pamilya ni Marky naghuwat pa gihapon aron matunolan og opisyal nga diagnosis sa Antipolo Doctors Hospital diin si Marky gidagan aron luwason.

Gitakdang ugma (Lunes Dec 15) ilubong si Marky (tinuod ngalan, Mark Angelo Cadaweng Cielo) didto sa Bauko, Mountain Province.

Si Marky usa ka Igorot, ug maoy unang Pinoy celebrity nga ninuno o indigenous.
Una siya misikat sa StarStruck reality search kaniadtong 2005-06.

Ubay-ubay nang mga television show ang iyang naapilan. Apan usa lang ka pelikula - ang ‘Till I Met You’ sa 2006 – ang iyang nabidahan.

Txtmis nga patay na si Carlos Agassi, dili tinuod
Desyembre 14, 2008

UNA si Marky Cielo. Sunod si Didith Reyes. Ug karon si Carlos Agassi na pud?
Ang unang duha, tinuod nga mitaliwan na.

Apan dili tinuod kang Carlos Agassi. Dili tinuod ang mikuyanap nga “TXTMIS” (text tsismis) nga ang rapper o “Amir of Rap” patay na.

Shock-na-shock daw si Carlos sa maong mangtas nga txtmis. Matud pa niya nga gipatay na hinuon siya pinaagi sa mga text.

"I was surprised when friends and relatives started calling me to ask if I'm still alive," matud niya.

“Yun pala, pinatay na ako sa text. I don't know what their motives are kung bakit sinisira nila ako dahil before this, kumalat namang I'm so sick at sobrang payat na raw ako. What some people don't understand is that this is a lifestyle. I'm a vegetarian along with my non-showbiz girlfriend. I'm also ambassador for health and fitness ng Gold's Gym, so hindi ko puwedeng pabayaan ang katawan ko."

Nagpatong-patong ang nadawat niyang mga tawag gikan sa mga higala ug paryente nga nangutana kun buhi pa ba siya.

Naglibog lang gyud ang recording artist kun naunsa na ni. Si Agassi kasam-tangang usa sa mga bida sa teleseryeng “Dragonna," diin siya ang igsuon ni Shaina Magdayao.

Jennifer Aniston nag-hubo alang sa GQ Magazine
Desyembre 14, 2008

NEW YORK – Karong Enero 2009, makit-an ninyo si Jennifer Aniston sa frontpage sa GQ Magazine.

Ang iyang sul-ubon, necktie. Mao ra. Ang headline sa maong magazine nagkanayon: “Is it just us or is Jennifer Aniston getting hotter?”

Kini nagpamatuod nga ang 39-anyos may “K” pa gihapon kung lawas ang hisgutan.

Sorry. Kong gusto mo makakita niya sa GQ, aw, palit lang mo sa mga magazine stand karong Enero.

Library sex-scandal ni Josh Hartnett dili tinuod - korte
Desyembre 14, 2008

LOS ANGELES – Dili tinuod nga adunay sex-video-scandal si Josh Hartnett sulod sa usa ka library.

Usa ka korte sa Britanya bag-o pa lang mibasura sa kaso bahin sa actor nga nahilambigit kuno kini sa skandalo.

Ang pamantalaan nga Daily Mirror ang mikarga sa “balita” diin si Hartnett nakuha sa mga security camera diin kini nakig-sex sa usa ka misteryosong babae sulod sa library sa usa ka hotel sa London.

Si Hartnett midawat sa kantidad nga US$30,000 isip damyos sa maong estorya.
Matud pa sa abugado ni Hartnett nga si Graham Atkins, ang Daily Mirror miangkon nga ang maong balita dakong bakak.

Gibutyag ni Atkins nga ang maong balita nakahatag lang og kasakit, kauwaw ug kapungot sa iyang kliyente.

Si Hartnett nagpuyo sa London alang sa usa ka stage production sa “Rain Man” nga unang gibituonan ni Tom Cruise sa putting tabil kaniadtong tuig 1988.

Yasmien Kurdi goodbye-showbiz na
Desyembre 7, 2008

GIBUTYAG na sa batan-ong aktres/singer Yasmien Kurdi nga iya nang biyaan iyang showbiz career.

Gusto sa gwapita nga molupad na sya ngadto sa laing nasud inig human sa iyang teleseryeng “Darating Ang Umaga” sa GMA-7.

Daw giplano usab niya nga mo-apil sa usa ka reality show nga mura’g Pinoy Big Brother sa maong nasud nga wala niyang gibulgar ang ngalan.

Dugang usab sa gwapita nga nag-ambisyon siyang mahimong international star.
"Para siyang reality contest. Parang PBB, maraming challenges, kaya masaya.Saka sikat siya 'di lang sa kanilang bansa. Kaya naman masarap sumali kasi magkakaroon ako ng international exposure sakaling makapapasok ako," matud pa sa mestisang Turko.

Dugang ni Yasmien nga misugot na iyang mga ginikanan sa plano, ug adto siya mo-ipon sa iyang papa sa maong misteryosong nasud.

