|
LOKAL BALITA
(BILAR) Panubig sa Bilar
gisugdan na
Ni: Edward Guyano
Desyembre 7, 2008
|
 |
|
Si Mayor Fanuel Cadeliña sa lungsod sa Bilar |
|
BILAR - Gipahigayon na ang ground breaking sa waterworks ning lungsod sa Bilar
niadtong petsa 24 sa Nobyembre didto sa Sitio Karahan, Barangay Riverside.
Matud pa ni Mayor Fanuel Cadeliña ang maong proyekto mokabat og P25-Milyones
hingpit nang gisugdan ang phase I niini.
Mahinumduman usa sa suliran sa maong lungsod mao ang ilang panubig.
Tungod sa inisyatibo sa mayor gipaugmad kini aron mahipno ang pagdagayday sa
tubig ngadto sa mga molupyo sa kabarangayan kinsa mao gayud ang nagkinahanglan
sa serbisyo.
Ang panubig nga anaa mahimutang sa sityo Karahan karon ang nagsilbing tinubdan
sa tubig diha sa lungsod.
Atol sa gihimo nga kalilhukan mitambong usab si DOTC Assistant Secretary Eladio
Jala.
Kalihukan sa mga ‘rugby boys’ sa Bilar gimonitor sa kapolisan
Ni: Edward Guyano
Nobyembre 23, 2008
BILAR - Subay sa mitomaw nga
impormasyon nga adunay nasigpatan nga padayon gihapon ang kalihukan sa mga rugby
boys ning lungsod, kini gimonitor na karon sa kapolisan.
Mao kini ang nasayran ning
tigbalita gikan mismo ni Police Inspector Terfoliano Tejada kinsa mao karon ang
hepe sa maong lungsod.
Matud ni Insp. Tejada gimonitor
nila ang kalihukan sa mga kabataan panahon sa adlaw ug gabii ilabina sa mga
tunghaan sa High School.
Dugang pa niya niining tuiga
kasagaran nga nahilambigit sa kaso sa paggamit ug rugby mao ang mga minor de
edad ug usa lamang nga kaso ang ilang napasakaan nga dili minor de edad ang
panuigon sa suspek.
Iyang gipasabot nga pagkakaron ila
usab nga gibantayan ang mga tindahan nga namaligya ug rugby diha sa merkado sa
dili paghatag ngadto sa mga batan-on kon dunay mopalit nga minor de edad, apan
matud pa aduna usay sugoon nga hamtong na aron sila makapalit gayud ug rugby.
Subay niini ang PNP mipahigayon
kaniadtong petsa 20 ug usa ka Drug Symposium didto sa Yanaya High School aron
usab sa pag edukar sa mga batan-on kabahin sa epekto sa ginadili nga drugas.
Panubig sa Bilar sugdan na
Ni: Edward Guyano
Nobyembe 2, 2008
BILAR - Ang dugay nang gihandum sa katawhan sa nga panubig sa
lungsod sa Bilar hayan sugdan na karong sunod bulan.
Mao kini ang gibutyag ni Mayor Fanuel Cadeliña dihang gihinabi
ning tigbalita dili pa ang dugay.
Matud ni Cadeliña ang ilang gidamggo nga mokabat sa 25 milyones
nga panubig sugdan na kini human miabag ang Land Bank ug ang World Bank ingon
man usab ang assisted nga LGU fund nga gi-raise kantidad og P6milyon gikan usab
ni Cong. Adam Jala.
Gidugang usab sa mayor nga karon iya na kining giimplemintar ug
gihimo na ang biding niadtong Oktubre 20 ug aduna na usay qualified nga
kontrktor sa maong rehabilitasyon nga pagahimuon.
Gidugang pa sa mayor karong kataposang simana sa Nobyembre
sugdan na ang phase I niini diin supisyente usab ang source sa tubig nga
gikuhaan nga nagagikan sa ibabaw’ng bahin sa Logarita Spring.
Ang maka binipisyo sa maong tubig mao ang Poblacion, Quezon,
Villa Aurora, Zamora, Yanaya, Roxas, Campagao, Cansumbol, Cabacnitan, Bugang
Norte ug parte usab sa Bugang Sur.
