The JBBN Staff

Pag-alagad sa katawhan, panglawas unahon
Ni: Edward Guyano
Desyembre 7, 2008

PILAR - Pag-alagad sa katawhan ug ingon man sa panglawas mao gayod ang unahon.

Mao kini ang pama-hayag ni Pilar Mayor Wilson Pajo dihang gikahinabi ning tigbalita.

Nunot sa maong saad ang mayor karon padayon nga mihimo ug mga panerbisyo sa mga tagilungsod sama sa midical mission.

Niining simanaha gipahigayon ang dakong midical mision sa Poblacion diin gipasiugdahan kini sa LGU.

Gidugang pa sa mayor nga inubanan kini sa mga Doktor sa mga kasilinganang lungsod sama sa Sierra Bullones, Dagohoy ug San Miguel.

Ang mga kalihukan kini agi ug pahaom sa ilang nagsingabot nga Foundation Day karong petsa 29 sa Disyembre diin gipangandaman usab kini og dako sa mayor.

Niining panahona nakahan-ay na ang ilang mga kalihukan sama sa Binibining Pilar ug uban pa.

Binhi sa humay gipang-apod-apod, gi-monitor
Ni: Edward Guyano
Nobyembre 16, 2008

PILAR - Gipang apod-apod na karon dinhi sa lungsod sa Pilar ang mga binhi sa humay alang niadtong mga mag-uuma nga gustong motanum sa high breed nga mga binhi apan ubos usab kini sa pagmonitor sa lokal nga kagamhanan sa maong lungsod.

Mao kini ang gibutyag ni Bise Mayor Adolfo Espuelas dihang gikahinabi ning tigbalita dili pa lamang dugay.

Matud pa ni Espuelas nga ila kining gihimo alang sa paglikay sa mga kapakyasan nga dili magamit ang mga binhi ngadto sa dili maayong katuyoan ug aron gayod matanum kini ngadto sa ilang mga uma.

Dugang pa ni Espuelas nga sa pagkakaron aduna nay mokabat ngadto sa 200 ka sako ang ilang giapod-apod diin pagabayran lamang kini ug tag P220 matag ektarya nga tamnanan

Dugang pa niya usa usab sa gikinahanglan mao nga ang mag-uuma aduna gayuy crop insurance sa ingon dunay kasigurohan ang mag-uuma sa panahon nga maigo sa piste ug kalamidad ang tanum duna gihapoy madawat nga salapi ang matag mag-uuma.

Hunuon hugot nga gipasabot sa Bise Mayor nga paga duawon gayud kadtong mag-uuma nga mutanum sa high breed nga binhi aron usab mahibaw-an kon pila ang gikinahanglang binhi nga itanum sa matag luna.

P500,000 alang sa kabarangayan gipanghatag ngadto sa Pilar
Ni: Edward Guyano
Nobyembre 16, 2008

PILAR - Gipanghatag na ang tabang gikan sa Kagamhanang Probinsyal nga mobalor ug P500,000 kaniadtong Byernes petsa 14 ning bulan sa Nobyembre.

Mao kini ang nasayran sa JBBN gikan kang Bise Mayor Adolfo Espuelas, matud pa ang maong programa sa kagamhanan duagay nang nagsugod ug niining bag-ohay pa lang na iskedyol ang lungsod sa Pilar.

Ang maong kantidad gipang-apod apod sa tanang kabarangayan nga sakop sa maong lungsod.

Kini usab gitumbok sa Bise Mayor nga maoy makatabang usab sa mga panginahanglanon ug pag-abag sa uban pang mga kalamboan sa matag barangay.

Pilar may have to fund post-KALAHI projects
November 9, 2008

PILAR - Empowered communities here may lose a funding ally with the end of the country’s flagship anti-poverty program but Mayor Wilson Pajo said the town may single-handedly finance pending barangay projects.

Speaking before Department of Social Welfare and Development (DSWD) Social Marketing Service Director Gerardo Eusebio and touring media at the Sangguniang Bayan Session Hall here, Pajo revealed that by prudent use of Kapit Bisig Laban sa Kahirapan (KALAHI) funds, the town has saved enough for two more cycle of projects it could fund before they run out.