Apan walay angay ikasubo alang sa iyang mga fans tungod kay temporaryo ra daw ang iyang paglayas sa Pinoy showbiz. dM

Miley Cyrus makig-buwag kang Papa ug Mama?
Desyembre 7, 2008

LOS ANGELES – Tinuod ba nga ang supersikat nga Miley Cyrus gusto makigbuwag na sa iyang mga ginikanan?

Ang tubag: Dili. Matud pa ni Leslie Gornstein, usa ka showbiz commentator sa E! Online, dili tinuod ang maong tsismis.

Usa ka tigpamaba ni Cyrus misulti nga “completely false” ang huhungihong nga ang 16-anyos gusto og “legal emancipation” o pakigbuwag sa iyang mama ug papa.

Hinuon, kun gusto gyud sa Hannah Montana star nga layasan ang iyang mga ginikanan, dili siya nag-inusara.

Ubay-ubay nang mga sikat nga celebrity ang mi-diborsyo sa ilang mga gini-kanan susama kang Drew Barrymore, Courtney Love, Alicia Silverstone, Michelle Williams, Jime Pressly ug Rose McGowan.

Apan unsa man nang “legal emancipation,”? Matud sa Family Law sa Amerika, sa legal eman-cipation, ang bata wala nay bisan-unsang obligasyon ngadto sa iyang mga ginikanan, ug ang mga ginikanan wala na pud obligasyon sa bata.

Ang bata pwede nga dili na motuman sa mga kamanduan sa mga ginikanan. Ang papa ni Miley mao ang country singer nga si Billy Ray Cyrus, kinsa maoy mikanta sa “Achy Breaky Heart” sa tuig 1992.

Kris ug Katrina ‘friends’ lang, dili ‘yabz’
Nobyembre 30, 2008

GITATAW ni sexy-star Katrina Halili nga ‘friends’ lang kuno silang duha ni singer Kris Lawrence, ug dili uyab, sukwahi sa mga tsismis ug balita.

“We’re more than friends, but we’re not committed” matud pa ni FHM Philippines Sexiest Woman.

Silang Kris ug Katrina nakig-ilhanay niadtong nag-tour ang duha sa Estados Unidos.

Matud pa ni Katrina nga nag-click gayud silang duha tungod kay nagkapareha sila og mga hilig.

Lakip niini sa mga pagkaon sama sa Chinese food ug mga itoy, matud pa niya sa usa ka press conference alang sa iyang bag-ong salida “One Night Only.”

Dugang pa niya nga lisod mag-mentinar og seryoso nga relasyon gumikan sa iyang ka-busy sa iyang showbiz career.

Sa maong salida, si Katrina mao si Jasmine kinsa nakigrelasyon sa duha ka lalake nga kongresista ug negosyanteng Intsik aron lang makakwarta.

Lakip usab sa cast silang Jennylyn Mercado, Alessandra de Rossi, Diana Zubiri, Valerie Concepcion ug Paolo Contis. -dM

John Lennon ug Beatles gipasaylo na sa Vatican
Nobyembre 30, 2008

HUMAN sa 42 ka tuig, gipasaylo na gayud ang Beatles – labi na si John Lennon.
Kun mahinuduman pa ninyo, kaniadtong Marso 1966, gipanghambog ni Lennon nga mas sikat pa ang Beatles kaysa ni Hesu Kristo.

Ang maong pang-hambog nakamugna og dakong kontrobersya nga nakapabukal sa dugo sa daghang mga Kristiyano.

Dunay uban nga misunog sa mga plaka sa Beatles ug ang uban mipagawas og mga death threats batok sa banda.

Apan ang paman-talaang L’Osservatore Romano, ang opisyal nga newspaper sa Vatican, bag-o pa lang mipagawas og pamahayag nga ang gipangsulti ni Lennon, usa lang ka “quip” o tiaw-tiaw.

Gipasabot sa manta-laan nga si Lennon ug ang Beatles kadtong panahuna, ug tungod sa ilang kasikat ug kabatan-on, mahitabo nga bisan-unsa nalang ilang ipangsulti o ipanghambog.

Gani, ang L’Osser-vatore midayeg sa Beatles gumikan sa ilang kontribusyon sa musika kaniadtong dekada 60, ug sa ilang nagpadayong impluwensya hangtod karong mga panahona. -dM

Mga kanta ni Barry Manilow ug Barney the Dinosaur gigamit isip silot batok sa mga banhaan
Nobyembre 30, 2008

COLORADO – Mahilig ka ba magpatukar og sobra ka banhang sonata sama sa rock music?

Pwede ka mapaham-tangan niining bag-ong silot: usa ka oras nga Barry Manilow o di ba Barney the Dinosaur.

Usa ka huwes sa estado sa Colorado bag-o pa lang mideklara nga malampuson kining bag-ong matang sa silot alang sa mga tawo nga mahilig magpatukar og alingogngog nga mga sonata.

Niining matang sa silot, ang akusado ipaslak sa usa ka selda diin siya pugsong papaminawon sa mga kanta ni Barry Manilow o ni Barney the Dinosaur sa taas kaayo nga bolyum.