Matud pa kining mga Pobalacion ug pipila ka mga barangay
nag-antus sa kalulangon sa tubig.
Ihawan sa Bilar sugdan na
Ni: Edward Guyano
Nobyembe 2, 2008
BILAR - Gilauman nga sugdan karong sunod bulan ang pagbukas sa bag-ong ihawan
dinhi sa lungsod sa Bilar.
Mao kini ang gibutyag ni Mayor Fanuel Cadeliña kaniadtong Martes dihang
gikahinabi ning tigbalita.
Matud sa mayor iyang gikalipay nga pagasugdan na kini.
Dugang pa niya iyang kauga-linngong pondo ang gigahin sa maong proyekto.
Matud pa kada tuig siya nga mag gahin ug pondong ginagmay aron lamang nga
mahu-man ang maong pasilidad.
Mokabat sa duha ka milyon ang kinatibuk-ang kantidad niini kulang nalang ang
pinsa ug gilauman nga paga inagurahan karong sunod bulan.
Usa sa maka binipisyo sa maong ihawan kadtong dunay patigayon sa karne sa ingon
dunay insaktong sanitasyon ang pag-ihaw ug usab maayong karne nga ika baligya sa
ilang lokal nga merkado.
Dapit nga dumalahon sa Raja Sikatuna Park
Ni: Edward Guyano
Nobyembe 2, 2008
BILAR - Aduna lamay dapit nga angay dumalahon sa LGU Bilar sa Raja Sikatuna
Protected Landscape nga angay applayan matod ni Mayor Fanuel Cadeliña.
Matud sa mayor ang bag-ong pamaagi nga
gitawag ug SAPA - Special Agreement for Protected Area mao karon ang ilang gi
aplayan uban sa pagtabang ni Cong. Edgar Chatto kinsa mao ang Committee on
Tourism sa ubos Balay Balauranan.
Dugang sa mayor ang bag-ng pamaagi
kahatagan ug kahigayonan ang gobyerno o pribado nga modumala sa usa ka protected
area alang sa pag kontrol ug pag-ugmad niini.
Si Cong. Chatto ang miduol ngadto sa
Department of Tourism ngadto ni Sec. Ace Durano ug ingon man sa DENR aron
kahatagan ug katungod ang LGU.
Ang maong plano gi presentar usab kini
ngadto sa kadagkoan sa PAMBI atol sa tigum nga gihimo.
Si Mayor sa iyang bahin malipayon usab
tungod kay wala may si bisan kinsa nga misupak.
Gidugang pa sa Mayor nga nakasumite na
sila sa mga gikinahanglan alang sa funding niini ug alang usab sa pag-andam sa
master plan.
Subay niini ni-request na ang mayor
alang sa pag-survey sa mga dapit nga paga dumalahon sa LGU.
Pag-ugmad sa panubig gihingusgan
Ni: Edward Guyano, Rey Dalay
Agosto 31, 2008
GITUTOKAN karon sa mga opisyales sa lungsod sa
Bilar ubos sa administrasyon ni Mayor Fanuel Cadeliña ug Bise Mayor Norman
Palacio ang pagsulbad sa suliran sa panubig.
Tungod sa kakulangon sa suplay sa tubig, mi-hire
ang LGU og consultant.
Mokabat ngadto sa P38 milyones ang kantidad nga magasto aron pag-ugmad sa
panubig sigun sa taho sa consultant.
Gipasabot ni Palacio dihang gikahinabi sa JBBN
nga gimahalan ra ang LGU alang sa maong kagastohan hinungdan nga gius-usan kini
ngadto sa P26 milyones.
Subay niining maong kalamboan, ang mga sakop sa
Sangguniang Bayan mihatag og pagtugot ngadto sa mayor aron mosulod og loan
agreement ngadto sa Land Bank kantidad og P22 milyones alang lamang sa maong
rehabilitasyon sa panubig.
Ang maong paghulam naaprobahan na, ug hayan
pagasugdan na ang maong rehabilitasyon karong umaabot unang quarter sunod tuig.
Si Palacio midugang pagpasabot nga halos tanang
barangay sa Bilar pagahimoon ang rehabilitasyon sama sa barangay Villa Aurora,
Quezon ug Yanaya diin nagkulang ang tubig.
