The JBBN Staff

Ruby Genre aktibong organisasyon sa Loon
Ni: Boy Luzon
Enero 18, 2009

Sa hulagway gikan sa tuo si Godofredo Orcullo, Mario Relampagos Under Sec. sa DBM, Board Member Yul Lopez, Fr. Algerio Pana, ug Mayor Lloyd Peter M. Lopez atol sa ilang gipahigayong Christmas Party sa Ruby Genre sa Loon.

LOON - Nagmalampuson ang gipahigayong Christmas party sa Ruby Genre niadtong Disyembre 28, 2008 didto sa Paseo de Loon ning lungsod nga pinasiugdahan sa mga aktibong kahugpongan sa maong lungsod.

Ang maong kalihokan tinambongan ni Mario Relampagos Undersecretary sa Department of Budget and Management (DBM) sa kaulohan, Board Member Cesar Tomas M. Lopez, Mayor Lloyd Peter M. Lopez, Mayor Sulpicio N. Yu sa Calape, ug ingon man ang 67 ka mga scholars nga beneficiary sa maong kahugpongan.

Nasayran sa JBBN si Relampagos nangapod-apod ug mga pinaskohan alang sa usa ka malipayong diwa sa pasko P500.00 ug 5 ka kilong bugas ngadto sa 67 ka mga scholars nga mga kabataan, ug P1,000.00 ug 5 usab ka kilong bugas sa 16 ka mga aktibong membro sa Ruby Genre.

Sa eksklusibong interbyu sa JBBN ni Stella Orcullo ang tema sa maong kalihokan Damgo ug Mithi Padayon Pa.

Subay niini ang maong kahugpongan nag-inusarang organisasyon sa maong lungsod nakahatag ug maayong imahen gumikan sa talagsaong kalihokan nga gipakita sa 67 ka mga tinun-an nga mga scholarship ngadto sa mga kabataan sulod sa upat ka tuig sa secondarya.

Si Mario Relampagos sa DBM kinsa maoy presidentesa maong kahugpongan, Godofredo Orcullo bise presidente, Stella Orcullo kalihim, ug Darlita Orcullo mamahandi, nga karon nagpadayon ang ilang pagpangalagad sa maayong serbisyo, ug kaakohan sa ilang pinanggang lungsod.

Bag-ong Kukum Drier gisubhan
Ni: Boy Luzon
Enero 18, 2009

Ang mga opisyales sa LUBI-MPC nanumpa sa ilang pangatungdanan ni Mayor Lloyd Peter M. Lopez, M.D., atol sa gipahigayong pagsubo sa bag-o ug modernong kukum drier sa lungsod sa Loon. (Photo: Boy Luzon)

LOON - Gipahigayon ang pagsubo sa bag-o ug modernong kukum drier ug ingon man ang seremonyas ug pagbendita ni Fr. Algerio Paña sa Loon Unified Business Initiatives (LUBI) Multi-Purpose Cooperative ning lungsod niadtong Enero 15, 2009.

Ang maong kalihokan ubos sa pagpasiugda ni Rene Eune P. Ponte, kinsa maoy tsirman sa maong kooperatiba.

Kini tinambongan ni Municipal Mayor Lloyd Peter M. Lopez, M.D., SB Kagawad Timoteo Legitimas – tsirman sa kooperatiba, SB Kagawad Narciso Neri – tsirman sa Obras Publikas, Reigh Monreal – Kalihim sa buhatan sa Mayor ug Engr. Marina Loquinte, Mila Baisac – Project Coordinator VICTO, Lita Verenio – Technician, Trinita Suello – Municipal Agricultural Officer, Barangay Kapitan Nerio Cuaresma ug Barangay Kapitan Alexander M. Luzon Sr., ug 20 kapin ka mga aktibong membro.

Nasayran ang maong kooperatiba ubos sa pagtambayayong sa kagamhanang lokal sa maong lungsod ug ang pinansyal nga hinabang sa Philippine Australian Community Assistance Program (PACAP) aron mapalig-on ug makabarog ang maong kooperatiba.

Subay niini, si Mayor Lopez namahayag atol sa iyang mensahe nga palig-onon ug dugangan ang kasibot sa mga membro kining bag-ong giugmad nga kooperatiba aron matabangan ang mga katawhan pinaagi sa paglambo ug mousbaw ang matang sa ilang panginabuhian.

Matod pa sa tsirman nga si Rene Eune Ponte, nagsugod na ang ilang operasyon pinaagi sa pagpamalit ug binuok nga mga lubi sa maayong presyo, pagpamaligya ug virgin coconut oil (VCO), suka ug uban pang mga produkto nga gikan sa lubi.

Ang mga opisyales sa LUBI mao kining mosunod Rene Eune P. Ponte – tsirman, mga Board of Directors (BOD) nga sila Kagawad Ric Lagroma, Kagawad Enrique Catayas, Brgy. Kapitan Alexander M. Luzon Sr., ug Rosita Meredores; Jose Maremel – Kalihim ug Fe Robles – Mamahandi.

