The JBBN Staff

Chocolate Hills nataktak sa New 7 Wonders
Ni: Rey Anthony Chiu (PIA)
Enero 18, 2009

CARMEN - Tanang paningkamot aron maapil ang Chocolate Hills sa gipahigayong piliay sa listahan sa new seven-world wonders nahanaw human ang Zurich-based New7Wonders Foundation mipahibalo sa laing Philippine entry isip maoy official entry sa nasud sa maong piliay.

Ang maong pahibalo nga wala maapil ang Chocolate Hills nakapahikurat sa mga Bol-anon sanglit daghang mga paningkamot ang gibuhat gayod aron lamang ang bantugang simbolo sa Bohol molabaw unta sa ubang kandidato sa nasud.

Gihimo ang pag-organisar sa lokal nga suporta aron makaaghat sa kalibotanong kampanya sa tanang Boholano nga mobotar gayod hangtod sa Desyembre 31, ang deadline.

Bisan pa man sa maong panlimbasog, adunay mipadayag sa ialng kabalaka tungod sa kagamay sa online voting, ang Bohol mawagtang gayod kon ang mga higanteng kanasuran sama sa China o di ba India maghugop pagbotar.

Duha ka semana nga tallying human ang deadline, gikuhaan sa mga organizers ang listahan ngadto sa 40% sa orihinal nga 441 nominees.

Ang maong listahan naglakip usab sa usa ka entry matag nasud, sigun sa Swiss based organizers.

Gipilde ang Bohol ug uban pang nominee sa nasud sa Puerto Princesa Subterranean National Park.

Ang Puerto Princesa Subterranean National Park, nga nailhan usab nga Underground River of Palawan nag-una sa uban pang paborito sa nasud sama sa Mayon Volcano sa Albay, Mt. Pinatubo sa Zambales ug Hundred Islands sa Alaminos Pangasinan.

Ang pagapilian sa gimub-an nga listahan mao ang 261 nominees diin 77 lamang ang dawaton sa sunod nga piliay karong Hulyo 7 diin 77 lamang ka nominees mahibilin.

Gikan sa 77, ang New7WorldWonders panel of experts, lakip na ang kanhi United Nations Educational Scientific and Cultural Organizations director general mopili og 21 ka finalists.

Gikan sa 21 finalists, mokabat pa og duha ka tuig sa dili pa ipahibalo ang new seven world wonders.

Ang Underground River nakigtigi usab sa ubang mga nindot nga talan-awon sama sa Loch Ness sa Scotland, Grand Canyon sa United States, Black Forest sa western Germany, Mount Fuji sa Japan, The Amazon River sa South America, Danube River sa Europe, Dead Sea sa Israel, Australian Great barrier Reef, Iguazo Falls sa Argentina, Mont Blanc sa France Italy border, ug Niagara Falls sa US-Canadian border.

Hinuon ang Tubattaha National Marine Park, usa ka multi-national nominee sa maong piliay.

Niining maong kalamboan, New7Wonders Communications head, Tia Viering mipahalipay ngadto sa tanang successful qualifying locations, sigun sa taho sa usa ka nasyonal nga mantalaan.

Magpapatigayon gitulis
Ni: Edward Guyano
Enero 18, 2009

CARMEN - Ang kapolisan ning lungsod padayon nga nag follow-up sa kaso sa pagpanulis nga nahitabo kaniadtong pitsa 14 alas 11:20 ang takna sa kaudtohon didto sa La Paz sa mao nga lungsod.

Sumala sa blotter sa kapolisan ang biktima gipaila nga usa ka Chona Tumanda y Bujo, 36, ug usa ka magpapatigayon.

Dugang imbistigasyon nasayran nga samtang ang biktima nagsakay kini ug motorsiklo nga habal-habal nga gimaniho sa usa ka Manuel Canteros, subay sa National Higway, kalit nga mi overtake ang mga batan-on nga nagsakay usab ug motor ug armado kini sa wala matino nga calibre sa armas ug midiklara kinig tulis ngadto sa biktima.

Nakuha gikan ni Tumanda ang iyang salapi nga mobalor og P70,000 ug stike nga mokantidad ug P9,800 ug duha niini ka cellphone.

Ang mga suspitsado yano lamang usab misibat human sa maong hitabo.

Duha ka manag-agaw giluthang human nag videoke
Ni: Edward Guyano
Desyembre 21, 2008

CARMEN - Padayon karon ang kapolisan ning lungsod sa pagtutok sa kaso sa pagpang-luthang sa duha ka manag-agaw kinsa gipusil kaniadtong petsa 16 ning bulan sa Desyembre didto sa Barangay Poblacion.

