2 ka kanhi-CAFGU gipusil, usa patay
Ni: Edward Guyano
Nobyembre 30, 2008

GETAFE - Padayon karong gisusi sa kapolisan ning lungsod ang hitabo sa pagpamusil sa duha ka kanhi sakop sa CAFGU.

Sumala sa kapolisan sa maong lungsod ang mga biktima gipaila nga sila si Domingo Torita 32 anyus minyo ug si Fernando Torrejos 32 anyus minyo pulos nagpuyo sa Sityo Lomboy, Barangay Salug sa maong lungsod.

Matud pa ang isidente nahitabo kaniadtong alas 2 :00 sa kaadlawon pitsa 28. Si Torita gidiklara nga dead on arrival sa tambalanan gumikan sa pagkaangkon ug samad pinusilan sa iyang likod.

Samtang si Torrejos padayon karong giatiman sa Celestino Gallares Hospital sa Dakbayan sa Tagbilaran.

Sumala sa mga nakasaksi ang mga suspitsado nga mipusil nanagsuot ug jacket ug nagkalo.

Ang kapolisan sa maong lungsod pinangulohan ni SPO1 Francesco Inot padayon karon nga mihimo ug dugang imbistigasyon kalabot sa maong kaso.