First Congressional District Athletic Meet nagmalamposon ug mabungahon
Ni: Boy Luzon
Enero 18, 2009

Si Bise Gobernador Julius Caesar Herrera mihatag ug pakigpulong atubangan sa mga atleta atol sa pagbukas sa First Congressional Athletic Meet sa lungsod sa Loon. From right to left Board Member Yul Lopez, Kongresista Edgar Chatto, mga Mayor sa nagkalain-laing lungsod Board Member AE Damalerio II mga kadagkuang opisyales sa Dep-Ed, Bise Mayor Edwin Ladeza, ug mga Sangguniang Bayan.

LOON - Nagmalamposon ug mabungahon ang gipahigayong First Congressional District Athletic Meet 2009 ning lungsod sa tulo adlwang kalihokan niadtong Enero 11, 12, 13 sa maong lungsod.

Agi og pagbukas sa usa ka hiniusang kalihokan gihimo ang pagpangaleya sa kahitas-an ni Rev. Fr. Arnold Goder, ug Pambansang Awit, Awit sa Bohol, ug gisundan sa usa ka pag-abi-abi nga mensahe ni municipal Mayor Lloyd Peter M. Lopez MD.

Ang maong kalihokan tinambongan ni Kongresista Edgar Chatto, Bise Gobernador Juliud Caesar F. Herrera, mga membro sa Sangguniang Bayan pinanguluhan ni Bise Mayor Edwin Ladeza, mga kagawad sama ni Lokoy Legitimas, Ignacio Castil Jr., Precy Branzuela, Narsing Neri, Board Member Yul Lopez, Board Member AE Damalerio II, Mayor Alvin Uy sa Baclayon, Mayor Victoria M. Chatto sa Balilihan, Mayor Cecilia Rebosura sa Antequera, Alberto L. Mangaron Principal sa Loon South Central Elementary School, Fernando A. Castanares Schools District Supervisor Loon South, ug ang 14 ka mga lungsod nga sakop sa maong distrito nga mga atleta, ingon man sa ilang mga coaches, ug chaperons, ingon man usab ang mga kadagkuang opisyales sa Dep-Ed sa Loon South, ug North District, ug Jerome Cabanelez atleta sa palarong pambansa.

Subay niini gibutyag ni Chatto atol sa iyang mensahe nga adunay pinansyal nga hinabang sa kantidad P250,000.00 para mapalig-on ang maong kalihokan, ug P10,000.00 ang matag usa ka grupo, nga mitotal ang tanan ug P30,000.00 sa tulo ka grupo, aron adunay inspirasyon sa ilang partisipasyon sa pagsalmot sa maong kalihokan, ug direktemante gitunol dayon ni Chatto ang maong kantidad nga gidawat sa Mayor, ug coaches sa nagkadaiyang mga team.

Ingon man usab si Herrera midason alang sa kalamposan, ug kabulahan sa mga atleta sa pakigsambunot sa pag-paugnat sa kusog sa natad sa sports.

First Congressional District Athletic Meet gipahigayon sa Loon
Ni: Boy Luzon
Enero 18, 2009

SPO4 Alexander V. Somontan Chief of Police, Kagawad Ricky Masamayor Chairman Committee Peace and Order, SPO1 Felix Magallano, PO3 Emirito Paulinio, ug mga barangay tanod, atol sa hiniusang tigum kabahin sa pagpangandam sa First Congressional District Athletic Meet.

LOON - Si SPO4 Alexander V. Somontan kinsa maoy Chief of Police ning lungsod, ug sa pakig-alayon ni Kagawad Ricky Masamayor Chairman Committee Peace and Order mipahigayon ug hiniusang tigum tali sa lima ka mga barangay kabahin sa pagpangandam sa First Congressional District Athletic Meet aron pagmentinar sa kahusay ug kalinaw sa maong kalihokan nga gipasiugdahan niadtong Enero 11, 12, ug 13,2009 sa maong lungsod.

Sa maong kalihokan tinambongan ni Mayor Lloyd Peter M. Lopez, SPO1 Felix Magallano, PO3 Emerito Paulinio, Barangay Kapitan Alexander M. Luzon, Jose Cartagenas Jr., mga Chief Tanod, ug Barangay Tanod, nga tinambongan kapin sa 14 ka mga lungsod sa probinsya sa Bohol.

Subay niini si Somontan mapasaligon nga ang mga sakop sa kwerpo sa kapolisan, Regional Mobile Group (RMG), mga Barangay Tanod ug uban pang mga tinugyanan sa balaod, maningkamot nga walay mabiktima sa mga dautang elemento nga mopahimulos sa ilang dautang mga tinguha atol niining gipahigayong kalihokan, nga higpit ipatuman ang pagbantay sa kalinaw, ug kahusay.

