The JBBN Staff

P10,000 nga Barangay Aid gipanghatag sa Sagbayan
Ni: Edward Guyano
Desyembre 14, 2008

SAGBAYAN - Gikatakda nga ipanghatag na ning lungsod sa Sagbyan ang ilang matag tuig nga barangay aid nga mokabat sa tag P10,000 karong petsa 16 ning bulan sa Disyembre.

Kini maoy gibutyag sa kalihim ni Mayor Jimmy Torrefranca nga si Mr. Pastor Gudia.

Matud ni Gudia ang tinuig nga tabang alang sa tanang kabaragayan sa maong lungsod madawat na gayud.

Subay sa maong kali-hukan ipahigayon usab ang ilang get-together party nga paga-tambungan sa tanang mga kawani sa LGU nga gipahaom alang sa ilang kahiusahan ubos sa ilang mayor ug sa tanang katawhan sa maong lungsod.

Gibutyag usab ni Gudia nga sa panahon sa pasko ang Barangay Santa Catalina hingpit na gayud nga makabaton ug maayong panubig pinaagi sa ilang water work system.

Dugang pa niya halos tanang barangay sa maong lungsod karon aduna nay mga tubig nga nagagikan sa gripo ug gilauman nga karong pasko tibuok lungsod makatagamtam na sa mga kaayohan gikan sa kagamhanang lokal sa Sagbayan.
 

Gidudahang tigkawat og kabilya gian-daman na’g kaso
Nobyembre 23, 2008

SAGBAYAN – Giandaman na og kaso ang usa ka suspetsado sa pagpangawat og mga kabilya nga ipanggamit unta sa pagtukod og balay.

Ang suspetsado mao ang usa ka Jerry Gonzaga, usa ka mulupyo sa Barangay Canmano ning lungsod.

Ang tag-iya sa maong tukuron nga balay mao si Jonathan Calatrava, nga mulupyo usab sa maong barangay.

Gibana-bana ni Calatrava nga mikabat na halos ngadto sa P4,000 ang kantidad sa mga kabilya nga gipangkiriw sa suspetsado ug ang mga kauban niini. -dM

"Serbisyo Muna Caravan" goes to Sagbayan
November 23, 2008

SAGBAYAN - The "Serbisyo Muna Caravan" of the Association of Government Information Officers in Region VII (AGIO-7) led by the Philippine Information Agency -7 (PIA-7) and 51st Reserve Marine Battalion of Naval Reserve Center Eastern Samar conducted an Information Caravan with Medical-Dental Mission on November 14, 2008 in Brgy. Canmaya Centro, this municipality.

The activity is in line with President Gloria Macapagal-Arroyo's program to alleviate poverty in the countryside and to provide the needs of the people in far-flung areas.

Almost one thousand of people in Sagbayan went to the venue to avail of the government services such as free medical consultation, dental, hair cut and food feeding rendered by the Philippine Air Force, Philippine Coast Guard, Naval Forces Central and other military reservists.

A group of Information officers from the various national government agencies also joined the said activity by sharing inputs about the functions and services of their agencies.

They entertained queries and took time in assisting to other activities like distribution of medicines and registration for medical-dental consultations.

One hundred sixty-nine (169) children ages 5-10 years old also availed of the food/milk feeding sponsored by the Naval Reserve Center Eastern Visayas.

Brgy. Captain Pesiao Gambe of Brgy. Canmaya Centro was very much grateful to the association and to the local government unit of Sagbayan, Bohol in fulfilling his desire to conduct an Information Caravan with Medical-Dental mission.

He added that it was the first time that this kind of event happened in his barangay.
Variety of vegetable seeds such as squash, eggplant, corn and many others from the Department of Agriculture were distributed to the barangay folks for their backyard gardening.

Sagbayan is under the cluster of the Department of Agriculture for corn production program.

The 2nd Special Forces Battalion based in the municipality of Danao also joined the activity for securing the area.

Other government agencies that joined the activity were the following; headed by the AGIO-7 President, Mr. Eddie Llamedo of DENR-7; Philpost; DA-7; BFAR-7; DSWD-7; Philhealth; SSS;TRANSCO; PDEA; DOH; DFA; Pag-IBIG Mandaue Branch; CSC; OCD; and DILG-7.