Sumala pa sa Camen PNP pinaagi ni PO3 Romel Yaon, dihang gikahinabi ning tigbalita, ang mga biktima gipaila sila si Ronelo Canda, 21, ug ang iyang ig-agaw nga si Darwen Adem, 23 parehong molupyo sa Brgy. Nueva Vida Este.

Sa imbistigasyon sa kapolisan alas 8 :30 sa gabii gikan nag-videoke ang mga biktima ug kalit kining gipusil sa wala mailhe nga suspitsado.

Si Canda naigo sa kilid sa iyang lawas samtang si Adem naigo usab sa iyang wala nga kamot.

Ang duha anaa karon sa tambalanan alang sa pagpaalim sa samad nga ilang nahiaguman, samtang padayon gihapon nga gihimoan ug dugang imbistigasyon kon unsa ang motibo sa maong pagpangluthang.

Mga opisyales sa Carmen nibisita sa Cebu aron makakuha’g boto alang sa Choco Hills
Nobyembre 23, 2008

CARMEN - Ang mga opisyales ning lungsod mibisita sa dakbayan sa Sugbo sa nilabayng semana aron mangumpanya para makakuha og dugang mga boto alang sa Chocolate Hills sa Search for the New 7 Wonders of Nature.

Ilang gibisitahan ang City Hall, ug ang mga nagkalain-laing mga tulonghaan sa maong dakbayan.

Si Carmen kagawad Primo Digao miingon nga dunay usab mga opisyales sa Bohol nga misuroy sa halos tibuok Pilipinas aron makakuha og mga boto alang sa Choco Hills.

Si Bise Mayor Ramonito Torrefranca mao ang nagpatabang sa mga opisyales sa dakbayan ug sa mga information technology heads sa mga unibersidad sa ilang kalihukan.

Ang Chocolate Hills kasamtangang nahimutang sa ika-5 nga dapit sa ranking sa New 7 Wonders.

Apan matud pa sa website nga New7Wonders.com, usa lang ka kandidato sa matag nasud ang ikarga ngadto sa sunod nga round sa pagpili sa New 7 Wonders.

Ang Puerto Princesa Subterranean River National Park mao ang nag-una sa voting, ug kung magpadayon kini nga mag-una, ang Choco Hills mataktak gayud sa maong search. -dM

Kag. Binlod apil sa Top 10 Outstanding Legistlators
Nobyembre 16, 2008

CARMEN - Gikalipay og dako ni Kagawad Nathaniel O. Binlod, sakop sa Sangguniang Bayan sa lungsod sa Carmen ang nakab-ot niini nga kalamposan human maapil sa 2008 Outstanding Legislators for Youth Development nga gipahigayon niadtong miaging Sabado Nobyembre 8.

Si Binlod mibutyag dihang gikahinabi sa JBBN ning semanaha nga napulo ka mga ordinansa ang iyang gisumitir nga may kalabotan sa kabataan ngadtosa National Youth Commission.

Duha sa iyang gisumitir maoy napili sa mga hurado.
Ang maong kalihokan gisalmotan sa mga sakop sa Sangguniang Bayan, Sangguniang Panlungsod, Sangguniang Panlalawigan, Sangguniang Kabataan ug mga Bise Mayor tibuok nasod.

Ang mga ordinansa nga gipatuman na karon sa lungsod sa Carmen ug nakakuha sa ikalima ug ikaunom nga dapit sa Kampeon ng Kabataan 2008 mao ang Ordinance No. 23, series of 2007 – An ordinance establishing Teen Health Quarters (THQ) in all school Based High School and Community based out of School Youth in the municipality of Carmen, Bohol; ug Ordinance No. 36, series of 2006 – An ordinance providing reproductive health care code of the municipality of Carmen, Bohol.

Ang mosunod mao ang mga talaan sa mga midaug sa Kampeon ng Kabataan 2008: Hon. Betty Lourdes F. Tabanda, City Councilor, Baguio City - (Ordinance No. 63 series of 2007 Regulating and strengthening the participation in governance of organized youth groups and/or fraternities in the City of Baguio, Providing penalties for violations and for other purposes), (Ordinance No. 53 series of 2008 – Ordinance on the protection and enhancement of student welfare); Hon. Carlo P. Loreto, Board Member, Leyte – (Ordinance No. 06 series of 2006 – an ordinance adopting a comprehensive youth employment and entrepreneurship program in the province of Leyte and providing funds thereof); Hon. Peve O. Ligan, Municipal Councilor, Sta. Catalina, Negros Oriental – (ordinance No. 35 – establishing a special scholarship program to support the poor but deserving students enrolled at Negros Oriental State University (NURSU) extension at sitio Avocado, Bgy. Talalak, Sta. Catalina, Negros Oriental); Hon. Ma. Charo L. Dichoso, City Councilor, Sorsogon City – (Ordinance No. 014 series of 2008 – an ordinance institu-tionalizing the functions and benefits of the Boy and Girl City Officials during the Linggo ng Kabataan celebration of the City of Sorsogon); Hon. Joan Kristine A. Tabernilla, Municipal Councilor, Daet Camarines – (Ordinance No. 153 – An Ordinance establishing the annual search for outstanding youth organization of Daet, and appropriating not less than P30,000.00); Hon. Jomar A. Bayuccan, SK Provincial Federation President, Ifugao Province – (Ordinance No. 012, Series of 2008 – An ordinance establishing an educational assistance program to poor but deserving Sangguniang Kabataan Officials enrolled in State Colleges and Universities in the province of Ifugao and providing funds thereof); Hon. Thomas P. Ilao, Municipal Vice Mayor, Tiaong, Quezon Province – (Ordinance No. 74, series of 2001 – Pagbubuo/pagtatatag ng “Municipal Anti-Drug Abuse Councils” sa pamahalaang Bayan ng Tiaong, Quezon kasama ang komposisyon ng maging kasapi nito).