Samtang sa laing bahin si Mayor Lopez mipahigayon uab ug tigum sa tanang mga lab-asira, mga magpapatigayon, mga tricycle driver, mga habal-habal driver nga dili mopahimulos sa pagbaligya ug mahal sa ilang mga isda, mga otanon, ug uban pang mga produkto liabi na sa mga pagkaon, ug pamasahe, sa tricycle ug mga habal-habal.

Bongga ang Christmas Party sa mga Kapitanes ug LGU Family sa Loon
Ni: Boy Luzon
Desyembre 28, 2008

Ang mga sakop sa LGU-Loon family bongga nga gisaulog ang ilang Christmas Party nga pinasiugdahan ni Mayor Lloyd Peter M. Lopez, M.D. ug mga sakop sa Sangguniang Bayan. (Photo: Boy Luzon) Si Kong. Edgar Chatto mihatag ug paskohanong mensahe atol sa gipahigayong Christmas Party sa mga Kapitanes sa lungsod sa Loon.

LOON - Nagmalampuson ug bongga ang gisaulog nga Christmas Party sa Liga ng mga Barangay (LnB) ning lungsod nga gipahigayon niadtong Disyembre 20, 2008 ubos sa pagpasiugda ni Cesar Pedrigal kinsa maoy Presidente sa maong kahugpungan ug tinambongan sa 67 ka mga membrong Barangay Kapitan, ingon man ni Mayor Lloyd Peter M. Lopez, M.D., Bise Mayor Edwin Ladeza, mga membro sa Sangguniang Bayan sama ni Kagawad Ricky Masamayor, Along Veloso, Joe Palma, Cocong Castil Jr., Lokoy Legitimas, Precy Branzuela ug Narsing Neri, ug mga kadagkuang opisyales sa probinsya sama ni Kongresista Edgar Chatto ug Puriza Chatto iyang kapikas, Board Member Yul Lopez ug Ae Damalerio.

Malipayon kaayo ang mga kapitanes nga mitambong atol sa maong kalihokan sa gipang-apod-apod nga mga pinaskohan mga grocery gikan ni Mayor Lopez, t-shirt ug mga kalendaryo gikan ni Kong. Chatto ug lain usab nga kalendaryo gikan ni Board Member Yul Lopez ug P1,000.00 para i-premyo sa mga parlor games ug uban pa gikan ni Board Member Ae Damalerio.

Nagkahiusa ang tanan alang sa maong kasaulogan ning diwa sa Pasko diin gisaw-an sa tanan ang nagkadaiyang mga partisipasyon nga gilusad atol sa maong Christmas Party.

Samtang sa aling bahin, sa mao gihapon, ang LGU family nagpahigayon ug Christmas Party niadtong Disyembre 23, 2008, tumang kalipay ang gibate sa tanang mga regular nga mga kawani sa P 20,000.00 nga ilang nadawat nga bonus, ug P2,000.00 sa mga kaswal ingon man mga grocery, bugas ug uban pang gipang apod-apod sa tanang mga kawani regular man o kaswal, gikan ni Mayor Lopez isip unang termino sa iyang administrasyon.

Magtiayon gitigbas sa barangay tanod
Ni: Boy Luzon
Desyembre 28, 2008

Hulagway ni Desiderio Merontos, usa ka Barangay Tanod, diin iyang nasinati ang diwa sa pasko sa bilango-an gumikan sa iyang pagpatay sa magtiayong Aurelio ug Juana Planos. (Photo: Boy Luzon)

LOON - Diha na sulod sa bilanggoan nagsaulog sa pasko ang usa ka barangay tanod human niya mapatay ang magtiayong tigulang pinaagi sa pagtikbas kaniadtong adlaw sa pasko.

Ang mga biktima ang magtiayon nga Aurelio Planos, 84, ug Juana Planos, 76, molupyo sa Barangay Genomoan, Loon.

Samtang ang suspetsado nga si Desiderio Merontos, 29, minyo, barangay tanod ug nagpuyo usab sa nahisgutang barangay.

Nahitabo ang maong insidente niadtong adlaw sa pasko alas 6:00 ang takna sa gabii didto sa tugkaran sa balay sa mga biktima.

Sa eksklusibong interbyu sa JBBN sa suspetsado matud pa niadtong Disyembre 25, 2008, nagpahigayon sila ug Christmas Party sa barangay, sa dihang namaule na sila uban sa iyang pamilya gi-atangan sila sa biktima ug dayong lapdos sa dalang makasamad nga butang hinungdan pagkaigo sa walang bahin sa iyang kamot.

Gumikan sa nag-alintabo nga kayugot ni Desiderio mikuha siya ug sundang sa ilang balay kay matod pa padulong unta siya magbalhin sa iyang baka, pero iyang gisundan si Aurelio ug naabutan kini didto na sa ilang tugkaran, iya kining gitikbas hinungdan sa pagkaigo sa toong bahin sa tankugo, ug gisundan pa sa usa ka higayon sa dihang nahigda na sa yuta ang biktima.

Ang asawa nga bakol samtang diha sa sulod sa balay mikamang kini paingon sa gawas sa ilang balay ug masuk-anon kini, gitikbas usab sa suspetsado ug naigo ang liog niini maoy hinungdan sa iyang kamatayon.