This is the 7th "Serbisyo Muna Caravan" conducted by the association this year in bridging the gap between the government and the people. (PIA)
 

STL gi-bitay una sa LMP
Nobyembre 9, 2008

SAGBAYAN - Posoy ang mga nag-dahum nga tugotan gilayon sa Liga sa mga Mayores sa Pilipinas (LMP) ang dinaliang pagsugod sa Small Town Lottery (STL) dinhi.

Ang maong lakang nakab-ot sa mga sakop sa LMP sanglit sila sayod nga ang STL nag-atubang og dakong pagsupak hinungdan nga atol sa tigum sa mga mayores didto sa Sagbayan peak niadtong Myerkules, Nobyembre 5, nahukman nga i-oktaba una ang pag-endorso sa pagsulod sa STL dinhi, sanglit buot nila nga katun-an pag maayo ang lakang.

Mayoriya sa mga amahan sa kalungsoran sa Bohol miangkon nga kinahanglan masayod sila sa mga detalye kalabot sa pagpadagan sa STL una pa sila mohimo og lakang pag-endorso aron opisyal na gayod kining tugotan paghimo og operasyon dinhi sa lalawigan.

“Usa sa mga kinahanglan aron ang STL maka-operate mao ang endorsement gikan sa League of Municipalities of the Philippines (LMP) o dili ba sa Sangguniang Panlalawigan,” pasabot ni Tsirman ug Jagna Mayor Exuperio Lloren.

Kahinumduman nga gisugyot ni Congressman Adam Relson Jala ang pagpasulod sa STL aron patyon ang illegal nga swertres.

Gidason ni Jala nga ang STL operation makahatag og dugang pundo sa kagamhanan.

Tungod niini, si Bohol Bishop Leonardo Medroso nagkanayon nga siya mag-ampo aron adunay kalamdag sa panghuna-huna kalabot sa maong lakang.

Apan sa nauna nga tigum sa LMP, gibutyag sa usa ka tinugyanan sa Philippine Charity Sweepstakes Office (PCSO) nga segun sa ilang kasinatian, dili pa maseguro nga patyon sa STL ang mga ilegal nga sugal.

Gi-endorso na unta ni Mayor Telesforo Balagosa sa Lila nga mo-adopt ang LMP og STL endorsement, matod pa niya ang iyang lungsod makakuha og buhis aron paghulip sa nawagtang niini diin ang Lila mihunong na sa buwang.

Si Bien-Unido Mayor Rey Niño Boniel mihangyo nga ipadaplin una ang maong endorsement tungod sa nag-ong-ong nga panagtabo sa LMP ug sa PCSO.

Gidasonan usab ni Sagbayan Mayor Jimmy Torrefranca ang mosyon ni Boniel ug midugang nga ang liga kinahanglan mangayo ngadto sa pribadong korporasyon nga nagpadagan sa operasyon sa STL aron mopresentar ngadto sa LMP sa ilang plano.

“Let the private corporation intending to operate present to us so we can see for ourselves before we can endorse,” nagkanayon si Torrefranca.

Samtang si Danao Mayor Thomas Louis Gonzaga midason usab aron tukion kini og maayo.

Nagpaluyo usab kaniya sila si Calape Mayor Sulpicio Yu, Clarin Mayor Hermogenes Diezon ug Loay Mayor Rosemarie Imboy.

Bisan pa man sa managlahing baroganan, si Balilihan Mayor Victoria Chatto mihangyo ngadto sa iyang mga kaubanan isip usa ka inahan nga huna-hunaon gayod ang bisan unsa nga lakang nga buhaton ug kon unsa ang moralidad sa maong isyu.

Sa boto sa mayoriya, gihukmang ipadaplin una ang sugyot hangtud ika tigum ang PCSO sa tanang mayor sa ilang lakaw sa Manila sa sunod semana.

Hangtud niining panahona si Gobernador Erico B. Aumentado wala pay tubag kabahin sa sulat ni Conggressman Adam Jala sa gilaraw nga pag sulod sa STL.

Kaniadtong Byernes gipangutana ni Atty. Salvador Deputado ang staff ni Aumentado nga mao si Mr. Boy Pernia, matud pa ang gobernador wala pay tubag niini.

Niining simanaha dunay laing giatiman ang gobernador sa lalawigan.ug naatol usa sa kasaulogan sa Garcia Day.

