The JBBN Staff

Orlando Magic mitala og NBA record 23 ka 3-points
Enero 18, 2009

SACRAMENTO, California – Mitala ang Orlando Magic og NBA-record nga 23 ka 3-pointers batok sa Sacramento Kings kaniadtong Myerkules, Enero 15.

Gipulbos sa Magic ang Kings sa eskor nga 139-107. Ang talagsaong-gamiton nga Jeremy Richardson mao ang mipasulod sa makasaysayanong ika-23 nga 3-pointer, 2 minutos ug 20 segundos nahibilin sa duwa.

Ang Magic miitsa og 37 ka higayon alang sa 62 porsento sa 3-points. Ang gwardya nga si Jameer Nelson mitala og 5 ka 3-pointers alang sa Magic, samtang silang JJ Redick ug Keith Bogans tagsa-tagsang mipasulod og 4.

Silang Hedo Turkoglu ug Rashard Lewis mi-eskor usab og tag-tulo ka 3-points.
Samtang silang Richardson, Courtney Lee, Anthony Johnson, ug Brian Cook mitampo ug tag-isa.

Apan ang nag-una sa scoring mao si ‘Superman’ Dwight Howard, nga midakdak og 25 points, ug si Nelson nga mi-amot og 23.

Sa kampo sa Sacramento, ang guard nga si Kevin Martin ang top-scorer sa duwa nga mitala og 30 points.

Ang kanhi NBA-record sa 3-pointers nakubtan sa Toronto Raptors sa ilang duwa batok Philadelphia 76ers kaniadtong Marso 13, 2005 diin sila mipalusot og 21.

2009 Australian Open sugdan ugma Enero 19
Enero 18, 2009

MELBOURNE, Australia – Sugdan na ugma, Enero 19 Lunes, ang 2009 Australian Open, ang ika-una nga Grand Slam nga torneyo karong tuiga.

Adto ipahigayon ang bakbakan sa tennis sa Melbourne Park. Ang numero-uno sa kalibutan nga si Rafael Nadal sa Espanya ang ilabok batok ni Christophe Rochus sa Belgium sa ika-unang round.

Samtang ang numero dos nga Roger Federer sa Switzerland maoy ikasangka sa Italyanong Andreas Seppi.

Samtang sa bahin sa mga babae, ang numero-unong Jelena Jankovic sa Serbia ang ikakontra sa Austrianong Yvonne Meusburger.

Ug si Serena Williams sa Estados Unidos, ang numero-dos, makahinagbo sa Intsik nga Meng Yuan.

Ang torneyo molungtad hangtod sa Pebrero 1. Samtang ang kampyon sa 2008 nga si Novak Djokovic, wala pamatino kinsay ikaharang sa unang-round.

Ug si Maria Sharapova, nga kampyon usab niaging tuig sa mga babae, dili makaduwa tungod kay nagpaalim pa kini sa iyang angol sa abaga.

AJ ug Czar redi-to-payt na karong Enero 31 sa ICM
Enero 18, 2009

TAGBILARAN CITY – Sama sa mga sunoy nga nagpanikad na aron makiglabok sa sabong, duha sa mga garbosong Bol-anong boksidor mipadayag nga redi-to-payt na silang duha sa ilang pagbalik sa ring.

Silang AJ “Bazooka” Banal ug Cesar “Czar” Amonsot mibutyag sa ilang kaandam pagbangon gikan sa mga kaparutan sa ilang karera sa pamoksing.

Ang duha gitakda nga mosaka balik sa ring karong umaabot Enero 31 (Sabado) sa usa ka boxing extravaganza nga gibansagang “They Are Back” nga ipahigayon sa carpark sa Island City Mall, Tagbilaran City.

Si Banal, kinsa adunay kartadang 17W-1L-1D (14KO) makigkontrata sa Indonesian nga superflyweight champion nga Nouldy Manakane.

Si Manakane nagkubot og 17W-7L-1D (8KO) nga record. Samtang si Amonsot makigsangka kang Zoel Fidal nga usa usab ka Indonesian nga dunay 16W-6L-2D (7KO) nga kartada.