Matod pa ni Desiderio sa wala pa mahitabo ang krimen diha nay ilang panaglalis tali sa biktima gumikan sa kamatayon sa iyang amahan kay matod pa gibarang sa biktima, ug gibaharan siya nga maoy isunod pagbarang.

Human mahitabo ang krimen ang suspetsado miadto dayon sa balay ni Kagawad Roy Lozada, Kagawad Jonie Solarte, Chief Tanod Atik, ug Barangay Kapitan Lamberto Rellita, kay motahan sa iyang kaugalingon ngadto sa buhatan sa kapolisan sa lungsod pinaagi ni Chief Alexander Somontan.

Pagkakaron ang suspetsado anaa sa kostudiya sa kapolisan tukmang sumbong ang ipasaka batok kaniya sa salaod nga iyang nahimo, ug didto niya masinate ang diwa sa pasko sa bilanggo-an.

Makita sa hulagway ang modernong pagkadesinyo Multi-Purpose Barangay Hall sa barangay Basdacu nga bag-ohay pa lamang giblessingan ni Fr. Algerio Paña tinambongan ni MLGOO Josie Montes, Brgy. Kapitan George Ramirez ug mga Kagawad Alan Requina, Alberto Requina, Nazario Matutes, Genaro Pitos, Crescenia Recamadas, Rowena Matutes, Concordio Gonzales, SK Chairman Jess Anthony Piquero, Sec. Myrna Cartagenas ug Treas. Aniceta Cartagenas. (Photo: Boy Luzon)

TIN nahimong suliran sa mga opisyales sa Barangay
Ni: Boy Luzon
Desyembre 28, 2008

LOON - Ubay-ubay nga mga opisyales sa barangay ning lungsod nga naglangkob sa 67 ka mga barangay ang nasagmuyo gumikan niining kontrobersyal nga Tax Income Number (TIN) nga pabayron ug P1,000.00 isip penalidad sa wala pagbayad ug pagpakabana sa ilang obligasyon ngadto sa Bureau of Internal Revenue (BIR).

Kini maoy mga reklamo sa mga barangay opisyales kay matod pa wala sila pahibaloa sa maong obligasyon ug gipahibalo man, nagtangag na ug P 1,000.00 ang penalidad nga di pa lang dugay milabay na ang deadline, kon dili mabayran ang P 1,000.00 sulod karon tuiga, sa sunod tuig 2009 madoble na ang balayronon mahimo nang P 2,000.00 ug pugngan usab ang honorarium sa mga opisyales sa barangay.

Wala pa matino kon unsa ka tinuod kining maong isyu, kay adunay mga barangay nga P 2,000.00 ra kapin ilang honorarium, mao nga nahimong gubot ug dako nga suliran sa mga nangalagad sa barangay.

Niadtong milabayng petsa 20 sa Disyembre 2008 atol sa gipahigayong Christmas Party sa mga Kapitanes, si Kongresista Chatto, isip usa ka pinasidunggang bisita sa maong kalihokan gipangutana kabahin sa TIN, ug namahayag si Chatto nga maghimo sila ug hiniusang tigum tali sa mga kadagkuang opisyales sa probinsya sama sa Department of Finance, BIR, Presidente sa Liga sa Probinsya, ug uban pang mga opisyales nga may kalabot sa pagsulbad sa naglimen nga suliran sa mga opisyales sa barangay ug maningkamot si Chatto nga mopahibalo na lang siya kon unsay mahimong linugdangan sa ilang panagtagbo unya kabahin sa maong kontrobersyal kayo nga isyu.

Negosyante gitulis, P500 ra nakuha
Ni: Boy Luzon
Desyembre 28, 2008

LOON - Usa ka 34 anyos nga negosyante ang gitulis sa tulo ka wa mailhing suspetsado.

Ang biktima giila usa ka Jovencio Cepra, minyo nagpuyo sa Sitio Moalong sakop sa Brgy. Basac ning lungsod.

Nahitabo ang maong insidente sa may alas 6:00 pasado sa gabii Disyembre 26, 2008 didto sa parkingan sa merkado publiko sa maong lungsod.

Sa dihang misakay na unta ang biktima sa iyang tricycle kay padulong na mouli, usa ka tawo ang midool kaniya ug dayung ti-on sa 9mm kalibre sa pistola sa likod nga bahin sa iyang lawas ug medeklarar nga tulis, ug ang usa ka tawo mition usab sa driver sa biktima si Edgar Magallen, ug wala kini makalihok atol sa maong insidente.

Gumikan sa pag-inilogay sa bag sa biktima, ug ang tulisan, mibuto ug duha ka higayon hinungdan naigo sa tuong bahin ang paa sa biktima, ug ang usa ka bala didto moigo sa kalsada.