Pilar has successfully completed three cycles of development projects in all its 21 barangays, funded in partnerships with national government through KALAHI comprehensive integrated delivery of social services (CIDSS) and local funds supplemented by labor counterpart of residents.

KALAHI has been funding livelihood, infrastructure and agri-related projects in 12 Bohol towns and completes its final cycle in December this year.

The end may also mean drought of funds for towns still thirsty for development.
The national government community driven development projects in Bohol’s towns still mired in poverty has also allowed empowerment to be played to the hilt by local stakeholders working out solutions and kick poverty out of their barangays.

Since 2006, Pilar, a 4th class town in Bohol’s 3rd District has received a total of P18M KALAHI funds in three cycles.

“Where could you get P18M?” asked Pajo during a KALAHI status of implementation briefing for local media.

“It is a rare opportunity and we need to put up a counterpart to match the donor’s money, Pajo continued.

Barangays here put up an annual fund of P75T, or their town council does not confirm their budgets.

P75T, when spent alone do not go vary far, but with 21 barangays each putting up the amount, it’s a whooping P1.5M, now to be used to counterpart 7 barangay priority projects, town planning officer Joseph Anania explained.

The projects are prepared in the vernacular by the residents, canvassed by a team and implemented by them, spurring local employment and eliminating corruption by open and transparent participation of people, Area Coordinator Randel Borja also added.

Now also looking putting up their little counterpart, barangay volunteers lessen project costs, further heaping up savings, which the town can now use to fun more project, even with KALAHI bending out in December.

At this, local govern-ment officials have admitted it may not be a big deal, but they have finally made sure they can dent on poverty.

Earlier, President Gloria Macapagal Arroyo has stressed employment generation and putting up livelihood opportunities remain to be the country’s best preparation to thwart poverty issues. (rachiu/PIA)

Duha ka dagkong proyekto sa KALAHI gipakita sa Media
Ni: Edward Guyano
Nobyembe 2, 2008

PILAR -  atol sa gipahigayon nga Media tour kaniadtong petsa 29 sa Oktubre duha ka mga dagkong proyekto sa KALAHI- CIDDS ang nasaksihan sa mga sakop sa media.

Kini naglangkob sa lungsod sa Pilar ug barangay Bayongan sa lungsod sa San Miguel.

Sa Pilar si Mayor Wilson Pajo mao ang nanguna sa pag implimentar sa maong proyekto sa pagpalambo sa ilang lungsod sama sa infastructure pinaagi sa pagama ug tulay sa mga kabarangayan diin nakita karon ang paglambo sa Pilar pinaagi sa maong programa.

Sa barangay Bayongan gipahigayon usab ang pagpasiga sa ilang sugang dagitab nga kini ubos sa panabang sa programa sa KALAHI.

Si DSWD National director Gerardo Eusebio usa sa nagpasiuda sa maong programa ug gisuportahan usab ni Mrs. Jayvey Carillo ang Information officer 7 ug ingon man ang Marketing Officer nga mao si Ms. Cathy Sanches.

Sa miaging adlaw ang mga opisyal sa maong ahensya inubanan sa mga sakop sa media mipahigayon ug tour ngadto sa tanang lugar sa Bohol diin giimplementar ang proyekto sa KALAHI.

Mga sakop sa ABSTP mipahigayon og lakbay-aral
Ni: Rey Dalay
Oktobre 5, 2008

PILAR - Miduaw niadtong Martes (Septyembre 30) ang mga sakop sa Association of Barangay Secretaries and Treasurers of Pilar, Bohol nga naglangkob sa mga barangay Secretaries, Treasurers, ug Records Keepers, pinangulohan sa adviser niini nga si Mr. Gualberto Jaspe, isip usa ka lakbay aral aron mas daghan pa silang makat-onan kabahin sa mga kalamboan sa ubang mga lungsod dinhi sa lalawigan ug sa ingon ila kining ikapaambit pagpalambo sa tagsa-tagsa ka barangay.

Si SB Secretary Gualberto Jaspe kinsa mao ang adviser ug organizer sa maong grupo mibutyag nga ang ABSTP gi-organized niadtong 1998 sa tuyo nga malakip usab ang mga barangay Treasurer aron dili sila mabiyaan.

