LILA - Nagkadaiyang mga kalihukan karon ang giandam sa mga mulupyo ning lungsod alang sa kapistahan sa ilang pangilin sa ilang mahal nga patron Santa Rosario karong Oktubre 6-7.

Si Mayor Telly Balagosa sa maong lungsod dihang ato kining gikahinabi didto sa ilang halapad nga Gym.

Matud niya kaniadtong pitsa uno gisugdan ang Lila Inter town Basketball exebition diin ang mayor nangunay gayud sa pag apil sa maong dula.

Gidugang pa ni mayor nga dako usab ang gigahin nga pondo alang sa ilang pag pangandam sa maong kalihukan, gani ang ilang gym sa pagka karon mikabat man sa 15 milyonis ang kantidad niini.

Niadtong milabay’ng bulan naigo usab kini sa alimpolos apan gumikan sa iyang inisyatibo gigahinan usab niya ug 200,000 alang sa pag ayo niini.

Sa pitsa 2 gipahigayon usab ang HRA night, sa pitsa 3 LHS and Dep ED night, sa pitsa 4 mao ang PPC night coronation, sa pitsa 5 LMPC,LGU Lila concert pagka 6 mao ang Alturas Night ug sa pagka katumanan mao ang SK night diin aduna dakong Disco diha sa ilang halapad nga Gym.

Usa ka drayber nga nakaligis ang mi-surrender sa buhatan sa kapolisan sa Lila. Ang maong drayber giila nga usa ka Jacinto Duterte, 30 anyos, ug lumulupyo sa Upper Cabawan, Maribojoc, Bohol.

Sumala sa drayber nga siya nakaligis sa lungsod sa Valencia hinungdan gi-turn over kini sa Lila PNP ngadto sa Valencia PNP.

Sa susamang adlaw na-blotter sa kapolisan sa Valencia ang usa ka hit and run. Ang biktima usa ka Michael Cainday, hingkod ang panuigon ug nagpuyo sa Catug-an, Valencia.

Matod pa, samtang ang biktima nagpatubil og gasolina, aksidenteng nabanggaan sa usa ka delivery truck nga gipanag-iya sa Alturas nga gimaneho ni Duterte.

Ang biktima gibiyaan nga namudmod sa yuta uban sa iyang motorsiklo ug gidali pagdala sa tambalanan sa dakbayan sa Tagbilaran.

Gipadangat karon ni Mayor Telesforo Balagosa sa lungsod sa Lila ang reklamo kalabot sa gidangatan sa iyang mga bisita nga gikan sa Canada.

Sa sesyon sa Sangguniang Panlalawigan sa milabay nga Myerkules, Enero 30, 2008, gihisgotan ni Bokal Corazon Galbreath atol sa other matters sa sesyon ang kalabot sa suwat ni Mayor Balagosa.

Wala kaayo mahisgoti ang ditalye sa maong suwat apan kini gipasa ngadto sa duha ka mga komitiba, ang Committee on Public Utilities nga gipangulohan ni Bokal Ae Damalerio nga mao ang mangulo sa pakisusi uban sa Committee on Tourism nga gipangulohan ni Bokal Corazon Galbreath.

Nahisgotan ni Galbreath, ang usa sa mga giriklamo, ang Cebu Pacific Airline, gumikan kay wala makasakay ang 2 ka mga turista nga bisita ni Mayor Balagosa, bisan pa kon sayo kining nahidangat sa Airport.

Sa gihimong pakighinabi ngadto ni Mayor Balagosa sa usa ka lokal nga estasyon sa radio, gibutyag niini ang detalye sa iyang reklamo.

Sumala pa sa mayor nga 2 sa 23 niya ka bisita nga gikan sa Canada ang iyang gihatod sa Airport kay mosakay sa byahe sa Cebu Pacific balik sa Manila.

Ala-una kinse (1:15) silang nahidangat sa airport ug dako ang iyang pagtuo nga makasakay pa ang iyang mga bisita gumikan kay alas dos (2:00) paman ang byahe og aduna na silay round trip ticket pabalik sa Manila.

Apan dako nalang ang kakugang sa mayor gumikan kay samtangt iyang gibiyaan ang iyang mga bisita, pag-abot sa pipila ka minuto gitawagan siya ug gisultihan nga wala sila makasakay.

Sumala pa sa mayor nga, dali siyang mibalik ug miriklamo, “Mibalik ko ug ni complain ko, nga nganong dili makasakay nga book mana sila, ang ilang gitubag ang 45 minutes check in time.”