Milampos ang mga tulisan ug nadala ang maong bag nga adunay sulod salaping cash P500 mga sensilyo ug tulo ka yunit nga cellphone, ug mipasirit ang tulo ka mga batan-ong wa mailhing tulisan sa ilang gisakyang motorsiklo paingon sa lungsod sa Tubigon.

Ang halin gyod nianang adlawa didto ibutang sa bulsa sa pantalon sa biktima, ug wala maka alinggat ang mga tulisan. Human sa panghitabo ang biktima gidala dayon sa Congressman Natalio Castillo Memorial Hospital (CNCMH) sa Loon aron patambalan, ug gibalhin kini sa hospital sa Dakbayan sa Tagbilaran ug didto magpaalim sa iyang samad pinusilan sa iyang lawas.

P9.5-Milyones nga bag-ong merkado gisugdan pagtrabaho
Ni: Boy Luzon
Desyembre 21, 2008
 

Makita sa hulagway ang plano sa bag-ong edipisyo central building Loon Public Market sa kantidad P9.5 milyones nga gisugdan na pagtrabaho Mao kini ang relocation site sa mga magpapatigayon kasamtangang naigo ang ilang pwesto sa bag-ong giugmad nga edipisyo.

Ang maong proyekto usa sa mga prayoridad sa administrasyon ni Mayor Lloyd Peter M. Lopez ug Bise Mayor Edwin Ladeza, diin ang badyet niini gikan sa kagamhanang nasyonal.

Giumol ang natumbok nga proyekto aron mahatagan ug kahamogaway, ug komportableng pwesto ang mga magpapatigayon, kinsa nakahatag ug ubay-ubayng kita sa panudlanan sa lungsod.

Ang Loon usa ka third class municipality ug kwalipikadong mahimong first class municipality, kay milambo ang ekonomiya ug sa ubang mga resources.

Kini tungod kay ang katawhan seryosong mobayad sa ilang obligasyon ilabi na sa buhis nga maoy gabayan ug taytayan alang sa kalamboan.

Gilaoman ang maong proyekto mahuman sa labing madaling panahon aron mahatagan ug maayong serbisyo tali sa tanang mga magpapatigayon sa lungsod, ug uban pa nga may kalabot sa pagpalambo sa pinanggang lungsod sa Loon.

Dr. Odysseus ug Marienyth Camarillo mipahigayon og Feeding Program
Ni: Boy Luzon
Desyembre 21, 2008

Si Mayor Lloyd Peter M. Lopez (sa wala) mihatag ug paskohanong mensahe atol sa gipahigayong feeding sa mga kabataan nga pinasiugdahan sa magtiayong Dr. Odysseus ug Marienyth Camarillo.

LOON - Nagmalampuson ang gipahigayong feeding sa mga kabataan gikan sa nagpangidaron ug 5 anyos ngadto sa 8 anyos ning lungsod niadtong Desyembre 14, 2008 didto sa Loon Sports and Cultural Center, ubos sa pagpasiugda sa nagpakabanang magtiayon Dr. Odysseus ug Marienyth Camarillo tag-iya ug tagdumala sa Cebu Veterinary Doctors (CVD) nga nagpuyo sa dakbayan sa Sugbo.

Ang maong kalihokan tinambongan ni Mayor Lloyd Peter M. Lopez, Barangay Kapitan Alexander M. Luzon Sr., Barangay Kapitan Sofia Mejares, Kagawad Marcelina Taray, Nita Salubre, NGOs, ug Juliana Legitimas, ingon man Fr. Algerio Paña ug ang mga kauban nga doctor sama ni Arlene Almarines, Jonah Batan, Sheila Enong, ug Wendell Tiongco.

Ang maong kalihokan gisalmotan sa upat ka mga barangay sama sa Cogon Norte, Napo, Tubodio ug Lintuan, ug gilangkoban kapin sa 200 ka mga kabataan ang nakapahimulos sa libreng serbisyo nga gihatag gikan sa banay nga Camarillo.

Nasayran sa JBBN atol sa maong kalihokan, malipayon kaayo ang mga kabataan sa mga grasya nga ilang nadawat, ug ubay-ubayng mga kalingawan ang gilusad sama sa sayaw, kanta, mga parlor games, ug uban pa, nga nagtangag ug mga premyo pahalipay ngadto sa mga kabataan sa kasaulogan ning diwa sa Pasko.

Sa pagpakighinabi ni Nita Salubre kinsa maoy ginikanan ni Marienyth matud pa, matag tuig maoy ilang sagad pagabuhaton sa pagpakaon sa mga kabataan didto sa Sugbo, ug nagpalahi na usab sila karon kay ang asawa ni Odysseus taga lungsod sa Loon man, ug dinhe na usab sila mohimo sa tinuig nga kalihokan aron usab matabangan ang mga kabataan sa mga grasya nga ilang nadawat ilabina sa mga kabus nga banay.

Subay niini sa dalang F. Ramos sa dakbayan sa Sugbo maoy main hospital, ug adunay mga sangang klinika sama sa Mandaue City, Mactan Dog and Cat Clinic Co., ug SM sa dakbayan sa Sugbo.