Gipasabot ni Jaspe nga ang mga barangay treasurer ug secretary kinahanglan gayod kining magkuyog isip pangabaga sa barangay kapitan.

“Kay kon mawala ang secretary o ang treasurer mapiangan gayod ang kapitan ug ingon man ang serbisyo niini ngadto sa barangay,” matod pa ni Mr. Gualberto Jaspe.

Niadtong bulan sa Enero ning tuiga, gibutyag ni Jaspe nga nadugang sa grupo ang mga barangay records keeper.

Uban nga adviser sa maog kapunongan mao ang municipal accountant nga si Mrs. Jean dela Peña ug ang municipal treasurer, sa pakig-alayon sa MLGOO.

Ang gihimong lakbay aral niadtong Martes, tipik kini sa tinuiug nga kalihokan sa maong grupo.

Gibutyag usab ni Jaspe nga dili pa lang dugay nga nagpili ang mga sakop niini alang sa ilang mga opisyales diin si Mayor Wilson Pajo ang nagpapanumpa kanila ug mao usab ang ilang pinasidunggang dinapit.

Si Mayor Wilson Pajo mihatag og P8,000 alang sa lakbay aral sa grupo.
Ang maong kantidad gikuhaan pagpalit og uniporme sa grupo ug ang sobra maoy gigamit sa transportasyon ug pagkaon.

Lakip sa mga dapit nga giduaw sa grupo mao ang Sagbayan Peak, LGU-Catigbian diin miduaw sila balay lungsod niini diin gipahigayon ang oryentasyon sa pamaagi niini ug sa pagdumala, live stock market, public market, demo farm.

Milahos ang grupo ngadto sa Kapitolyo dinhi sa dakbayan sa Tagbilaran didto sa special project of the Vice Governor’s Office, kay ang Pilar pilot municipality sa Special project Unit.

Ang SPU usa ka kini ka legislative research arm. Gipahigayon ang pag-lecture nga naghisgot sa schedule sa training sa barangay officials karong Nobyembre 12-14, nga libreng program sa SPU.

Gikan sa Kapitolyo milahos ang grupo sa Cainggit alang sa sight seeing ug paniudto ug pagkahuman milahos sila ngadto sa balay lungsod sa Baclayon diin usa ka oryentasyon ang gipahigayon kalabot sa pangagamahanan sa lungsod ug milahos usab sila sa Baclayon church.

Gipadangat sa mga sakop sa maong grupo ang ilang mga pasalamat ug pagdayeg ingonman ngadto kang Mayor Wilson Pajo, mga sakop sa Sangguniang Bayan pinangulohan ni Besi Mayor Adolfo Espuelas sa ilang walay puas nga suporta sa maong organisasyon.

Ngadto usab sa mga opisyales sa lungsod sa Catigbian pinangulohan ni Mayor Roberto Salinas ug sa Baclayon pinangulohan ni Mayor Alvin Uy ug ingon man kang Besi Gobernador Julius Caesar Herrera kinsa mihatag og P1,500 sa ilang snacks.

Pilar nagsugod na sa ilang social and religious activities
Ni: Rey Dalay
Oktobre 5, 2008

PILAR - Gisugdan na ug padayon karon nga gipahigayon ang social and religious activities ning lungsod agi’g pagpangandam sa kapistahan niini karong Oktubre 11-12.

Ang mosunod mao ang iskedyul sa mga kalihokan matag gabii uban sa mga tigpasiugda niini: Oktubre 3 –LGU night concert with Jerome sala, rich asuncion ug mga kaubanan; Oktubre 4 – Bohol Quality; Oktubre 5 – LGU Disco fund raising; Oktubre 6 – Teachers night, DepEd; Oktubre 7 – ABC, PCL, SK; Oktubre 8 – Pilar High School ug San Isidro High School; Oktubre 9 – Cong. Adam Jala; Oktubre 10 – Cesar Montano; Oktubre 11- PPC, VPA; Oktubre 12- Pob. Barangay Council; Oktubre 13- Balikbayan.
Kining maong mga impormasyon nakuha gikan kang G. Gualberto Jaspe, ang SB Secretary sa lungsod sa Pilar.

