 |
 |
|
BARANGAYS Cambanac Dasitam Buenaventura Guiwanon Landican Laya Libertad Montaña Pamilacan Payahan Poblacion San Isidro San Roque San Vicente Santa Cruz Taguihon Tanday |
|
BALITANG LOKAL (BACLAYON)
Van
nagkarga’g kahoy, walay permit, gisikop Matud pa ang kapolisan sa Albur mitawag sa Baclayon PNP aron masitar ang usa ka van nga color pula nga nagdala sa plaka GRA 67 ug gimaniho kini sa usa ka Camelo Jutohot. Ang maong pagsikop pingangulohan ni Police Inspector Armtemeo Roslenda sa maong lungsod samtang ang maong kaso padayon karon kining refer ngadto sa buhatan sa DENR. 16 anyos nga
babae gilugos, suspek natiklo BACLAYON - Pormal nang gipasaka kaniadtong Oktubre 15 ang kaso nga rape batok sa usa ka suspitsado nga naila sa pangalan nga Gary Coray, 22, nga nagpuyo sa Brgy. San Agustin, Sierra Bullones, Bohol. Sumala pa ni PO3 Frances Briones ang Police Investigator sa Baclayon PNP ang maong kaso atoa na sa piskaliya. Mahinumduman nahitabo ang maong in-sidente kaniadtong petsa 12 matud pa, usa ka batan–on 16 anyos ang nabiktima sa pang abuso. Ang batan-on naglakaw kini sa kalsada sa sayong kagabhion apan gipasakay kini sa suspek sa iyang gimaniho nga motorsiklo ug gidala kini ngadto sa daplin sa dagat sa Brgy. Guiwanon, Baclayon ug didto milampos ang gikatahapan sa pag buong sa kadungganan sa batan-on. Human sa hitabo ang gikatahapan ubos sa panabang sa kapolisan sa dakbayan sa Tagbilaran nasikop dayon ug na-tanggong sa Tagbilaran City jail apan kay ang maong kaso didto man mahitabo sa Baclayon gi-turnover usab kini sa maong lungsod. Samtang ang biktima ubos karon sa pag-atiman sa DSWD sa maong lungsod. 2 ka motorsiklo nagbangga, 1 patay Ni: Edward Guyano Hulyo 20, 2008 BACLAYON - Usa ang patay dihang aksidente nga mibangga ang usa ka motorsiklo ngadto sa laing motorsiklo subay sa national highway sa Barangay Montaña, Baclayon kaniadtong Myerkules Hulyo 16. Sumala sa blotter sa kapolisan sa maong lungsod, usa ka motorsiklo Crypton nagdala sa plaka OV 7188 gimaniho sa usa ka Ramil Tantiado, 30 anyos, nagpuyo sa dalan J.A. Clarin ning Dakbayan sa Tagbilaran uban sa angkas niini nga si Clarita Carlota hingkod ang panuigon nagpuyo sa samang dapit. Samtang nagdagan ang motorsiklo subay sa maong dalan gikan sa lungsod sa Loay padulong sa Tagbilaran aksidente kining nabanggaan sa nagsunod usab nga motorsiklo nga gimaniho sa usa ka Danilo Sumaylo taga Sungcolan, Dauis. Si Sumaylo kinsa aksidenting mibanga ngadto sa iyang gisundan nga motor nakaangkon og grabeng samad sa iyang ulo ug dali kining gidala sa tambalanan sa Dakbayan sa Tagbilaran apan gidiklara kini nga nga dead on arrival sa Doktor nga miatiman kaniya. Sa pagkutlo ning maong balita ang kapolisan sa Baclayon padayon pa karong nagsusi sa maong aksidente. Panahon sa
ting-init, turista mosaka Marso 30, 2008 Gilauman ning lalawigan nga niining pagsulod sa panahon sa ting-init motaas na usab ang pagpangabot sa mga turista dinhi sa atong lalawigan. Mao kini ang gibutyag ni Chito Vaño sa Bohol Tourism Office dihang gikahinabi ning tigbalita. Sumala pa ni Vaño nga kasagaran sa mga turista nga mangabot dinhi sa panahon sa ting-init mao ang nagagikan sa mga nasud sa Uropa. Gilauman usab ang package sa pagsuroy sa mga nindot nga dapit sama sa Sandugo Site, Baclayon Church ngadto na sa Loboc ug Carmen mao gayud ang daghang moduaw. Samtang sa laing bahin 200 usab ka mga langyaw ang modangop sa Bureau of Immigration and Deportation matag bulan aron pagpangayo og lugway sa ilang pagpuyo dinhi sa atong dapit. Kini ang namatikdan sa mga tinugyanan sa BID nga nagsugod niadtong bulan sa Nobyembre sa miaging tuig. Ang mga langyaw nga naghupot og Visa gitagalan lamang sulod sa 59 ka adlaw ug 21 lang ka adlaw kadtong wala makahupot og visa. Sulod sa nagakadaghang langyaw nga moistar dinhi dili usab mabutyag sa BID kon aduna bay mga langyaw nga salawayon nga gipangdeport gikan dinhi sa atong dapit. Lola gikawatan Ni: Edward Guyano Pebrero 10, 2008 Usa ka Josephina Ibong, 60 anyos, nagpuyo sa Vally Out, Baclayon ang biktima sa pagpangawat. Sumala sa Baclayon PNP ang insidinte nahitabo kaniadtong Pebrero 5 alas 7 :45 ang takna sa sayong kagabhion. Dugang imbistigasyon nasayran nga ang suspitsado yano lang kining misulod sa kwarto sa biktima ug mikuha sa kwentas nga mokantidad og 20,000.00 ka pesos. Ang kapolisan padayon pa karon nga nagahimo og dugang pakisusi kalabot sa maong kaso. |