Si Judge Paul Sacco nakahunahuna niining matang sa kastigo human siya gipul-an na sa mga tawo nga nagsigeg balikbalik pag-atubang kaniya sa korte tungod sa kalapsan nga sobra-an pagkaalingugngog.

Matud pa ni Sacco nga ang daan nga mga silot dili epektibo, mao nga iya kining gisulayan.

“This is a way of teaching manners to people,” matud pa ni Sacco, kinsa huwes sa Fort Lupton Municipal Court.

Gani, gipanghambog ni Sacco nga mikunhod ang mga kaso nga nahidangat sa iyang sala gumikan sa silot.

Pero unsaon kon ang kombiktado fans ra diay ni Manilow o ni Barney? Ang solusyon ni Sacco, mangita og laing kanta nga dili moangay ang kombiktado.

Kadaghanan sa mga nadangup sa sala sa huwes, mga membro sa mga local nga rock band sa maong lugar nga hilig magpraktis nga sobang banha ang ilang mga gipangtukar.

‘Himala’, All-Time Best Asian Film
Nobyembre 23, 2008

ANG 1982 nga salida ni batikang direktor Ishmael Bernal, nga “Himala” kinsa gibituonan ni “Superstar” Nora Aunor, mihimo og kasaysayan human kini nahalal isip “Best Film of All Time in the Asia-Pacific” sa survey nga gipahigayon sa Cable News Network (CNN).

Ang “Himala,” (internasyonal nga titulo “Miracle”) gipasidunggan sa bag-o pa lang nahuman nga 2008 Asia Pacific Screen Awards (Apsa) didto sa Gold Coast, Australia diin mokabat 700 ka mga dagkong-tawo sa kalibutanong film industry ang mitambong.

Sa maong survey, kadaghanan sa mga film critics ug mga tigtan-aw sa CNN mibotar alang sa “Himala” isip Best Asian Film.

Gilupig sa maong lilas ang 9 ka laing mga salida, nga naglakip sa Oscar Award-winning nga “Crouching Tiger Hidden Dragon” sa China; ang international blockbuster nga “Spirited Away” ug ang classic nga “The Seven Samurai” sa Japan; “Gabbeh” sa Iran; “Gallipoli” sa Australia; “Pather Panchali” sa India; “Oldboy” sa South Korea; “Internal Affairs” sa Hong Kong/China; ug “Chungking Express” sa China.

Ang “Himala” nakaangkon na og daghang award sama sa Best Picture sa 1982 Metro Manila Film Festival ug sa 1983 Catholic Mass Media Awards, ug uban pang mga award gikan sa FAMAS ug URIAN.

Nakadaug usab kini sa Bronze Hugo Prize sa 1983 Chicago International Film Festival.

Ang “Himala” gisuwat ni Ricky Lee, ug bahin kini sa usa ka babayeng probinsyana nga nahimung mananambal o faith healer kinsa usab mi-angkon nga siya pinili sa Birhen Maria. dM

Miley Cyrus buhi, YouTube video sa kamatayon usa ka ilad
Nobyembre 23, 2008

NEW YORK – Dili tinuod nga ang super-sikat nga Miley Cyrus nahilambigit sa usa ka aksidente sa sakyanan ug matud pa “namatay.”

Si Cyrus, kinsa maoy bida sa “Hannah Montana,” biktima lang sa usa ka Internet hoax o ilad, sa nilabayng tapos-semana.

Sa maong hoax, usa ka wala-mailhing tawo ang mi-hack o milungkab sa YouTube account ni Cyrus ug mibutang og video nga nag-ingon nga siya napatay sa usa ka hubog nga drayber.

Ang maong video, nga gitangtang na, adunay peke nga mensahe gikan kuno kang Mandy Jiroux, usa ka higala ni Cyrus.

Apan si Jiroux misuwat og usa ka mensahe sa MySpace account ni Cyrus, nga nag-ingon dili tinuod ang maong video.

“MILEY IS OK!! Some1 hacked our youtube account,” maoy gisuwat ni Jiroux. Ug aron sa pagmatuod nga dakong-buhi si Miley, nagpa-interbyu kini sa Associated Press alang sa iyang bag-ong salidang cartoons nga “Bolt.”

Sa maong salida, si Miley maoy mihatag og tingug sa usa ka 12-anyos nga babayeng karakter. dM

Halu JBBN. I wnt 2 gr8 ol da s2dnt in SBNHS spcialy IV-New2n. 2 Wena, Flor, Erlnda, Coray ug ne Hangaw2x. Tankz more pwer. –frm Anamae 2-Soy. 0909814…

JBBN, owning gr8 q xa mmbr xa BCF ug HCFN clan, bz jud mo mu mga toogs ug bagz esp gr8ngs xa mga cmenarian ja xa Tlo2 ug n Narl2 dha xa Crmen. Hoy, pgbnutan na, gara rka kaau. Enx po, Gdblez, & mre power. –frm Pig Pie. 0909814…

Gd eve JBBN ngau ko ka txtm8 kana boy iya age 24 up. 09186035989

Hlo kya JBBN pwd mangayo k og k txtm8 knang grl unya boutan iyang ega 25 pataas. Im J-R frm Crmen Bohol. 09098552750