Dugang gibutyag ni Jaspe, nga karong Oktubre 11 magsugod ang kalingawan alas 9:00 sa buntag diin pagabuksan kini sa usa ka parade, Drum and bugle exhibition, Field demo dance contest nga giapilan sa mga tinun-an sa elementarya, Cheer dance competition nga giapilan sa mga tinun-an sa sekondarya gikan sa Pilar, Sierra-Bullones, Carmen, Dagohoy, ug Alicia.

Pagka Oktubre 12 sa sama gihapon nga oras magsugod ang usa ka pontifical mass nga pangunahan ni Most. Rev. Christian Noel, D.D. – Bishop of Talibon; pagasundan kini og bicycle racing contest, boat racing contest didto sa Malinao Dam, Motocross inig ka palis, ug pagkagabii mao ang disco.

Si Jaspe nagkanayon nga sa gihapon magpadayon ang mga relihiyosong kalihokan sa simbahan nga dumalahon ni parish priest Rev. Fr. Ming Almedilla, ug Rev. Fr. Cyril Reyes sa pakig-alayon sa mga sakop sa parish pastoral council.

Pilar nangandam alang sa umaabot nga pista
Ni: Edward Guyano
Setyembre 21, 2008

PILAR - Niining nagsingabot nga kasaulogan sa kapistahan sa lungsod sa Pilar mga dagkong kalihukan ang gipaabot.

Kini maoy giluwatang pamahayag ni Mayor Welson Pajo dihang giduaw sa JBBN dili pa lamang dugay.

Matud ni Pajo aduna nay gihan-ay nga mga programa karong umaabot bulan sa Oktubre.

Kini naglangkob sa pasundayag ni Jerome Sala kinsa nakadaug sa Star in A Million nga lumad usab sa maong lungsod.

Si Rich Asuncion kinsa mananaug usab sa GMA 7 gilauman usab nga mopasundayag alang ug paghatag ug lingaw sa kapistahan.

Si Pajo mibutyag nga aduna usay upat ka mga lungsod nga mosalmot sa pagahimuon nila nga mga kalihukan nga cheer dance nga diin paga salmutan sa lungsod sa Alicia,Dagohoy,Carmen ug Sierra Bullones.

Sa pitsa 3 sa Oktubre mag-sugod na ang mga panggabii nga kalohukan. Adunay MotorCross, Show Case ug lawn tennis.

Ang mayor sa iyang bahin dako kaayo niyang garbo ang pagpangandam sa maong kalihukan gumikan kay usa man usab sa adunay ecotourism ang ilang dapit.

Giawhag usab sa mayor ang mga kasikbit nga mga kalungsoran sa pag apil usab sa mga nakahan-ay nga kontist alang sa umaabot nga pista.

Sky Ride tukoron sa Malinao Dam
Ni: Edward Guyano
Setyembre 14, 2008

PILAR - Nunot sa programa nga ugmaron ang eco-tourism sa lungsod, tukoron sa dili madugay ang usa ka sky ride diha mismo sa Malinao Dam aron pagkabig sa mga turista nga moduaw usab sa lungsod.

Kini mao ang bag-ong kalamboan sa lungsod sa Pilar diin mahimutang ang Malinao Dam nga ugmaron sa mga opisyales sa lungsod pinangunahan ni Mayor Wilson Pajo.

Matud sa Mayor dihang gihinabi sa JBBN, alang sa dugang atraksyon sa Malinao Dam mugnaon ang usa ka Sky Ride pinaagi sa usa ka cable car nga motadlas gikan sa spillway ngadto na sa tungang bahin sa Dam diin adunay gamay nga isla.

Dugang pamahayag sa mayor nga ang maong isla adunay kasaysayan diin matud sa mga katigulangan dunay barko nga mobiyahe padulong sa Sugbo nga magkarga og cacao.

Ang maong sugilanon sinukad pa sa panahon nga ang maong dapit diin mahimutang ang dam usa pa ka suba kanhi.

Ang moang ideya nakuha kini sa mayor gikan sa ilang educational tour ngadto sa Camarines Sur.

Dugang saysay sa mayor, usa lang una ka cable car ang mobiyahe padulong tadlas sa isla ug kinahanglan ang mosakay magsuot og life jacket kay simbako kon mahagbong tubig man ang kapaingnan.