Gidugang usab ni Palacio nga gibahin sa Phase I
ug Phase II ang pagtrabaho niini samtang gipaniguro sa bisi mayor nga mauna
gayud ang phase I diin mao kini ang dapit nga kulang gayud ang tubig.
Raja Sikatuna Park dumalahon sa LGU-Bilar ug Brgy. River Side
Ni: Edward Guyano, Rey Dalay
Agosto 31, 2008
BILAR - Ang numero uno
nga Tourist Spots sa lungsod sa Bilar, ang Raja Sikatuna Park nga anaa
mahimutang sa barangay River Side pagadumalahon na sa maong barangay ug sa Local
Government sa maong lungsod.
Mao kini ang gibutyag
ni Bise Mayor Norman Palacio dihang gikahinabi sa JBBN. Matud ni Palacio ang
lokal nga kagamhanan sa barangay River Side ubos sa pagdumala ni barangay
kapitan Chanil Lozano dunay laraw nga sila gayud ang modumala sa Raja Sikatuna
Park apan gumikan sa kagamay sa ilang kapasidad sa pagdumala gitambagan sila sa
Department of Environment ang Natural Resources (DENR) nga sila makig alayon sa
lokal nga kagamhanan sa maong lungsod.
Subay niini si Mayor
Fanuel Cadeliña sa maong lungsod mikunsulta usab sa Sangguniang Bayan kabahin sa
maong laraw ug kini giaprobahan sa konseho.
Dugang pamahayag ni
Palacio nga kon sa panahon nga mahipno na ang maong kasabutan ang bayran lamang
sa LGU mao lamang ang lugar nga ilang pagagamiton sama sa Logarita ug ang
Magsaysay Park.
Gitataw ni Palacio nga
si Congresman Edgar Chatto moayuda usab pinaagi sa pagbutang ug dugang pasilidad
alang unya sa natumbok nga dapit.
Gilauman usab ni
Palacio nga sa panahon nga masugdan na kini modako na usab ang panudlanan sa
maong lungsod gumikan sa mga turista nga langyaw ug lokal nga moduaw sa maong
dapit.
Macabudbud-Luza
Clan Reunion
Mayo 18, 2008
IPAHIGAYON karong adlawa ang panaghiusa sa mga kaliwatan nila ni Cipriano
Macabudbud ug Sebastiana Luza didto sa Bilar gym, lungsod sa Bilar.
Ang tibuok adlaw nga kalihokan
adunay tema “Kita kita kapamilya aron molambo ang gugma sa usag-usa”, matod pa
ni clan president Santiago Macubudbud.
Daghang mga kalingawan nga giandam
alang sa mga sumasalmot nga gikan sa lungsod sa Carmen, Bilar, ug uban pang
dapit sa Bohol, ug ingon man sa nasud.
Kini maoy ikatulong higayon nga
gihimo ang panagtigum sa mga paryente aron magkahimamat sa usag-usa.
Ang unang reunion gipahigayon
niadtong tuig 2004, gisundan kini niadtong tuig 2005 sa lungsod sa Carmen.
Kining gipahigayon nga reunion
karon, maoy unang higayon nga diha pagahimoa sa lungsod sa Bilar diin daghang
mga kaliwatan nila ni anhing Ciprianong ug Sebastianan nga nanimuyo ug nagbatong
ug tagsa-tagsa ka pamilya. PR
Macabudbud-Luza Clan Reunion
Mayo 4, 2008
Ang Macabudbud-Luza Clan
mopahigayon sa ilang ikatulong pag-reunion karong Mayo 18, 2008 didto sa Bilar
Gymnasium, Bilar, Bohol, magsugod kini alas 9:00 sa buntag.
Adunay mga kalingawan nga giandam
alang sa maong katuyoan ubos sa pagdumala ni Lolong Dueñas ug uban pang mga
opisyales niini.
Kinsa kadtong interesado pakigkita
o kaha kontak nila ni Titing Macabudbud ug ni An-an B. Dalay, ning numero
09205396774 sa Carmen tsapter, ug ni Editha Macalolot, Bilar Chapter.