Pondo alang sa mga pasyente sa hospital andam na
Ni: Edward Guyano
Nobyembre 16, 2008

CARMEN - Gipanday na karon sa Sangguniang Bayan ning lungsod ang pagbutang ug pondo diha sa Hospital alang sa mga pasyente nga maglisod sa ilang mga bayranan.

Mao kini ang gibutyag ni Kagawad Nathaniel Binlod dihang gikahinabi ning tigbalita dili pa lamang dugay.

Matud pa ni Binlod, tungod sa problema nga nasinati sa mga kabanay sa pasyente diin walay ika sarang sa panahon sa ilang paggawas sa Hospital nakita sa Sangguniang Bayan nga angayan lamang nga magbutang og pundo aron magamit sa maong tumong ug dili na mahasol kadtong mga Carmenanon.

Dugang pa ni Binlod kining maong pamaagi gi-patern kini dinhi sa dakbayan sa Tagbilaran diin ang tulo ka mga Kongresista adunay mga pondo diha sa hospital alang niadtong pasyente nga nagkinahanglan ug tabang pinansyal.

Iyang gipasabot nga ang makapahimulos lamang niini kadto lamang residente ra usab sa lungsod sa Carmen, ug gilauman kini nga ipatuman karong unaabot tuig 2009.

Patayng lawas sa duha ka bata nga gianud sa baha nakit-an
Ni: Edward Guyano
Nobyembre 16, 2008

CARMEN - Sa Sitio Dalagitnon, Barangay Buenavista ning lungsod nakit-an na kaniadtong pitsa 12 ang duha ka patay’ng lawas sa managsuon nga bata human kini gianud sa baha.

Sumala sa Carmen PNP ang mga biktima gipaila nga sila si Jondy Casinday, 5, ug ang iyang manghud nga si Edward Casinday, 2.

Matud pa kaniadtong pitsa 11 uban sa inahan sa duha ka mga bata nga mao si Josie mitabok kini sa sapa nga gabaha, nabuhian sa inahan ang duha niya ka anak hinungdan nga gianud sa makusog nga baha.

Pagka ugma human sa maong hitabo napalgan ang duha ka patay’ng lawas sa mga bata mga usa ka kilomitro ang gilay-on gikan sa gikaanuran niini.

Serbisyo sa ambulansya libre na alang sa mga Carmenanon
Ni: Edward Guyano
Nobyembre 16, 2008

CARMEN - Ang pagserbisyo sa ambulansya sa paghatud sa pasyente ngadto sa dakbayan sa Tagbilaran ihatag na kini nga libre alang sa tanang Carmenanon.

Mao kini ang gibutyag ni Kagawad Nathaniel Binlod sa JBBN niadtong Lunes (Nobyembre 10).

Matud pa niya, kaniadto aduna kini bayad nga P700 matag biyahe sa sa pasyente, ug misaka ang balayronon niini niadtong tuig 2005 ngadto sa P900.

Gumikan sa pag-revise sa revenue code sa maong lungsod ug sa pagpakabana usab sa SB himuon na kini nga libre alang sa tanan.

Hinuon gipasabot pa ni Binlod nga ang makabenipisyo niini kadto lamang adunay reko-mendasyon sa doktor nga pagadalhon jod ang pasyente ngadto sa dakbayan sa Tagbilaran.

Ang maong balaodnon gilauman nga mapatuman karong sunod tuig 2009.

Bag-ong hepe sa Carmen, Apurado
Ni: Rey Dalay
Oktobre 12, 2008

CARMEN - Nunot sa mga yangongo sa mga opisyales sa lungsod sa Carmen nga sila hatagan og dugang mga polis taliwa sa paghasi sa mga kawatan, tulisan, ug ingon man niadtong naglaplap sa mga hayopan, gitubag ang ilang hangyo sa mga kadagkoan sa kapolisan pinaagi sa pagpadala og opisyal nga dako ang kasinatian sa pagpatuman sa kahusay ug kalinaw.