Ang lalawigan sa Bohol dayag kaayo ang sugal sama sa swertres apan matud pa usab dili kini masumpo apan gipaniguro hinuon sa Gobernador nga hatagan una kini ug pagtuon una pa mapakanaog ang iyang mga panahom alang sa natumbok nga sugal. (rachiu/PIA/ Edward Guyano)

Hepe sa LTO manubag sa gobernador
Ni: Edward Guyano
Oktobre 19, 2008

ANG hepe sa Land Transportation Office nga si Mr. Joel Maloloy-on ipatawag ni Gobernador Erico B. Aumentado karong Lunes kabahin sa gisang-at nga reklamo ni Mayor Jimmy Torrefranca sa lungsod sa Sagbayan batok sa pagpadagan diha sa LTO.

Mao kini ang unod sa tubag sa Gobernador dihang gihinabi ning tigbalita atol sa iyang Governors Report kaniadtong Byernes.

Matud sa Gobernador wala pa niya madawat ang sulat reklamo sa Mayor apan pagkahuman sa flag raising karong Lunes iyang ipatawag si Maloloy-on aron pagahisgutan ang kalabot sa maong problema ug iya usab nga gihangyo si Mayor Torrefranca nga motambong usab isip siya mao ang personal nga mireklamo ngadto sa maong buhatan.

Gipasabot sa Gobernador nga ang maong suliran nga mitumaw tali sa mayor ug sa hepe sa na tumbok nga buhatan angay gayud ang panag sabot-sabot sa ingon mahipno ang gigikanan sa maong problema.

Mahinumduman ang maong reklamo gisang-at sa Mayor aron mahatagan og aksyon ang pagpadagan sa buhatan sa LTO kay matud sa alegasyon ni Mayor Jimmy wala siya pasudla gumikan kay nag short pants lang siya nga misulod sa maong buhatan.

Dili mahimo balibaran ang magbubuhis - Mayor Torrefranca
Ni: Edward Guyano
Oktobre 12, 2008

SAGBAYAN - Hangtud niining mga panahona si Mayor Jimmy Torrefranca sa lungsod sa Sagbayan nagpaabot pa sa resulta sa iyang reklamo nga gipadangat ngadto ni Gobernador Erico Aumentado kalabot sa gipatuman karon sa buhatan sa Land Transportation Office (LTO) nga dili makasulod ang nag-short ug nag-tsinilas nga mga magbubuhis.

Mao kini ang pamahayag sa mayor dihang gikahinabi ning tigbalita niadtong miaging adlaw.

Sumala pas Mayor nga ang iyang tumong sa maong reklamo aron lamang pagpadayag usab sa iyang kasagmuyo sa pagpadagan diha sa buhatan sa LTO.

Kon mahinumduman ang mayor dakog katingala sa pagpadagan sa maong buhatan kay wala man siya pasudla sa gwardya.

Ang tuyo sa mayor mao lamang ang pagparehistro sa iyang bag-o nga sakyanan gumikan kay gipangayoan man siya ug official nga risibo sa insurance mao nga misulod siya sa buhatan sa LTO aron pagparehistro.

Dugang pamahayag ni Mayor Torrefranca nga wala siya maka-uyon sa pamaagi sa maong buhatan nga wala siya pasudla gumikan kay nag short pants lang siya.

Subay niini iya kining gi-refer ngadto sa COA ug nga matud pa adunay standard nga pamaagi ang gisubay kon gani ang LTO officer sa maong buhatan accredited man sa ISO nan dili kini angay nilang buhaton.

Karon ang maong reklamo sa mayor iya kining gipahikay sa iyang abogado aron usab mahatagan og tukmang aksyon ang maong buhatan ug ingon man mahatagan usab ug lamdag ang katawhan sa ilang angay buhaton isip magbubuhis apan hikawan sa pagsulod sa buhatang pampubliko.

Gitataw ni Mayor Jimmy nga wala siyay personal nga kasuko ngadto sa hepe sa LTO, ang iyang gi-reklamo mao ang pagpadagan niini nga balibaran ang mga magbubuhis nga mosulod sa buhatan.

Ang usa ka tawo nga mosulod sa buhatan sa gobyerno ug mobayad usa kini ka magbubuhis, kwarta gikan sa buhis maoy gipasweldo sa mga nagtrabaho sa gobyerno," matod pa niya.

Tourist Police gipahimangnoan sa Mayor
Ni: Edward Guyano
Oktobre 12, 2008

SAGBAYAN - Pito ka mga bag-ong Tourist Police kinsa misugod na sa ilang serbisyo ning lungsod ang gipahimangnoan ni Mayor Jimmy Torrefranca kaniadtong adlaw nga Meyerkoles petsa 8 ning bulan sa Oktubre.