155 ka mga kadete sa ROTC migraduwar
Ni: Edward Guyano
Marso 23, 2008
Mokabat sa 155 ka mga kadete sa Reserve Officer Training Course ang
migraduwar didto sa Central Visayas State College of Agriculture Forestry and
Technology kaniadtong Marso 16 sa Zamora, Bilar.
Si Colonel Raul J. Reyes ang Commanding officer sa 802nd Brigade Philippine
Army nagabase sa Riverside Bilar ang nahimong pinasidunggang dinapit ubos usab
sa awhag ni Col. Angel S. Dinsay ang ROTC Commandant nga anaa nagabase sa Camp
Bernido sa dakbayan sa Tagbilaran.
Si Reyes atol sa iyang pakigpulong mibat-bat sa kamahinungdanon sa ROTC nga
matud pa 80% sa mga opisyal sa kasundalohan nagagikan sa maong institusyon.
Nakatabang usab kini kon adunay mga kalamidad nga moabot tungod sa boluntaryo
nga serbisyo.
Gitataw usab ni Reyes nga ang ROTC mao ang unang pamaagi nga mabatokan ang
kalihukan sa mga aktibista nga mga organisasyon sa mga tunghaan.
Ang maong kalihukan inabagan usab nila ni School Administrator Virgie Tejada,
ROTC Admin. NCO Sgt. Cesar P. Acabo, Assistant Commandant Jacinto Balbin,
inabagan usab sa Philippine Army Col. Aquino, Lt. Salaum, Lt. Baluran ug
katawhan nga mibulig sa maong kalihukan.
Mga motorsiklong walay rehistro gisikop
Ni: Edward Guyano
Marso 23, 2008
Ang buhatan sa LTO Tagbilaran
mipahigayon og pagsikop sa mga motorsiklo nga walay rehistro didto sa lungsod sa
Bilar kaniadtong Marso 16 subay sa national highway sa maong lungsod.
Ang maong operasyon pinangulohan sa
operation head Mr. Samuel Alabat. Si Alabat namahayag nga ubay-ubay ang ilang
nasikop nga mga motorsiklo nga walay rehistro.
Sumala pa ni Alabat nga ang maong
operation agi og pagsanong sa awhag ni Mayor Fanuel Cadeliña nga matod pa
namatikdan sa maong lungsod nga adunay mga motor nga nagdagan nga walay mga
rehistro.
Subay niini, si Alabat mao gayud
ang nangunay sa pagtangtang sa plaka niadtong mga sakyanan nga walay gikapakita
nga rehistro dihang gihimo ang pagsusi sa tanang mga bihikulo nga molabay subay
sa national highway sa maong lungsod.
Gitataw usab ni Alabat nga niining
tuiga karon pa sila mipahigayon og ispesyal nga operasyon sa maong lungsod
tungod sa pagkamatikod sa mayor nga nagkadahan na diay ang motor nga walay
rehistro.
Amahan nanglugos,
naghikog
Ni: Edward Guyano
Enero 13, 2008
Usa ka amahan milugos sa iyang kaugalingong anak napalgang patay ug gituhoang
naghikog kaniadtong Enero 10, 2008, sa may alas 7:30 sa buntag didto mismo sulod
sa selda sa Bilar PNP.
Ang suspek nga naghikog giila nga usa ka Jose Item, 50 anyos ug lumolopyo sa
Barangay Dagohoy sa nasangpit nga dapit.
Sumala sa kapolisan sa Bilar, ang suspek naghikog kini pinaagi sa paghigot sa
iyang liog sa usa ka liston sa sapatos ug gidiklarar kini ni Dr. Evangeline
Delfin, ang MHO sa Bilar nga patay na.
Sa nasayran ning tigbalita matod pa, nga ang suspik milugos kini sa iyang
kaugalingong anak nga 16 anyos gikan mitambong sa usa ka party.
Samtang kapoy kini nga nahikatulog gipahimuslan sa amahan ang pagbuong sa
kadungganan sa iyang anak.
Sa pagkakaron ang biktima nga minor de edad anaa na sa mga kamot sa DSWD sa
maong lungsod.
|
Matag Lunes
BOHECO
I
BOHECO
II