Si P/CInsp Virgilio Padin Apurado, maoy mihulip sa kanhi hepe nga si P/Supt Gil Alabado del Prado kinsa anaa karon sa Kampo Dagohoy ug na-promote isip Operations Officer.

Sa pakighinabi ngadto kang CInsp Apurado, siya nagbutyag nga bag-o pa lamang siya nga naglingkod isip hepe sa Carmen ug iyang himoon nga programa mao ang pagmugna og barangay tanod unified force aron sila maaktibo ug maoy magpatrol sa ilang mga dapit bisan asa nga barangay ug dili na sila magpanuko pagsulod sa matag barangay, kining maong programa inabagan usab sa DILG.

Dugang programa nga ipatuman unya sa bag-ong hepe mao ang pagmugna og information network aron sila maoy maghatag og impormasyon diha sa kwerpo sa kapolisan.

Gawas niini, duawon usab niya ang matag barangay aron mopahigayon og pulong-pulong, sa 29 ka barangay sa lungsod, pgpamati sa sugyot sa mga molupyo kon unsay buhaton aron magmalinawon ang mga sityo ug ang barangay.

Sa wala pa madestino sa Carmen, si CInsp Apurado nagsilbi isip hepe sa kapolisan sa lungsod sa Minglanilla, Cebu, mipaubos sa usa ka pagtuon, ug kabahin sa bag-ong mga polis nga gi-destino dinhi sa Bohol aron mapun-an ang nagkulang nga kapolisan sa lalawigan.

Mokabat ngadto sa 70 ka mga pasidungog nga nadawat ni CInsp Apurado, kini naglangkob sa mga medalya, certificate of commendation, ug mga commendation gikan sa mga opisyales sa LGU diin siya nagsilbi.

Pipila sa mga medalya nga nadawat ni CInsp Apurado mao ang Medalya sa Pagtulong sa Nasalanta, Medalya sa Paglaban sa Manligalig, Medalya sa Ugnayang Pampulisya, Medalya sa Paglilingkod sa Visayas, Medalya sa Paglilingkod, Medalya ng Kadakilaan, Medalya ng Kasanayan, Leadership Medal Award, PNP Efficiency Medal, Award of the AFP Combat Badge "Kagitingan" with two stripes and one gold star ug daghan pang mga plaque of appreciation nga timailhan sa mga nakab-ot niini sa 27 ka tuig nga pag-serbisyo.

19, gihuboan ug gipaluhod, gipusil patay
Ni: Edward Guyano
Oktobre 12, 2008

CARMEN - Hinungdan sa daan nga kaso maoy gikaingnan nga natusak-tusak ang lawas sa usa ka batan-ong lalaki didto sa Brgy. Montesuerte ning lungsod.

Mao kini ang giluwatang pamahayag ni Police Chief Inspector Virgilio Padin Apurado, bag-ong hepe sa Carmen PNP, dihang gikuhaan og pamahayag sa JBBN niadtong Myerkules.

Suma pa ni Apurado nga ang biktima nga si Charlie Guboy y Torrentera, 19, bag-ohay pa kini gikan sa Mindanao ug daan na kining dunay kaso didto ug kining maong anggulo mao karon ang ilang gitutokan alang sa daling kasulbaran sa kaso.

Mahinunduman ang maong batan-on gikan mitan-aw ug usa ka variety show sa fiesta sa maong barangay apan napalgan kini nga wala nay sapot diha sa daplin sa dalan nga natusak ang kalawasan sa samad pinusilan.

Basi sa autopsy nga gipahigayon sa MHO sa maong lungsod pinaagi ni Dr. Josephine Jabonillo, ang biktima naka angkon og daghang samad diha sa nagkalain-laing parte sa iyang lawas.

Usa niini sa iyang likod nga milapos sa iyang dughan, sa iyang ulo dapit sa may alimpo nga milapos sa iyang kilay ug lain usab diha sa iyang liog nga wala molapos ang bala, ug ingon man sa may palad diin milagbas ang bala gikan sa likod gumikan sa pagsapupo niya sa iyang dughan.

Gikataho usab nga ang biktima sa wala pa kini gipusil patay, gipahubo una kini ug gipaluhod.

Napalgan ang biktima nga walay sapot sa iyang lawas. Ang kapolisan karon sa maong lungsod padayon nga nag-imbistigar sa moang kaso alang sa daling kaulbaran.