Matud sa Mayor nga gikalipay usab niya ang pagsugod na sa maong mga polis apan mihatag usab ang mayor sa iyang pahimangno nga ang pagserbisyo sa mga Tourist Police dili lamang mao ang pagbantay diha sa mga turista kon dili motabang usab sila sa mga kalihukan sa mga Polis sa maong lungsod.

Gipadayag usab sa mayor nga ang ilang lungsod nag kulang gayud ug Polis busa mi awhag siya nga duha lamang ang idistino diha sa Tourist Police disk ug ang uban moabag usab sa mga polis sa lungsod.

Ang pito ka mga Tourist Police ubos gihapon sa kamandoan sa ilang hepe nga mao si Police Inspector Petronilo G. Garcia.

Si Mayor Torrefranca sa iyang bahin namahayag nga ang ilang lungsod dili ingon sa Panglao nga gikinahanglan gayud ang daghang mga Tourist Police .

Dugang pa niya nga ang pito ka mga polis subra kay kon ikompara ang Sagbayan ngadto sa Panglao kay mas kusog man ang kalihukan sa mga turista sa maong lungsod.

Gilauman usab sa mayor ang hingpit nga serbisyo sa maong mga polis sa ilang lungsod nga walay mga kasaypanan ug suliran nga modangat sa buhatan sa mayor niining bag-o nga pagsugod sa mga polis.

Kulminasyon sa Family Day ug Civil Service Month gipahigayon
Ni: Rey Dalay
Oktobre 5, 2008

SAGBAYAN - Gipahigayon ang usa ka culmination program for Family Day and Civil Service Month niadtong Lunes (Setyembre 29), didto sa balay lungsod sa Sagbayan.

Ang maong kalihokan gibuksan pinaagi sa usa ka santos nga misa ug gisundan kini sa usa ka hamubo nga programa nga gidalit alang sa mga kawani sa lungsod.

Sa pakighinabi nga gihimo ning tigbalita ngadto kang G. Pastor Gudia, ang executive secretary sa maong lungsod, gibutyag niini nga una nang gilaraw nga mangaligo unta sila sa dagat, apan maoy nakab-ot nga hukom nga adto na lamang pagahimoon ang programa sa balay lungsod.

Ang mga kalihokan naglangkob sa volleyball ug pagka-udto usa ka dakong hikay ang giandam alang sa mga kawani sa lungsod ug ingon man mga bisita.

Usa ka dakong litson ang gidalit alang sa maong salo-salo nga gipahimutang didto sa SB session hall.

Gibutyag usab ni Gudia nga niadtong miaging semana, gipahigayon usab ang caravan for peace, diin ang team nga nalakip ang Sagbayan gipangunahan ni Col. Ernesto Agas.

Ang maong kalihokan gitumong aron pagmentinar sa kahapsay ug kalinaw sa lalawigan.

Si Gudia maoy representante sa lungsod atol maong kalihokan tungod kay si Mayor Jimmy Torrefranca mitambong man sa tigum nga gipahigayon didto sa Sagbayan Peak.

Brgy. Sta. Catalina makabaton na og tubig mainom
Ni: Rey Dalay
Oktobre 5, 2008

SAGBAYAN - Dili na unya maglisod ang mga molupyo sa Brgy. Sta. Catalina, tungod kay moabot na sa ilang tagsa-tagsa ka panimalay ang tubig nga mainom aron pagkompleto sa sistema sa panubig sa lungsod.

Si Pastor Gudia, executive secretary sa buhatan ni Mayor Jimmy Torrefranca mibutyag nga sa Brgy. Sta. Catalina aduna nay gibutang nga tubo sa tubig ug kinahanglan na lang nga i-connect sa main source.

Dugang gibutyag ni Gudia nga ang Sta. Catalina maoy nagpabilin sa 24 ka barangay nga wala pa kapatubigi.

Ang tubig nagsuplay gikan sa Brgy. Poblacion, diin aduna kiniy reservoir, ug sa San Vicente Norte, nga adunay duha ka tinubdan sa tubig.

P1.4-M sa lungsod ug P200T sa 24 ka barangay kantidad nga proyekto
Ni: Rey Dalay
Oktobre 5, 2008

SAGBAYAN - Mokabat ngadto sa P1.4-Milyon ang madawat sa lungsod nga maoy gamiton pagbutang og bungbong sa bag-ong nahuman nga gymnasium samtang laing kantidad nga P200,000 kantidad nga proyekto alang sa 24 ka barangay sa lungsod sa Sagbayan gisaad ni Cong. Roberto Cajes.