Pamahayag pa sa mayor. Gidugang pa ni Balagosa nga tuod man miabot ang eroplano alas 2 na ug milarga alas 2:45 sa hapon.

Didto nalang nanakay sa byahe sa Philippine Air Lines ang duha sa iyang mga bisita apan nagbayad kini og mahal kay didto naman kini sa business class.

Nagduda si Balagosa nga nahatag og lain nga gipaburang pasahero ang alang sa iyang mga bisita.

Ang Jappil Bantay Balita Newspaper bukas alang sa habig sa Cebu Pacific kalabot sa giingong reklamo sa mayor sa lungsod sa Lila kalabot sa ilang serbisyo.

Sa milabay nga duha na ka semana si Bokal Amalia Tirol, mireklamo usab sa Cebu Pacific gumikan kay wala siya makasakay kay wala tuguti ang iyang driver nga maoy mo-check in para kaniya.

Gidili sa palisiya sa maong kompanya ang prokse. Hinuon nangayo na og pasaylo si Bokal Amalia Tirol ngadto sa Cebu Pacific atol sa hearing sa committee on public utilities nga gipangulohan ni Bokal Alfonso Damalerio.

Si Damalerio usab ang gitahasan nga maoy moimbistiga sa maong reklamo ni Tirol human kini mihimo og “privilege speech” kalabot sa iyang nahiagoman.

Samtang ang laing reklamo ni Balagosa, nga naapil sa iyang suwat ngadto ni Bokal Corazon Galbreath, mao ang lain na usab nga gidangatan matod pa sa iyang mga bisita samtang nag-check-in sa Bohol Beach Club.

Usa sa iyang mga bisita nga nag-okupar sa room 116 sa BBC ang mireklamo ngadto kaniya gumikan kay nawad-an kini og singsing nga adunay diamond nga bato.

Wala magtuo si Balagosa nga namakak ang iyang mga bisita mao kini nga iyang gihatagan og pagtagad pinaagi sa pagreklamo sa maong mga hitabo.

Dako ang pagtuo ni Balagosa nga makadaot kini sa atong turismo sa Bohol kon dili mahatagan og pagtagad.

Matod pa ni Balagosa nga, gipasaligan siya sa BBC nga pahibaluon sa resulta sa ilang gihimong pakisusi, apan wala gihapon makadawat ang mayor og taho kon unsa na ang resulta niini ug mao kini ang hinongdan nga iya nalang kining gipadangat sa Sangguniang Panlalawigan.

Wala pay gihimong komentaryo kalabot sa mga reklamo ang SP gawas sa pag-refer niini ngadto sa duha ka mga komitiba nila ni Damalerio ug Galbreath.

Sa Poblacion Lila, usa ka Ginang ang nabanggaan sa bus nga Dory, nagdala sa body number 346, kaniadtong petsa 9 ning bulan sa Enero, sa may alas 9:00 sa buntag didto atubangan sa merkado sa maong lungsod.

Ang biktima giila nga usa ka Justina Gallo y Buco, 70 anyos. Sumala sa blotter sa kapolisan sa Lila, ang bus nga nagdagan subay sa national highway kalit mitabok ang biktima ug mibalik kini hinungdan nga nabanggaan.

Nakaangkon ang biktima og grabeng kadaot sa iyang ulo ug gidali kini pagdala sa Celestino Gallares Memorial Hospital ug sa pagka alas 4:00 sa hapon nabugtoan kini sa iyang kinabuhi.

Ang driver sa bus nga si Genis Galbino nga diha sa kustodiya sa kapolisan sa Lila gi-release lang usab pagka-ugma human nga nagkasinabot ang tag-iya sa maong bus nga bayaran ang tanang danyos sa maong insidente.

Halu JBBN. I wnt 2 gr8 ol da s2dnt in SBNHS spcialy IV-New2n. 2 Wena, Flor, Erlnda, Coray ug ne Hangaw2x. Tankz more pwer. –frm Anamae 2-Soy. 0909814…

JBBN, owning gr8 q xa mmbr xa BCF ug HCFN clan, bz jud mo mu mga toogs ug bagz esp gr8ngs xa mga cmenarian ja xa Tlo2 ug n Narl2 dha xa Crmen. Hoy, pgbnutan na, gara rka kaau. Enx po, Gdblez, & mre power. –frm Pig Pie. 0909814…

Gd eve JBBN ngau ko ka txtm8 kana boy iya age 24 up. 09186035989

Hlo kya JBBN pwd mangayo k og k txtm8 knang grl unya boutan iyang ega 25 pataas. Im J-R frm Crmen Bohol. 09098552750