Serye sa mga tulis, kawat ug laplap
Hain na ang mga polis?
Ni: Edward Guyano
Setyembre 14, 2008

CARMEN - Wala pay aksyon ang mga kadagkoan sa Philippine National Police pagtubag sa dugay na kaayong gihangyo sa lokal nga kagamhanan sa lungsod sa Carmen nga unta pun-an ang gidaghanon sa mga sakop sa kapolisan sa lungsod aron pagtubag sa mga alarma ug pagmentinar sa kahusay ug kalinaw labina pagpanalipod sa katawhan diin mihasi karon ang serye sa pagpanulis, kawat ug ingon man laplap sa mga binuhing hayopan.

'Hain na ang mga polis?' Subli kini nga panawagan ni Kagawad Nathaniel Binlod ngadto kang P/SrSupt Edgardo Inking.

Ang maong panawagan subli nga giluwatan sa kagawad ug gitumong ngadto sa mga kadagkoan sa PNP labina sa provincial director.

Si Binlod mibutyag nga ang maong hangyo sa lungsod dugay nang gihimo, gani panahon pa kini sa kanhi administrasyon apan hangtod karon wala gayoy aksyon agi og tubag sa ilang hangyo.

Tungod niining daw wala pagpakabana sa mga kadagkoan sa PNP, ang LGU sa lungsod sa Carmen nangayo og clearance ngadto sa Provincial PNP nga mahatagan sila ug pagtugot aron pag-hire og mga polis nga maoy idugang sa kasamtangang 20 ka mga polis sa lungsod.

Nasayran sa JBBN nga ang maong lakang sa mga opisyales sa lungsod sugod pa kaniadtong bulan sa Hunyo.

Gipadayag ni Binlod nga nagkulang gayud ang kapolisan sa maong lungsod alang sa pag mintinar sa kahusay ug kalinaw.

Usa usab nga ka-kulangon mao ang patrol car nga kasakyan alang sa pagtubag sa hinanali nga alarma.

Naa silay patrol car apan pinalit pa kini sa LGU. Ang ubang lungsod dinhi sa Bohol nakadawat og mga patrol car, apan ang lungsod sa Carmen walay nadawat bisan usa lamang ka sakyanan.

Gibutyag usab ni Binlod nga ning mga serye sa pagpanulis, kawat ug ingon man laplap nga modus sa mga dautang elemento sa katilingban, daw mga polis lamang ang bantayan sa mga kriminal.

Matod niya, upat lamang ka polis ang makahimo paglakaw aron pagtubag sa mga alarma kay ang uban mabilin man gayod sa buhatan tungod kay dili man usab kini mahimong biyaan.

Bantay lang

‘Magbantay lang na sila’, pasidaan ni Binlod ngadto sa mga tulisan, kawatan ug manglaplap sa mga hayopan.

Matod pa, adunay gilaraw ang kagamhanan sa lungsod pagsumpo ning maong mga sakop sa dautang elemento.

Sa dihang gipangutana kini kon magtukod ba og vigilante, pintok ang tubag niiini nga dili sila modangop sa mga vigilante, apan adunay pamaagi nga wala usab niini ibutyag.

Modus

Gibutyag usab ni Binlod nga ang mga tulisan adunay kontak nga tagi-lungsod ug maoy mohimo sa mga pagpaniid.

Tungod sa teknolohiya sa cellphone motaho kini ngadto sa iyang mga kauban kinsa nagagikan sa laing lungsod ug maoy mohimo sa pagpanulis.

Sa nahitabong pag-panulis sa usa ka tindahan, nagpasumangil nga mopalit og bugas ang mga tulisan, wala kini taptap sa ilang mga nawong ug mihimo sa maong pagpanulis sa adlaw bisan sa daghang mga tawo sa palibot.

Si Binlod mibutyag usab nga nakadawat sila og mga taho nga armado ang mga kawatan.

Usa ka tag-iya og baboy ang buot unta mogawas sa iyang panimalay usa ka gabii niana kay mitingog man ang baboy ug nagtuo siya nga adunay kawatan.

Paggawas sa maong tag-iya, gipabuthan kini sa kawatan, hinungdan nga misulod kini og balik sa balay ug nakawat gayod ang iyang baboy nga litsononon.

Samtang ang mga manglaplapay usab, gitoohan nga usa organisado gayod sila ug adunay mga sakop nga gikan sa walo ka mga lungsod.

Panahon nga adunay pista sa lungsod nga sakop ang maong grupo, ang membro niini nga gikan sa laing lungsod maoy mohimo paglaplap sa mga unod sa baka, kabaw ug maoy itumod ngadto sa lungsod nga nagpista.

Adunay runner ang maong grupo hinungdan nga hinlo gayod ang ilang pagkatrabaho.

Ang tag-iya sa hayopan nga biktima sa paglaplap makugang na lang inig ka diskubre niini sa iyang gibalhinan nga wala nay mga paa ug unod ang iyang hayop nga binuhi.