Plete sa depasaheroang pumboat sa Loon gihangyo nga i-rollback
Ni: Boy Luzon
Desyembre 14, 2008
 

Sa hulagway makita si Norma Enriquez opisyal sa MARINA, (nagunit og mikropono) ug mga nagpakabanang katawhan atol sa gilusad nga hiniusang public hearing kabahin sa pletihan sa mga depasaherong pump boat sa kadagatan sa isla sa Cabilao sa lungsod sa Loon.

Ang maong tigum gisalmotan partikular sa Talisay Mocpoc Pump boat Association (TAMOPA), Cambaquiz Motor Driver and Pump boat Association (CAMODPA),didto sa isla sa Cabilao sa lungsod sa Loon niadtong Disyembre 10, 2008.

Ang maong kalihokan ubos sa pagpasiugda sa mga Sangguniang Bayan pinanguluhan ni Bise Mayor Edwin Ladeza, ug mga kagawad sama ni Ricky Masamayor, Damaso Pasilbas, Cocong Castil Jr., Lokoy Legitimas, Narsing Neri, LNB president Odong Pedrigal, ug SB secretary Dong Fidel Coritico.

Tinambongan usab ang maong kalihokan ni Norma Enriquez opisyal sa MARINA, sa probinsya sa Bohol, Ricardo Carage kawani sa Coast Guard, mga principal ug mga magtutudlo sa pampublikong tulunghaan sa elementarya og secondarya, ingon man mga barangay kapitan, ug mga kagawad sa barangay, Andres Magallen Municipal Traffic Aide sa lungsod, Julie Cavero Tourism Community Organizer ug mga katawhan atol sa maong hiniusang public hearing.

Mao kini ang naglimen nga reklamo sa publiko nga unta mahatagan og makaangayon nga pletihan pinasubay sa balaod.

Nagkanayon si Norma Enriquez nga illegal ang pag-usbaw sa pletihan gumikan kay walay Certificate of Public Convenience (CPC) ang mga operator, ug uban pang mga rekesitos sa MARINA, ug mayor’s permit sa lungsod.

Ang maong public hearing nagbinayloay ug mga maayong ideya sa pump boat operator tali sa mga katawhan, ug mihangyo si bise mayor Ladeza nga himoon nalang P17.00 ang pletihan pagkakaron nga wala pay klarong gihuptan nga mga papeles ang mga operator sa ilang pagpamasahero, kay matod pa ni Ladeza, ang publiko maoy magsakripisyo og magpas-an sa maong suliran.

Subay niini miuyon ang mga petisyoner, ug mga pump boat operator, ingon man usab ang pagdason ni Enriquez sa MARINA, pero gidapit ni Enriquez ang tanan nga pump boat operators sa pagbisita sa iyang buhatan aron ilang mahisgutan ug matuki ang tukmang pletihan, ug pagtuman sa ilang obligasyon sama sa Certificate of Public Convenience, aron mahapsay ang ilang pag-operate sa ilang depasaherong sakyanans sa kadagatan.

Pagbansay-bansay kabahin sa MCDC nagmalampuson
Ni: Boy Luzon
Desyembre 14, 2008

Si Board Member Josephine Jumamoy namahayag atol sa gipahigayong pagbansay-bansay sa MCDC sa lungsod sa Loon uban ni Mayor Lloyd Peter M. Lopez, Bise Mayor Edwin Ladeza, Mario Limbaga sa CDA, ug mga staff sa buhatan ni Jumamoy, ug ang mga chairman sa nagkadaiyang kooperatiba.

LOON - Nagmalamposon ang gipahigayong usa ka adlawng pagbansay-bansay kabahin sa Municipal Cooperative Develop-ment Council (MCDC) workshop phase II and fellowship niadtong Disyembre 10, 2008 didto sa Loon Sports and Cultural Center aron pagplano ug pagpalambo sa mga kursos naturales mga bahandi sa barangay nga maoy usa sa makahatag, maanindot, og maayong atraksyon sa mga turista sa natad sa turismo.

Subay niini maoy gitotokan sa MCDC pag-ugmad ug pagdevelop sa mga butang nga may kalabot sa turismo aron molambo ang barangay, ug mahamugaway ang panginabuhian particular sa mga katawhan.

Ang maong kalihokan ubos sa pagpasiugda ni municipal Mayor Lloyd Peter M. Lopez, ug mga Sangguniang Bayan pinanguluhan ni Bise Mayor Edwin Ladeza, sama ni Kagawad Ricky Masamayor, Cocong Castil Jr., Lokoy Legitimas , LNB president Odong Pedrigal, mga chairman sa nagkadaiyang kooperatiba sa maong lungsod nga gilangkoban sa 15ka mga kwalipikadong membro, ug ingon man ang pinasidunggang bisita sa ikaduhang distrito Board Member Josephine Jumamoy kinsa maoy chairman sa Provincial Cooperative Development Council (PCDC) ug sa iyang mga staff sa maong buhatan, ug Mario Limbaga chairman sa Cooperative Development Authority (CDA) Bohol tsapter, Julie Cavero Tourism Community Organizer, Ronnie Robenta staff sa buhatan sa mayor, Edna Lafuente kawani sa buahatan sa Municipal Environment and Natural Resources Office (MENRO), ug Reigh Monreal kinsa maoy facilitatorsa gilusad nga kalihokan.