Mao ni ang unang away ni Banal human kini gipaluhod ni Rafael Concepcion sa Panama sa ika-10 nga round kaniadtong Hulyo 26, 2008 didto sa Cebu Coliseum.

Una usab kining sangka ni Amonsot human sa iyang kapildihan sa Australyanong Michael Katsidis kaniadto pang 2007.

Sukad niadto, wala pabalika sa Amonsot sa pakigboksing tungod sa damyos nga naaguman sa iyang ulo, ug basin mo-grabe na hiunon kung magpadayon pa kini sa pag-away.

Apan bag-o palang, gi-deklara sa mga doktor nga pwede na si Czar nga mopadayon sa iyang panginabuhi human sa duha ka tuig nga pagpaalim.

First Congressional District Athletic Meet nagmalamposon ug mabungahon
Ni: Boy Luzon
Enero 18, 2009

LOON - Nagmalamposon ug mabungahon ang gipahigayong First Congressional District Athletic Meet 2009 ning lungsod sa tulo adlwang kalihokan niadtong Enero 11, 12, 13 sa maong lungsod.

Agi og pagbukas sa usa ka hiniusang kalihokan gihimo ang pagpangaleya sa kahitas-an ni Rev. Fr. Arnold Goder, ug Pambansang Awit, Awit sa Bohol, ug gisundan sa usa ka pag-abi-abi nga mensahe ni municipal Mayor Lloyd Peter M. Lopez MD.

Ang maong kalihokan tinambongan ni Kongresista Edgar Chatto, Bise Gobernador Juliud Caesar F. Herrera, mga membro sa Sangguniang Bayan pinanguluhan ni Bise Mayor Edwin Ladeza, mga kagawad sama ni Lokoy Legitimas, Ignacio Castil Jr., Precy Branzuela, Narsing Neri, Board Member Yul Lopez, Board Member AE Damalerio II, Mayor Alvin Uy sa Baclayon, Mayor Victoria M. Chatto sa Balilihan, Mayor Cecilia Rebosura sa Antequera, Alberto L. Mangaron Principal sa Loon South Central Elementary School, Fernando A. Castanares Schools District Supervisor Loon South, ug ang 14 ka mga lungsod nga sakop sa maong distrito nga mga atleta, ingon man sa ilang mga coaches, ug chaperons, ingon man usab ang mga kadagkuang opisyales sa Dep-Ed sa Loon South, ug North District, ug Jerome Cabanelez atleta sa palarong pambansa.

Subay niini gibutyag ni Chatto atol sa iyang mensahe nga adunay pinansyal nga hinabang sa kantidad P250,000.00 para mapalig-on ang maong kalihokan, ug P10,000.00 ang matag usa ka grupo, nga mitotal ang tanan ug P30,000.00 sa tulo ka grupo, aron adunay inspirasyon sa ilang partisipasyon sa pagsalmot sa maong kalihokan, ug direktemante gitunol dayon ni Chatto ang maong kantidad nga gidawat sa Mayor, ug coaches sa nagkadaiyang mga team.

Ingon man usab si Herrera midason alang sa kalamposan, ug kabulahan sa mga atleta sa pakigsambunot sa pag-paugnat sa kusog sa natad sa sports.

First Congressional District Athletic Meet gipahigayon sa Loon
Ni: Boy Luzon
Enero 18, 2009

LOON - Si SPO4 Alexander V. Somontan kinsa maoy Chief of Police ning lungsod, ug sa pakig-alayon ni Kagawad Ricky Masamayor Chairman Committee Peace and Order mipahigayon ug hiniusang tigum tali sa lima ka mga barangay kabahin sa pagpangandam sa First Congressional District Athletic Meet aron pagmentinar sa kahusay ug kalinaw sa maong kalihokan nga gipasiugdahan niadtong Enero 11, 12, ug 13,2009 sa maong lungsod.