Hinungdan nga ka-sagaran tiwasan na lang pag-ihaw ang maong binuhi nga hayopan.

Kooperasyon sa ka-tawhan

Nanawagan si Kag. Binlod alang sa kooperasyon sa katawhan pagsumpo sa kri-minalidad.

Kinahanglan gayod nga i-report ngadto sa buhatan sa kapolisan kon adunay mga biktima sa pagpanulis, kawat, laplap ug uban pang matang sa krimin.

Lakip sa gikuhaan og pananglitan ni Binlod mao ang pagkamatay sa usa sa tulo ka mga tulisan kinsa mitulis sa usa ka gasolinahan didto sa lungsod sa Batuan.

Gibutyag ni Binlod nga wala hibaw-i kon kinsa ang mipusil sa maong mga tulisan.
Nasayran usab nga ang mga tulisan gikan kini sa lungsod sa Dagohoy ug matod pa nadakpan na ang mga kauban sa namatay kinsa gikatahong mga barkada diay niini.

Karong bulan sa Oktubre kon dili mahatagan ang lungsod sa gihangyo nga dugang mga polis, ang lungsod nalang ang mo-hire og polis pinaagi sa pag-recruit niadtong taga Carmen ra usab nga mi gradwar sa kursong Criminology aron mahulipan ang ilang kakulangon sa polis.

Mopalit ang lungsod og mga armas, ug kay dili man kini ikahatag sa mga tanod, adto kini sa mga recruit nga mga graduate sa criminology, pamahayag pa ni Binlod.

UTAK ni Kagawad Binlod gisugdan na
Ni: Edward Guyano
Setyembre 14, 2008

CARMEN - Usa sa mga nag-unang proyekto nga gisugdan ni Kagawad Nathaniel Binlod ning lungsod isip siya mao ang chairman sa komitiba sa Panglawas mao ang UTAK (Utanon sa Tugakaran alang sa Kabataan).

Matud ni Binlod gihimo ang maong ordinansa alang sa tanang kabataan sa maong lungsod aron motanum gayud og utanon diha sa ilang tagsa-tagsa ka mga tugkaran.

Sumala pa ang paghatag ug edukasyon alang sa pamilya nga motanom ug mokaun og utan maoy sulbad sa kagutom ug kakabus.

Subay niining maong ordinansa, ang 29 ka mga barangaay sa lungsod gihatagan pagtugot nga ang matag komitiba sa ilang tagsa-tagsa ka barangay nga mopatuman gayud sa maong programa.

Hugot kining gipatuman nga walay silot apan kadtong mga tawo nga mokuha og barangay clearance nga walay utanon sa ilang tugkaran dili isyuhan og barangay clearance.

Gisuportahan usab kini sa budget appropriation nga P100,000 ug duna usay P300,000 nga gipatuman alang sa Food Security program diin mokabat kini ngadto sa P400,000 ipalit og binhi sa utanon alang niadtong gustong motanum ug utanon.

Bilanggoan sa Carmen usbon pagpadagan
Ni: Edward Guyano
Setyembre 14, 2008

CARMEN - Usbon ang pag-padagan diha sa bilanggoan ning lungsod, diin adunay 59 ka mga inmates, kini maoy giluwatang pamahayag sa bag-ong Jail Warden Jeovani Gorospe.

Gibutyag ni Gorospe dihang gikuhaan kini ug pamahayag ning tigbalita niadtong Martes nga naghuot na ang maong bilanggoan tungod sa kagamay sa lugar ug kinahanglan kini nga palapdan.

Subay niining maong kahimtang, si Gorospe mihangyo ni Mayor Ben Molina ug sa Sangguniang Bayan nga hatagan kini ug pagtagad.

Human sa maong hangyo ang mayor ug SB mihatag ug pundo para kadtong mga pinireso nga na sentensyahan na og tulo ka tuig pataas ibalhin na ngadto sa Muntinlupa.

Gidugang usab ni Gorospe nga mihatag usab og usa ka ektarya nga luna ang LGU Carmen nga katukoran sa bag-ong bilanggoan.

Gitataw sa jail warden nga sa maong paagi, ang mga inmates makahimo na sa ilang pag-garden, hamugaway na ang ilang palibot ug labaw sa tanan mahatagan usab sila og livelihood program sa kagamhanan.

Giapasalig sa bag-ong warden nga niining bag-o niyang pangatungdanan aduna gayoy kabag-ohan sa bilanggoan.

Si Gorospe misugod sa iyang katungdanan kaniadtong Septyembre 1. Na-distino usab siya sa Dakbayan sa Dumaguete una pa siya matudlo isip bag-ong warden sa Carmen.