Gidasig ug gipaglig-on ni board member Jumamoy ang MCDC sa lungsod sa Loon atol sa iyang mensahe nga diin nagkahiusa sa ilang mga tinguha alang sa kalamboan sa lungsod pinaagi nga iyang buligan sa gipangayong pinansyal sa kakulangan nga P700,000 ngadto ni senador Miguel Zubiri sa kaulohan basi sa resolusyon nga iyang nadawat atol sa pagbansay-bansay sa natumbok nga kaihokan.

Ang gipangayong pinan-syal mao unya ang gabayan sa pagpang-apod-apod sa mga membro sa kooperatiba alang sa ilang giplanong mga proyekto aron adunay reyalidad sa ilang mga laraw alang sa kauswagan, ug kalamboan sa mga ginsakpang barangay sa lungsod sa Loon.

Gilusad ang programang assessment sa plant nursery sa MAO sa Loon
Ni: Boy Luzon
Desyembre 14, 2008

LOON - Gilusad ang assessment sa duha ka distrito, 1, ug 2 sa plant nursery sa Municipal Agriculture ning lungsod ubos sa pagpaningkamot ni Trinita Suello Municipal Agriculture Officer (MAO) niadtong Disyembre 11, 2008 didto sa Tubudio barangay hall.

Ang natumbok nga barangay sakop sa distrito 2 ni Kagawad Narsing Neri, diin maoy unang higayon ang assessment nga tinambongan ni Mayor Lloyd Peter M. Lopez, Kagawad Ignacio M. Castil Jr., chairman committee on agriculture and fishery, barangay kapitan Ma. Linda P. Seprado, ug tinambongan usab sa chairman sa Farmer’s Association president, barangay kagawad chairman on agriculture, ug chairman sa Loon Farmer’s Scientist Association (LOFSA).

Sa eksklusibong interbyu sa JBBN ni Suello giugmad ang maong kalihokan aron pagkuha sa mga komentaryo negatibo ba o positibo ang maong proyekto nga plant nursery, nga maoy kuhaanan sa mga semilya sa mga katawhan ngadto sa ilang backyard gardening, kon napahimoslan ba sa mga katawhan ug natubag ba ang problema sa pagkaon, niining nasinati nga krisis nga giatubang sa atong nasud karon, ug aduna bay mga benipisyo nga matagamtaman tali sa mga katawhan.

Matud pa ni Suello, upat na ka bulan nga gisugdan ang maong proyekto, aron ang mga katawhan ma-inganyo sa pagtikad sa bakanteng luna, ug pagpananom sa mga otanon backyard gardening, nga maoy prayoridad nga programa sa agrikultura sa maong lungsod.

Subay niini gipahalapdan ni mayor Lopez ang gigahin nga pondo kabahin sa agrikultura sa kantidad usa ka milyon ka pesos aron mahamogaway ang mga mag-uuma kabahin sa ilang panginahanglanon sa natad sa agrikultura.

Dugang niini gikumpirmar ni Lopez nga ang 20 ka barangay nga sakop sa duha ka distrito makadawat ug mga kahimanan para sa ilang gardening sama sa bondol, bara, matok, lagaraw, sundang, daro, ug kabaw pinaagi sa rotaton basis.

Ang tanan nga mitambong sa gilusad nga programa nakadawat ug mga semilya sama sa nangka ug manga mga fruit bearing trees nga mapuslan sa mga katawhan.

Sa laing bahin sa barangay Tontonan distrito ni kagawad Ignacio M. Castil Jr., uban ni barangay kapitan Artemio A. Moria, ug sa iyang mga barangay kagawad gipahigayon gihapon ang susamang kalihokan sa manglahing oras.

Bangga sa mga abilidad!
Desyembre 14, 2008

LOON - Imbitasyon alang sa tanang mga Loonanon sa pagsalmot sa Creative Fest 2008, 2nd Loon Creative Industry Festival.

Giawhag ang tanang mga Loonanon sa bisan asang dapit sa pagsalmot sa Ikaduhang Hugna sa Loon Creative Industry Festival nga gitakda karong bulan sa Disyembre ning tuiga.

Ang mga nagkadaiyang bangga naglangkob niining mosunod nga mga kategoriya: Oil Painting, Watercolor Paintings, Pen-and-Ink or Charcoal Painting, Photography, Comics Illustration, Souvenir Items, Furniture Design, Balak, English Poetry, Sugilanon (short story in Binisaya), ug Band Performance and Original Composition.
Adunay mga ganting salapi nga ipanghatag ngadto sa mga palarang mananaog.