Sa maong kalihokan tinambongan ni Mayor Lloyd Peter M. Lopez, SPO1 Felix Magallano, PO3 Emerito Paulinio, Barangay Kapitan Alexander M. Luzon, Jose Cartagenas Jr., mga Chief Tanod, ug Barangay Tanod, nga tinambongan kapin sa 14 ka mga lungsod sa probinsya sa Bohol.

Subay niini si Somontan mapasaligon nga ang mga sakop sa kwerpo sa kapolisan, Regional Mobile Group (RMG), mga Barangay Tanod ug uban pang mga tinugyanan sa balaod, maningkamot nga walay mabiktima sa mga dautang elemento nga mopahimulos sa ilang dautang mga tinguha atol niining gipahigayong kalihokan, nga higpit ipatuman ang pagbantay sa kalinaw, ug kahusay.

Samtang sa laing bahin si Mayor Lopez mipahigayon uab ug tigum sa tanang mga lab-asira, mga magpapatigayon, mga tricycle driver, mga habal-habal driver nga dili mopahimulos sa pagbaligya ug mahal sa ilang mga isda, mga otanon, ug uban pang mga produkto liabi na sa mga pagkaon, ug pamasahe, sa tricycle ug mga habal-habal.

Boom Boom mius-os sa WBO rankings, Ciso misaka
Desyembre 28, 2008

GIKAN sa pagka-Numero Uno nga contender alang sa kampyonato sa World Boxing Organization (WBO) superbantamweight division, si Rey “Boom Boom” Bautista nahimutang na karon sa ika-10 sa rankings.

Kini matud pa sa www.wbo-int.com, ang opisyal nga website sa WBO, sa ilang gipagawas nga rankings alang sa Desyembre 2008.

Samtang ang bagitong garbo sa Talibon nga si Ciso “Kid Terible” Morales mao na ang mi-overtake sa Candijaynon nga Bautista, ug nagrampa na karon sa ika-7 nga pwesto.

Ang walay-pildi (12W-0L-7KO) nga Morales miparot sa Thailander nga Narongnoi Muangklang kaniadtong Hulyo sa Cebu City.

Si Boom-Boom (26W-2L 19KO) giparot ni Heriberto Diaz kaniadtong Nobyembre 22 sa MGM Grand, Las Vegas human sa 8 ka rounds pinaagi sa unanimous decision.

Ubang mga Bol-anon nga nalakip sa mga WBO rankings mao sila AJ Banal, nga ika-14 sa Junior Bantamweight, ug si Nonito Donaire nga kampyon sa Flyweight.

Gerry posibleng hukasan og bakos sa WBO
Desyembre 28, 2008

MANILA – Nang-hulga na ang WBO (World Boxing Organization) ngadto kang Gerry Penalosa nga ila siyang hukasan og bakos sa world bantamweight.

Kini kun mapakyas si Penalosa nga mo-uyon sa mga kondisyones sa iyang mandatory nga pagdepensa sa bakos batok kang Eric Morel sa Puerto Rico.

Si Francisco Valcarcel, presidente sa WBO mipadayag nga wala siyay laing mahimo kun di silotan si Penalosa tungod sa padayon niining pagsalikway sa ilang mando nga makiglayog kang Morel.

Matud usab ni Ivan Rivera, sa promoter nga Puerto Rico Best Boxing, ang kampo ni Penalosa wala makig-koopera sa mando sa WBO.

Ang 36-anyos nga Penalosa nakaangkon sa iyang bakos sa bantamweight sa pagpakatulog kang Johnny Gonzalez sa ika-7 nga round kaniadtong Agosto 2007 sa Sacramento, California.

Si Valcarel maoy mipili kang Morel, nga gibansagang “Little Hands of Steel” isip kaatbang kang Penalosa.

Nadal, Jankovic gipasidunggan sa ITF isip mga “world champions of 2008”
Desyembre 28, 2008

LONDON – Gipasidunggan sa ITF (International Tennis Federation) isip mga “World Champions of 2008” silang Rafael Nadal ug Jelena Jankovic kaniadtong Myerkules.