Kini maoy gibutyag sa executive secretary sa lungsod nga si Pastor Gudia.

Si Gudia mibutyag nga ang maong kantidad nga salapi gisaad ni Cajes atol sa tigum nga gipahigayon didto sa Sagbayan Peak.

Ang maong tigum nga gipahigayon niadtong miaging semana gitambongan kini sa mga mayor ug besi mayor sa ikaduhang distrito.

Ang P200,000 nga kantidad gamiton alang sa farm to market road, pagkompleto sa mga day care ug health center.

Ani sa mag-uuma apektado sa pag-ulan
Ni: Rey Dalay
Oktobre 5, 2008

SAGBAYAN - Nagsagubang og suliran ang mga mag-uuma tungod kay ang produkto nga mais nga ilang gitikad apektado ang ani niini tungod sa ulan.

Kini maoy gibutyag Pastor Gudia, executive secretary ni Mayor Jimmy Torrefranca ning lungsod.

Gipahibalo usab ni Gudia nga pagkakaron nagamit na ang ilang upat ka unit nga tractor diin gibana-bana nga mosaka gayod ang ani sa produkto nga mais sa lungsod.

“Ang maong kalamboan timailhan kini sa mga paningkamot sa mga opisyales sa lungsod pinangunahan ni Mayor Jimmy Torrefranca, diin nakadawat ang lungsod og award isip most supportive LGU sa tibuok Rehiyon 7 diha sa natad sa agrikultura niadtong bulan sa Agosto,” matod pa ni Gudia.

Hinuon gipaniguro ni Gudia nga ang uban nga mga mag-uuma kansang mais naapektohan sa pag-ulan adunay crop insurance.

Motor mibangga sa truck, magtiayon patay
Ni: Boy Luzon
Agosto 3, 2008

SAGBAYAN - Patay diha-diha dayon ang magtiayon human ang gisakyan niining motorsiklo aksidenteng mibangga sa usa ka trak de karga nga gi-parking kilid sa kalsada didto sa may national highway niadtong Hulyo 22 alas dyes ang takna sa gabii.

Giila ang magtiayon nga sila si Jose Dich ug Altafe Divinagracia, molupyo sa Poblacion ning lungsod.

Sigun sa tinubdan ning maong balita, si Altafe nga gikan sa Subo gitagbo sa bana niini nga si Jose sa lungsod sa Tubigon, samtang sila nagbiyahe pauli, paghidangat dapit sa may Sagbayan Peak, aksidente kining mibangga sa nakaparking nga trak de karga nga maoy hinungdan sa ilang hinanaling kamatayon.

Pagpanalipod sa mga bata sa armadong pakigbisug, gituki
Ni: Rey Chiu / PIA
Mayo 18, 2008

ALANG sa pagpanalipud ug paghiklin sa kabataan sa armado nga pakigbisug, magkatigum ang mga ahensya sa kaganhanan kauban ang Philippine Coalition to Protect Children In Armed Conflict dinhi sa Bohol.

Kini aron hisgutan ang mga kasamtangang isyu kabahin sa aktibo nga pagpahilambigit sa mga kabataan sa nagpadayong panagbangi tali sa mga rebelde ug sa kagamhanan.

Supak sa tawhanong katungod ang paglambigit sa mga kabataan sa aktibong pakigbisog apan namatyikdan nga dinhi sa Pilipinas, daghan na nga mga higayon nga may nga kabataang nalambigit kay gi-aghat sa mga pundok.

Kahinumduman nga dinhi sa Bohol, may mga sitwasyon na nga may mga menor de edad nga miangkon nga gi-aghat sa pag-apil sa guerra.

Usa na niini ang nahitanbong engkwentro didto sa Sagbayan ug ning bag-o lamang, may usa ka menor de edad nga taga Danao nga mitahan sa iyang kaugalingon aron makabalik sa sabakan sa balaod.

Ang tigum nga gipahigayon sa L-Shaped Conference Hall, sa Kapitolyo Provincial dinhi sa Tagbilaran City, Bohol nagpatawag sa mga ahensya sa kagamhanan ug nga sakop sa Sangguniang Kabataan aron hiusahon na ang mga lakang kabahin ning hisgutanan ilabi na sa pag-paapil niining mga bata sa panagbangi.

Ang Philippine Coalition to Protect Children in Armed Conflict (Protect CIAC) nakig-tambayayong sa Office of the Presidential Adviser on the Peace Process alang sa pagpanalipod sa mga kabataan.