Safe Motherhood Program sa luwas nga pagpanganak gitutukan
Ni: Edward Guyano
Setyembre 14, 2008

CARMEN - Usa sa gitutukan ni Dr. Josephine Jabonillo, Municipal Health Officer ning lungsod mao ang Safe Motherhood Program aron malikayan nga adunay inahan nga mamatay panahon sa iyang pagpanganak.

Matud ni Jabonillo usa usab kini sa programa sa nasud aron makunhoran ang mortality sa mga babaying nanganak.

Subay niini adunay daghang mga kahimanan nga nadawat ang ilang buhatan nga magamit sa ingon niini nga sitwasyon sama sa lawak angkanan ug lawak nga higdaan human manganak.

Matud pa ang mga pasilidad gikan kini sa United Nation ug uban pa sama sa Homereach Foundation nga mihatag usab ug kahimanan sa pagpanganak.

Gidugang usab ni Jabonillo nga adunay average nga 20 ngadto sa 25 ang mga babaye nga manganak.

Ang recovery room adunay lima ka mga kama nga kahigdaan sa nanganak. Aduna usab silay programa gipasiugda ngadto sa mga kabarangayan nga gidumala usab sa mga midwife sa ilang tagsa-tagsa ka health unit.

Gumikan sa modernong kahimanan nalikayan na sa lungsod ang pagdala sa ilang mga pasyente nga manganak dinhi sa dakbayan sa Tagbilaran gumikan kay sangkap man usab ang ilang Health unit sa mga kahimanan ug gani libre ang serbisyo niini.

Gitutokan usab sa MHO ang Sexually Transmitted Disease (STD) gani gimugna tali sa mga habal-habal driver nga mga lalaki ang core group aron pagmonitor niadtong lalaki nga adunay sakit nga STD.

5 ngadto sa 10 ka email-add pagsuporta sa Chocolate Hills
Ni: Edward Guyano
Setyembre 14, 2008

CARMEN - Usa ka kasugoan ang giluwatan ni Mayor Manuel Molina ngadto sa mga kawani sa lungsod sa Carmen ug nag-awhag nga mo-pasa og lima ngadto sa napulo ka mga email-address aron isuporta pagbuto sa Chocolate Hills, ug kinahanglan mobotar sa dili pa mopauli sa ilang tagsa-tagsa ka mga panimalay.

Mao kini ang nasayran sa JBBN gikan kang kagawad Nathaniel Binlod. Si Binlod miuban sa ilang panaw ngadto sa Mindanao alang sa kompanya sa Choco Hills.

Ang 16 ka adlaw nila nga pag istar didto nakahatag ug dugang kausaban sa buto sa chocolate hills nga sa pagkakaron nagsaka kanaug sa ranking niini, gikan sa No. 4, 16, 7, ug sa pagsulat ning balita anaa sa ika siyam.

Gidugang ni Binlod nga kulang ang impormasyon sa Mindanao pagsuporta sa botasyon tungod usab kay wala mahibalo ang uban unsaon pagboto sa pinaagi sa internet.

Subay niini usa sa mga lungsod sa Mindanao mipasar og resulosyon nga maghugop sila sa pagbutar sa Choco.

Gihimong kampanya sa lungsod sa Carmen nga kinahanglan mobotar gayod pito ka beses sa usa ka adlaw.

Kon adunay 10 ka mga email address, 70 ka buto makuha sa chocolate hills sa usa ka tawo matag adlaw.

Gipadayag usab ni Binlod nga dako kaayo ang ikatabang sa Choco sa ilang lungsod sa 50% nga share sa lungsod, 30% niini ihatag ngadto sa probinsya ug 20% niini ihatag usab sa Brgy. Buenos Aires diin anaa mahimutang ang Chocolate Hills Complex.

Sa tuig 2007 mokabat na ngadto sa 20 milyones ang gross income sa tag P25.00 nga pulta sa matag turista.

Sugod karong bulan sa Enero 2009, ipatuman na usab ang usbaw sa entrance fee nga P50.00.

Gibana-banang mosaka pa gayod ang kita sa lungsod tungod sa bag-ong usbaw sa balayranan.

Kon kaniadto, misupak ang mga tour guides sa dihang gipatuman ang P25.00 nga multa, karon gipaniguro ni Binlod nga nasayod na ang mga tour guides ug nakasabot na sila sa tumong kon nganong adunay usbaw sa entrance fee.

Lakip sa package sa P50.00 mao nga libreng shuttle bus gikan sa parkingan ngadto sa complex, tungod kay dili na unya makasaka ngadto sa complex ang mga tourist bus kay puno na kaayo ngadto sa ibabaw.

Mopalit ang LGU og sakyanan nga maoy mohatod kuha sa mga turista gikan sa parkingan nga nahimutang ubos sa bungtod ug modala paingon sa complex.

Hinuon gipasabot ni Binlod nga kadtong mga Carmenanon nga mosulod sa complex libre kini sa pagsulod, magpakita lamang og cedula.