Si Nadal maoy kina-unhang Katsila nga lalake nga nakadawat sa maong pasidungog.

Iyang nalangkat ang korona isip Number One player sa rankings gikan kang Roger Federer human niya kini gitumpag sa milabayng Wimbledon finals.

“It has been an incredible year for me and I will never forget all that’s happened,” matud ni Nadala kinsa midaug usab sa iyang ika-upat nga sunod-sunod nga titulo sa French Open karong tuiga, batok usab sa Swisso nga Federer. “To finish the year ranked No. 1 was really special.”

Ang unang Katsila nga gideklarang world champion sa ITF mao ang babaeng Arantxa Sanchez-Vicarioa kaniadto pang 1994.

Samtang si Jankovic gipili nga kampyon bisan pa’g wala kini makaangkon og Grand Slam nga titulo sa 2008.

Apan ang 23-anyos nga taga-Serbia, nakatala sa kinadaghanan nga mga daug sa WTA Tour, ug nakapunit usab kini og mga tropeyo sa Roma, Beijing, Stuttgart ug Moscow.

Espanya gusto mo-host sa 2018 World Cup kauban sa Portugal
Desyembre 28, 2008

MADRID, Spain –Mas gusto sa Espanya nga makighiusa og pwersa sa Portugal aron sila mahimong host sa 2018 FIFA World Cup.

Kini matud pa ni Angel Maria Villar, ang presidente sa football federation sa maong nasud.

Kaniadtong Martes, ang pamantalaang Marca mitaho nga si Villar mipabor na sa hiniusa o joint bid kauban sa Portugal alang sa World Cup.

“We need to present a strong, consistent and winning bid for the 2018 World Cup. Personally, I think it should be with Portugal,” sulti ni Villar sa usa ka kalihukan sa federasyon.

Ang ubang mga kandidato sa pag-host sa maong torneyo mao ang Mexico, Estados Unidos, Englatera, Russia, Qatar, Tsina, Australia, Japan ug ang hiniusang bid sa Nederlandia ug Belgium.

Ang Spain mao ang midaug sa European Championships sa milabayng tuig.

Howard mo-depensa sa korona sa Slam Dunk
Desyembre 28, 2008

NEW YORK – Karong umaabot nga NBA All-Star Weekend sa Pebrero didto sa Phoenix, panalipdan ni Dwight (Superman) Howard ang iyang korona (o kapa?) sa Slam Dunk Contest.

Si Howard makig-atbang kang Rudy Gay sa Memphis Grizzlies, ug Nate Robinson sa New York Knicks.

Apan ang ika-upat nga paapilon sa Slam Dunk, pili-on pa sa mga NBA fans. Ang mga kandidato mao silang Joe Alexander (Milwaukee Bucks), Rudy Fernandez (Portland Trailblazers), ug Russell Westbrook (Oklahoma City Thunder).

Si Robinson maoy point-guard sa Knicks nga may hitas-ong 5’9” lamang, ug nahimo usab kampyon sa Slam Dunk sa 2006.

Samtang si Fernandez, membro sa national team sa Espanya nga gipukan sa Team USA sa milabayng Beijing Olympics diin ang 6-11 nga Howard maoy sentro.

Manchester United kampyon sa FIFA Club World Cup
Desyembre 28, 2008

YOKOHAMA, Japan – Usa lang ko goal ang gikinahanglan sa Manchester United aron masungkit ang 2008 FIFA Club World Cup sa milabayng Domingo.

Si Wayne Rooney miiskor sulod sa ikaduhang bahin sa duwa aron pukanon ang LDU Quito.

Ang Club World Cup maoy torneyo nga modeterminar sa kampyon sa tanang mga komersyal nga kuponan sa kalibutan.

Ang maong torneyo gi-apilan sa 6 ka mga club nga mga kampyon usab sa ilang mga kontinento.