Una nga nga gitapok ang mga tinugyanan sa kagamhanan ug mga ahensya niini, samtang ugma, sa may alas 9:00 tapokon ang mga sakop sa SK.

Batan-on namasol nalumos
Ni: Edward Guyano
Abril 20, 2008

Suspetsado sa pagpanunggab mitahan
Ni: Edward Guyano
Marso 30, 2008

Usa ka suspetsado sa pagpanunggab ang mitahan sa iyang kaugalingon ngadto sa kapolisan sa Sagbayan inubanan sa iyang amahan kaniadtong petsa 24 alas 4:00 sa hapon.

An gikatahapan gipaila nga usa ka Junryl Cabuga, 24, suspek sa pagdunggab patay ngadto sa usa ka Romy Morino nga nagpuyo diha sa Habitat, Tabalong, Dauis.

Ang maong insidinte nahitabo kaniadtong Sabado Santo alas 5:00 sa hapon samtang ang duha nagdula og tong-its ug wala magkasinabot miresulta kini sa panag-away.

Nakaangkon si Morino og grabeng samad hinungdan sa iyang kamatayon. Sa pagkakaron ang kapolisan sa Sagbayan andam na nga i-turn over ang suspek ngadto sa Police Station sa Dauis.

15 anyos naghikog
Ni: Edward Guyano
Marso 2, 2008

Paglambo sa agrikultura sa Sagbayan
Ni: Edward Guyano
February 17, 2008

Paglambo sa Agrikultura karon ang gitutukan ni Mayor Jimmy Torrefranca, sa lungsod sa Sagbayan.

09183412164

PACQUIAO: Honey, buksan mo na yung sweets.
Jinky : Lambing mo talaga, dear. Nasaan ang sweets?
Pacquiao: Yung sweets ng ilaw. Di ako makakita… Ang dilim!!

INRITS YUR BOCABOLARY: by Manny Pacquiao
TACTICS - tunog ng orasan
PAYT - laban para sa Pinoy
TAYTOL - pamagat ng laban
JENGKEH - name ng dyowa nya?!
NO PEER - sponsor nya
MOTOR KID - pag-ikot nya sa Manila
CHECK IN - manok sa McDo
CORRUPT - pagsara ng mata
MURA LESS - nakalaban nya
WIT - timbang
WAWAWE - noontime show
DUET - gawin mo
L.A. - Leto Atsensya!
QUOTES - tawag nya kay Freddie Roach!

READ ALL

READ ALL

Hi. I would like 2 great my group of Church, CYF’ers (Christian Youth Fellowship) Aljer, Liza, Ailyn, and etc.! Wanted callmate Sun user ung boy 21 down to 17. 8s my # 09236760038, Wanted txtm8. 09193277290

Hi JBBN ahm wntd ko txtm8 nga grl 17-19 years of age. Simply amazing nga girl. Tanx a lot! More power, by d way im John. 09185034725

READ ALL

STAFF BOX

Ritsutaka "Papa Jappil" Masuda - Owner
Delia Masuda - Publisher
Rey Dalay - Editor-in-Chief
Edward Guyano - Chief Reporter
Helios Pusta - Layout Artist/Writer
Dennis Medilo - Layout ArtistWeb Designer Jeffrey Bellita - Printing-Press Operator

CORRESPONDENTS
Boy Luzon - Loon
Lando Aparece - Sierra-Bullones
Y-Not Deloso - Anda
Admi Valmores - Talibon
Jingle Tripoli - Tubigon

CONTRIBUTORS
Rey Anthony Chiu - PIA
Gregorio Tavera - Jagna LGU
Fiel Angelie Gabin - Tagbilaran City LGU
Nestor Daarol
Bruce Zabala - PGMA

COLUMNISTS
Rey Dalay - Editorial
Edward Guyano - Kay Ngano Kaha? (K na K)
Rey Anthony Chiu - Kon Ako'y Pangutan-on
Lando Aparece - Komentaryo
Jingle Tripoli - Lihok Kabataan
Priscilla Richards - East Meets West
Y-Not Deloso - Nganong Dili?
Tor Telin - In My Opinion
Rammel Cagulada - Coop Pesos
Admi Valmores - Igo Na
Carmen Caga - Yayay!

MARKETING / ADVERTISING
Y-Not Deloso
Edward Guyano
Roger Sarausa
Frank Iyog
Nestor Daarol