09183412164

MANANABTAN: Ginoo kaloy-I ang kalag ni… Mare, unsa toy ngalan aning namatay?
MARE: Ambot. Sundalo na kaniadto. Masingganer na siya.
MANANABTAN: Ginoo kaloy-i ang kalag ni masingganer. Palihug sabat.
TANAN: Ratatatatat! Bratatatat! Tat3x!

ANO ang sinasabi after SEX?
Pag ASAWA: I love u
Pag KABIT: Ang galing mo
Kung SYOTA: Wow, isa pa
Pag KUMARE mo: Paspasi pre, basin maabtan ta!

READ ALL

READ ALL

Gd eve JBBN ngau ko ka txtm8 kana boy iya age 24 up. 09186035989

Hlo kya JBBN pwd mangayo k og k txtm8 knang grl unya boutan iyang ega 25 pataas. Im J-R frm Crmen Bohol. 09098552750

READ ALL

09183412164

Hai JBBN, gud eve! Wanted q txtm8 nga grl 15-19 yrs of age! Kanang wafa or cute kay wafo mn pd q maesuroy og mall. Am im JR frm Balilihan, invte lng pd q Lavaras_jr@ yahoo.cm. 09204142204 (Posted: January 18, 2009)

Hai gudnun poh wnted txtm8 qoh veh kanang boy 16-19 yrs old. Kanang buotan xempre, jeje, pwde rn poh mgpa wnted Frndster. Wnted Frndstr qoh Jonalyn_1620@yahoo.com, tnx a lot more power. JBBN. 09075851082 (Posted: January 18, 2008)

Elow JBBN. Im looking 4 a boy txtm8 16-18 yrz of age. U can also ad meh as friend! Zteih_Cas30@ yahoo.com. Im Stela! Tnx. 09285462072 (Posted: December 28, 2009)

Hi JBBN gudmwnin gret q s mga pnsan q n Catagbacan Handig na cla Cathy, Loloy, Badag. Ug pwdi henge ng friends s Frindster q e2 pwd pkead. Tanx and more power 2 u. Ritchel_Celada@yahoo.com.ph (Posted: December 28, 2008)

Ei. JBBN. Wntd txm8 lng. Im Smantha Shane. Knang mhtg og load. Jeje. Smart user lng. Cutieshane16@yahoo.com. 09072777773. (Posted: December 21, 2008)

Good day! 2 everyone. I would to extend my gratitude to all staff of JBBN for making me pleasure while reading their column. I am much inform about the event today including latest issue as well as in showbuiz. For me you’re the best among the rest. Keep it up! Add me up mga friends. Thank u so much. Elvirgen_ Cantiveros @yahoo.com
(Posted: November 30, 2008)

A pleasant mrning 2 ol d staff of JBBN. I’m Leah of Bohol, luking 4 a guy txtm8 16yrs & above ung my sense of humor, and add u din po aq sa FS q Lovelyrecca@yahoo.com. Tnx & more power. (Posted: November 23, 2008)

Hi! JBBN. Gr8 lng q xa aqng mga frndz xa UB-Loon, especially 2 d 3rd yr Amethyst! Guys, good job. Nya add xd q nnu. Cutiezai_MheL93@ yahoo.com. (Posted: November 16, 2008)

STAFF BOX

Ritsutaka "Papa Jappil" Masuda - Owner
Delia Masuda - Publisher
Rey Dalay - Editor-in-Chief
Edward Guyano - Chief Reporter
Helios Pusta - Layout Artist/Writer
Dennis Medilo - Layout ArtistWeb Designer Jeffrey Bellita - Printing-Press Operator

CORRESPONDENTS
Boy Luzon - Loon
Lando Aparece - Sierra-Bullones
Y-Not Deloso - Anda
Admi Valmores - Talibon
Jingle Tripoli - Tubigon

CONTRIBUTORS
Rey Anthony Chiu - PIA
Gregorio Tavera - Jagna LGU
Fiel Angelie Gabin - Tagbilaran City LGU
Nestor Daarol
Bruce Zabala - PGMA

COLUMNISTS
Rey Dalay - Editorial
Edward Guyano - Kay Ngano Kaha? (K na K)
Rey Anthony Chiu - Kon Ako'y Pangutan-on
Lando Aparece - Tsk Tsk Tsk
Jingle Tripoli - Lihok Kabataan
Priscilla Richards - East Meets West
Y-Not Deloso - Nganong Dili?
Tor Telin - In My Opinion
Rammel Cagulada - Coop Pesos
Admi Valmores - Igo Na
Carmen Caga - Yayay!

MARKETING / ADVERTISING
Y-Not Deloso
Edward Guyano
Roger Sarausa
Frank Iyog
Nestor Daarol