Sila ang Al-Ahly (Egypt) alang sa Africa, Manchester United (England) alang sa Europe, CF Pachuca (Mexico) alang sa North/Central America, Waitakere United (New Zealand) sa Oceania, Adelaide United (Australia) ug Gamba Osaka (Japan) sa Asia, ug LDU Quito (Ecuador) sa South America.

Beckham moduwa na alang sa AC Milan
Desyembre 28, 2008

MILAN, Italy – Andam na moduwa si football superstar David Beckham alang sa kuponan nga AC Milan.

Apan kini wala magpasabot nga iya nang gibuwagan ang Los Angeles Galaxy sa MLS (Major League Soccer) sa Amerika.

Si Beckham, gihulaman lang sa Milan gikan sa Galaxy alang sa nahibiling season sa ligang “Serie-A” sa Italy.

Bag-o pa lang natapos ang season sa MLS, mao nga si Beckham mitugot nga kasamtangang moduwa sa Milan.

Siya mobalik ngadto sa Galaxy inig tapos usab sa season sa Serie-A karong bag-ong tuig.

Gibutyag sa 31-anyos nga gusto siya magpadayon pagduwa og football aron mamintinar ang iyang kusog ug kondisyon.

Usa sa iyang mga tumong mao ang pagkombinsi ni Fabio Capello, ang coach sa national team sa England, nga ipabilin siya sa kuponan.

Si Beckham namiligro nga dili na tawagon ni Capello alang sa mga duwa sa England tungod kay dali na ni makaangkon og mga injuries tungod sa iyang edad.

Si Beckham kanhi miduwa sa Manchester United diin midaug kini’g daghang mga kampyonato, ug sa Real Madrid.

WBC mibansag ni Pacquiao isip 'World Boxer of The Year'
Ni: Helios Pusta
Desyembre 21, 2008

Tañamor naka-gold medal sa AIBA World Cup
Desyembre 21, 2008

White House himuong basketbolan ni Obama
Desyembre 21, 2008

WASHINGTON, DC – Inig lingkod ni Barack Obama isip ika-44 nga Presidente sa Estados Unidos, iyang himuong basketbolan ang White House.

Kini ang dakong pagtuo ni Craig Robinson, usa ka coach, ug suod nga parente ni Obama.

Sa artikulo nga iyang gisuwat alang sa TIME Magazine, nagtuo gyud si Robinson nga magtukod og korte o ring si Obama sa palibot sa White House.

Matud pa niya, walay laing sports ang hilig ni Obama kon dili basketbol lang, ug mahiligon kaayo kini nga mag-itsa-itsa sa iyang free time.

Dugang pa niya nga si Obama, walhon ug dunay desenteng jumpshot, ug ma-idlas labi na sa lusot-lusot bisan pa’g niwangon kini.

Ang pagduwa sa basketbol usa ka paagi nga maka-relax ang kanhi Senador sa iyang pagka-busy, matud ni Robinson.

Si Obama usa ka kanhi varsity player sa nagtungha pa kini sa Punahou High School sa Hawaii.

Sa iyang pagdagan alang pagka-Presidente, si Obama nakit-an nga mag-itsa-itsa ug makigduwa og “lima-lima” sa iyang mga amigo o bisan pa sa mga membro sa iyang campaign team.

Busa, duna poy mga storya-storya sa Washington nga basin ang mga cabinet meeting ni Obama adto sa basketbolan himuon imbis kay sa board room.

Ug basin ang iyang mga palisiya sa pang-gobyerno, hulmahon sa iyang utok samtang nag-praktis kini sa iyang mga lay-up ug 3-pointers. -dM

Davenport mo-atras sa Australian Open, buntis
Desyembre 21, 2008

CLEVELAND – Sa nilabayng semana, si tennis star Lindsay Davenport mideklara nga mobalik na sa pagduwa ug mo-entra sa Australian Open.

Apan karon, mi-atras na kini, tungod kay nasayrang buntis diay siya. Buot pasabot nga dugay-dugay pa kini makabalik sa pagduwa.

Matud pa sa iyang tigpamaba, ang kanhi Grand Slam champion nakurat apan nalipay sa maong balita.