Ang mga Entry Forms makuha diha sa Buhatan sa Mayor, (telepono no. 505-9131) ug kinahanglan isumiter sa dili pa molapas ang Disyembre 15, 2008.

Ang tanang mga entries pagahukman sa Disyembre 20, 2008.

09183412164

MANANABTAN: Ginoo kaloy-I ang kalag ni… Mare, unsa toy ngalan aning namatay?
MARE: Ambot. Sundalo na kaniadto. Masingganer na siya.
MANANABTAN: Ginoo kaloy-i ang kalag ni masingganer. Palihug sabat.
TANAN: Ratatatatat! Bratatatat! Tat3x!

ANO ang sinasabi after SEX?
Pag ASAWA: I love u
Pag KABIT: Ang galing mo
Kung SYOTA: Wow, isa pa
Pag KUMARE mo: Paspasi pre, basin maabtan ta!

READ ALL

READ ALL

Gd eve JBBN ngau ko ka txtm8 kana boy iya age 24 up. 09186035989

Hlo kya JBBN pwd mangayo k og k txtm8 knang grl unya boutan iyang ega 25 pataas. Im J-R frm Crmen Bohol. 09098552750

READ ALL

09183412164

Hai JBBN, gud eve! Wanted q txtm8 nga grl 15-19 yrs of age! Kanang wafa or cute kay wafo mn pd q maesuroy og mall. Am im JR frm Balilihan, invte lng pd q Lavaras_jr@ yahoo.cm. 09204142204 (Posted: January 18, 2009)

Hai gudnun poh wnted txtm8 qoh veh kanang boy 16-19 yrs old. Kanang buotan xempre, jeje, pwde rn poh mgpa wnted Frndster. Wnted Frndstr qoh Jonalyn_1620@yahoo.com, tnx a lot more power. JBBN. 09075851082 (Posted: January 18, 2008)

Elow JBBN. Im looking 4 a boy txtm8 16-18 yrz of age. U can also ad meh as friend! Zteih_Cas30@ yahoo.com. Im Stela! Tnx. 09285462072 (Posted: December 28, 2009)

Hi JBBN gudmwnin gret q s mga pnsan q n Catagbacan Handig na cla Cathy, Loloy, Badag. Ug pwdi henge ng friends s Frindster q e2 pwd pkead. Tanx and more power 2 u. Ritchel_Celada@yahoo.com.ph (Posted: December 28, 2008)

Ei. JBBN. Wntd txm8 lng. Im Smantha Shane. Knang mhtg og load. Jeje. Smart user lng. Cutieshane16@yahoo.com. 09072777773. (Posted: December 21, 2008)

Good day! 2 everyone. I would to extend my gratitude to all staff of JBBN for making me pleasure while reading their column. I am much inform about the event today including latest issue as well as in showbuiz. For me you’re the best among the rest. Keep it up! Add me up mga friends. Thank u so much. Elvirgen_ Cantiveros @yahoo.com
(Posted: November 30, 2008)

A pleasant mrning 2 ol d staff of JBBN. I’m Leah of Bohol, luking 4 a guy txtm8 16yrs & above ung my sense of humor, and add u din po aq sa FS q Lovelyrecca@yahoo.com. Tnx & more power. (Posted: November 23, 2008)

Hi! JBBN. Gr8 lng q xa aqng mga frndz xa UB-Loon, especially 2 d 3rd yr Amethyst! Guys, good job. Nya add xd q nnu. Cutiezai_MheL93@ yahoo.com. (Posted: November 16, 2008)

STAFF BOX

Ritsutaka "Papa Jappil" Masuda - Owner
Delia Masuda - Publisher
Rey Dalay - Editor-in-Chief
Edward Guyano - Chief Reporter
Helios Pusta - Layout Artist/Writer
Dennis Medilo - Layout ArtistWeb Designer Jeffrey Bellita - Printing-Press Operator

CORRESPONDENTS
Boy Luzon - Loon
Lando Aparece - Sierra-Bullones
Y-Not Deloso - Anda
Admi Valmores - Talibon
Jingle Tripoli - Tubigon

CONTRIBUTORS
Rey Anthony Chiu - PIA
Gregorio Tavera - Jagna LGU
Fiel Angelie Gabin - Tagbilaran City LGU
Nestor Daarol
Bruce Zabala - PGMA

COLUMNISTS
Rey Dalay - Editorial
Edward Guyano - Kay Ngano Kaha? (K na K)
Rey Anthony Chiu - Kon Ako'y Pangutan-on
Lando Aparece - Tsk Tsk Tsk
Jingle Tripoli - Lihok Kabataan
Priscilla Richards - East Meets West
Y-Not Deloso - Nganong Dili?
Tor Telin - In My Opinion
Rammel Cagulada - Coop Pesos
Admi Valmores - Igo Na
Carmen Caga - Yayay!

MARKETING / ADVERTISING
Y-Not Deloso
Edward Guyano
Roger Sarausa
Frank Iyog
Nestor Daarol