Walay gikatakdang petsa ang gisulti sa tigpamaba kung hanus-a mobalik si Davenport. -dM

‘Superman’ nag-una sa All-Stars; Kobe nagsunod
Desyembre 21, 2008

NEW YORK – Kung si Superman mao ang giila nga hari sa mga komiks superhero, si Dwight Howard na ba ang maingong hari sa NBA?

Siguro daghan ang uyon, labi na sa iyang mga fans, ug daghan pud ang dili. Labi na ang mga dumadapig ni hari Lebron “King” James.

Apan kung basihan lang ang unang mga resulta sa voting alang sa 2009 All-Star Game, ang Superman sa Orlando Magic ang kasamtangang hari sa botohanay.

Si Howard nakahakot na og 775,933 ka boto, ikompara kang James nga 643,786 lamang.

Kini maoy mga resulta alang sa mga players sa Eastern Conference. Samtang sa Western Conference, si Kobe Bryant sa Los Angeles Lakers ang nag-una nga dunay 719,252 votes.

Ang 2009 NBA All-Star Game ipahigayon pa karong umaabot Pebrero 2009 didto sa Phoenix, Arizona, ang homecourt sa Suns.

Busa duna pay daghang higayon ang mga NBA fans nga mobotar alang sa mga players nga gusto nilang masaksihan moduwa sa maong All-Star Game.

Pwede mobotar pinaagi sa internet sa NBA website nga www.nba.com. Pero unsa kaha kung karong adlawa ipahigayon ang maong duwa?

Kinsa kaha ang masaksihang mopakita sa ilang ngilngig nga abilidad sa basketbol?

Kung basihan lang ang mga votes, sa Eastern Conference, si Howard mao ang center, ug si James sa Cleveland ug Kevin Garnett sa Boston Celtics ang mga forwards.

Silang Dwayne Wade sa Miami ug Allen Iverson sa Detroit ang mga guards. Samtang sa Western Conference, si Yao Ming (Houston) mao ang center, ug Tim Duncan (San Antonio) ug Amare Stoudemire (Phoenix) ang forwards.

Silang Bryant (Lakers) ug Chris Paul (New Orleans) ang modala sa back-court.
Pero kung sila ang nag-una sa botohanay, kinsa kaha ang nangiwit?

Ang tubag: si Brad Miller sa Sacramento Kings, nga naka-kakha lang og 6,892 votes, ug Chris Kaman (Los Angeles Clippers) nga nangamote og 9,104. -dM

Kanhi NBA Vlade Divac modagan pagka-presidente
Desyembre 21, 2008

BELGRADE, Serbia – Dili presidente sa nasud sa Serbia, kun dili sa Serbia Olympic Committee ra.

Mao na ang plano ni Vlade Divac, ang kanhi magduduwa sa Los Angeles Lakers, Sacramento Kings ug Charlotte Hornets sa NBA.

Human sa iyang pagretiro sa NBA kaniadtong 2005, ang 6-11 nga center gikuha isip usa ka adviser sa gobyerno sa Serbia.

Si Divac nagpuyo na karon sa maong nasud diin nakatukod kini og negosyo. -dM

P560,000,000 ang kita ni Manny
Desyembre 14, 2008

P560-MILYONES o US$11.2-milyones. Mao kana ang gikatahong sapi nga madawat ni Manny ‘Pacman’ Pacquiao gikan sa iyang sangka batok kang Oscar de la Hoya.

Sa ato pa, kada minuto, P23.3-milyones ang mabulsa ni Pacman, sulod sa 24 minutos sa sangka diin 3-minutos ang gitas-on sa matag round.

Kini gumikan kay si Pacman makadawat og dugang nga $5.2-milyones o P260-milyones gikan sa palit sa pay-per-view (PPV), patong sa orihinal nga $6-milyones nga ‘sweldo’ nga garantisadong iyang mabulsa alang sa maong sangka.

Matud pa sa HBO, kinsa nisibya sa sangka sa TV, mokabat sa 1.25-milyones ang palit sa pay-per-view ug kini mobalor og $70-milyones.

Apan matud pa ni Top Rank promoter Bob Arum, posibleng mo-igo sa 1.4-milyones ang palit sa pay-per-view.

Ang all-time record sa pay-per-view mao ang “The World Awaits” nilang De La Hoya ug Floyd Mayweather nga mihakot og 2.4-milyon ka palit, ug ang nagsunod ang De La Hoya-Trinidad sa tuig 1999 nga mihalin og 1.4-milyon.

Basi sa $70-milyon nga halin sa PPV, 50-porsyento niini ibayad alang sa mga gasto sama sa transmisyon, distribusyon, pag-promote ug uban pa.

Ang mahibilin nga $35-milyones, bahinon nilang Pacman ug Hoya diin si Manny makadawat og 32-porsyento kon itandi kang Golden Boy nga 68-porsyento.

Mao nga kon kwentahon, $5.2-milyon ang madugang ni Manny, patong sa iyang $6-milyon.

Apan ang masapi sa duha ka boksidor kuhaan pa sa mga buhis. -dM

Basta si Hatton akong gusto – Roach
Desyembre 14, 2008

HUMAN sa maka-bungog nga kadaugan ni Manny Pacman Pacquiao batok kang Golden Boy Oscar de la Hoya sa ilang Dream Match, gusto ni Freddie Roach nga si Ricky Hitman Hatton na ang sunod nilang ihawon.

Sa usa ka pamahayag sa Philboxing.com, si Roach mituo gyud nga ang Pacquiao-Hatton nga labok mas arang-arang pa kay sa Pacquiao-Mayweather.

“Regardless of money, I want Hatton to be the next fight for Manny,” matud pa ni Roach. “I don’t want a boring fight. Look at what happened when (Oscar) Dela Hoya fought Mayweather. I’d rather let Manny fight Hatton.” (Bahala na sa kwarta. Gusto ko si Hatton ang sunod nga sangka ni Manny. Dili ko gustog laay nga away. Tan-awa unsay nahitabo sa De La Hoya ug Mayweather. Ayo pa si Manny magsangka ni Hatton)

Ang Top Rank Promotions gusto usab sa sangka batok sa Hitman nga Briton. Ang kadaugan ni Manny kaniadtong Sabado sa MGM Grand Arena, Las Vegas mi-balidar sa iyang titulo isip Numero Uno nga pound-for-pound boxer sa tibuok kalibutan, ug kini nakapukaw sa naghagok nga Floyd Mayweather aron manghagit ni Pacman sa usa ka away.

Apan wala kini tagda ni Roach. “As long as it is a guaranteed good fight, it may be held in England or in the US,” sulti ni Roach. (Basta lang garantisadong nindot nga sangka, pwede kini himuon sa Englatera o sa Amerika)

Kon mahinumduman, si Roach gisaway og maayo tungod sa iyang pagporsige sa Dream Match, diin daghang mga eksperto sa pamoksing mituo nga usa ka “mismatch” ang sangka pabor sa mas taas ug mas bug-at nga De La Hoya.

Apan si De La Hoya ra diay ang gilampasog taman-taman ni Pacquiao hangtud sa ika-8 nga round. -dM

09183412164

MANANABTAN: Ginoo kaloy-I ang kalag ni… Mare, unsa toy ngalan aning namatay?
MARE: Ambot. Sundalo na kaniadto. Masingganer na siya.
MANANABTAN: Ginoo kaloy-i ang kalag ni masingganer. Palihug sabat.
TANAN: Ratatatatat! Bratatatat! Tat3x!

ANO ang sinasabi after SEX?
Pag ASAWA: I love u
Pag KABIT: Ang galing mo
Kung SYOTA: Wow, isa pa
Pag KUMARE mo: Paspasi pre, basin maabtan ta!

READ ALL

READ ALL

Gd eve JBBN ngau ko ka txtm8 kana boy iya age 24 up. 09186035989

Hlo kya JBBN pwd mangayo k og k txtm8 knang grl unya boutan iyang ega 25 pataas. Im J-R frm Crmen Bohol. 09098552750

READ ALL

09183412164

Hai JBBN, gud eve! Wanted q txtm8 nga grl 15-19 yrs of age! Kanang wafa or cute kay wafo mn pd q maesuroy og mall. Am im JR frm Balilihan, invte lng pd q Lavaras_jr@ yahoo.cm. 09204142204 (Posted: January 18, 2009)

Hai gudnun poh wnted txtm8 qoh veh kanang boy 16-19 yrs old. Kanang buotan xempre, jeje, pwde rn poh mgpa wnted Frndster. Wnted Frndstr qoh Jonalyn_1620@yahoo.com, tnx a lot more power. JBBN. 09075851082 (Posted: January 18, 2008)

Elow JBBN. Im looking 4 a boy txtm8 16-18 yrz of age. U can also ad meh as friend! Zteih_Cas30@ yahoo.com. Im Stela! Tnx. 09285462072 (Posted: December 28, 2009)

Hi JBBN gudmwnin gret q s mga pnsan q n Catagbacan Handig na cla Cathy, Loloy, Badag. Ug pwdi henge ng friends s Frindster q e2 pwd pkead. Tanx and more power 2 u. Ritchel_Celada@yahoo.com.ph (Posted: December 28, 2008)

Ei. JBBN. Wntd txm8 lng. Im Smantha Shane. Knang mhtg og load. Jeje. Smart user lng. Cutieshane16@yahoo.com. 09072777773. (Posted: December 21, 2008)

Good day! 2 everyone. I would to extend my gratitude to all staff of JBBN for making me pleasure while reading their column. I am much inform about the event today including latest issue as well as in showbuiz. For me you’re the best among the rest. Keep it up! Add me up mga friends. Thank u so much. Elvirgen_ Cantiveros @yahoo.com
(Posted: November 30, 2008)

A pleasant mrning 2 ol d staff of JBBN. I’m Leah of Bohol, luking 4 a guy txtm8 16yrs & above ung my sense of humor, and add u din po aq sa FS q Lovelyrecca@yahoo.com. Tnx & more power. (Posted: November 23, 2008)

Hi! JBBN. Gr8 lng q xa aqng mga frndz xa UB-Loon, especially 2 d 3rd yr Amethyst! Guys, good job. Nya add xd q nnu. Cutiezai_MheL93@ yahoo.com. (Posted: November 16, 2008)

STAFF BOX

Ritsutaka "Papa Jappil" Masuda - Owner
Delia Masuda - Publisher
Rey Dalay - Editor-in-Chief
Edward Guyano - Chief Reporter
Helios Pusta - Layout Artist/Writer
Dennis Medilo - Layout ArtistWeb Designer Jeffrey Bellita - Printing-Press Operator

CORRESPONDENTS
Boy Luzon - Loon
Lando Aparece - Sierra-Bullones
Y-Not Deloso - Anda
Admi Valmores - Talibon
Jingle Tripoli - Tubigon

CONTRIBUTORS
Rey Anthony Chiu - PIA
Gregorio Tavera - Jagna LGU
Fiel Angelie Gabin - Tagbilaran City LGU
Nestor Daarol
Bruce Zabala - PGMA

COLUMNISTS
Rey Dalay - Editorial
Edward Guyano - Kay Ngano Kaha? (K na K)
Rey Anthony Chiu - Kon Ako'y Pangutan-on
Lando Aparece - Tsk Tsk Tsk
Jingle Tripoli - Lihok Kabataan
Priscilla Richards - East Meets West
Y-Not Deloso - Nganong Dili?
Tor Telin - In My Opinion
Rammel Cagulada - Coop Pesos
Admi Valmores - Igo Na
Carmen Caga - Yayay!

MARKETING / ADVERTISING
Y-Not Deloso
Edward Guyano
Roger Sarausa
Frank Iyog
Nestor Daarol