Ang mga turista usab nga mopahimulos sa pagtan-aw sa palibot sa isla magsakay na ug sakayan balik tadlas sa dam padulong ngadto sa spillway, dugang pasabot sa mayor.

Dugang atraksyon usab sa maong lungsod, ang San Vicente Swimming Pool sa Sagnap Spring ugmaron usab kini aron ikadalit usab sa mga turista nga mobisita sa ilang lungsod.

Tag-iya og galingan gipusil patay
Hunyo 29, 2008

Pilar – Patay ang usa ka 38-anyos nga negosyante nga tag-iya og rice mill human kini gipusil sa ulo kaniadtong Dominggo (Hunyo 22) sa Sitio Malinao.

Gidali pagdala sa Carmen Hospital si Rufino Caunsag, apan gideklara kini nga dead-on-arrival.

Si Caunsag mulopyo sa Malinao ug lumad taga-Labason, Zamboanga de Norte. Sumala sa imbestigasyon sa pulis, naglingkod si Caunsag duol sa iyang rice mill kauban sa iyang kinamanghurang anak.

Usa ka wala-mailhing tawo nga nagtago-tago luyo sa koral duol ni Caunsag, ang kalit lang mipusil ni Caunsag gamit ang .45-calibreng pusil.

Ang maong tawo misutoy dayon lulan sa motorsiklo paingon sa Brgy. Kagawasan. Nakapaglan sa crime-scene ang 2 ka slug sa bala sa .45.

Ang mga kapolisan milusad og hot-pursuit operation apan negatibo ang resulta niini. Hinuon, padayon pa nilang gi-imbestiga aron mailhan ug madakpan ang namusil kang Caunsag. DM

Pilar nagpasiugda ug Bio-Intesive Vegetable Farming
Ni: Lando Aparece
Hunyo 1, 2008

PILAR - Ang lokal nga kagamhanan ubos sa mabungahon nga pagdumala ni Hal. Mayor Wilson Pajo ug Bise-mayor Rodulfo Espuelas nagpasiugda og bio intensive vegetable farming sa tanang kabarangayan tibuok lungsod.

Gihimong sukaranan niini ang Pilar Dam Productivity improvement through Land Care Agricultural Resources and Management.

Nangamahan sa maong programa sila si Manicipal Planning and Development Coordinator (MPDC) Joseph Anania ug Si Mr. Rojo Balani.

Gipahimutang kini ubos sa superbisyon ni Municipal Agriculture Office (MAO) Mrs. Carmen Cubrado.

Ang pamaagi nga matag pamilya giyahan kini sa usa ka Barangay Farmer Technician (BaFTech).

Magpili sila og mga opisyales sa grupo, unya ang tibook Barangay magpili usab ug mga punoan nga presidente, bese presidente, kalihim, tesorero, awditor ug uban pa.

Ang Barangay Farmer Technician (BAFTECH) maoy motudlo sa mga mag-uuma gikan sa pag-andam sa yuta nga katamnan tukmang paggalam sa mga tanom nga paggamit sa organic nga abono ug mga kemikal nga pamatay-dangan.

Kini sila gibansay sa ubos sa panagtambayayong sa DA-LGU ug sa Land Care Foundation of the Philippines (LCFP) Magdawat sila ug honorarium gikan sa lungsod ug tugbangan kini sa panudlanan sa Barangay.

Kining maong proyekto suportado sa Provincial Agricultural Office (PAO). Ang maong buhatan mosuplay ug mga liso sama sa giant eggplants, kalabasa upo, ampalaya, okra, batong ug sili.

Mohimo kini ug subsub nga mga seminars nga kompleto sa mga resource speakers kalabot sa pagpahimsog sa mga tanaman.

Gilauman nga kining nahisgotan programa motunhay. Dako ang pagsalig sa katawhan sa katakus sa municipal Agriculture Officer gani si Mrs. Carmen Cubrado nahimong regional Winner kaniadtong mga tuig 2006 ug 2007 sa Search for Outstanding Government Employee nga gilusad sa GSIS.

National Winner usab siya sa Search for Achievers in Public Service. Kini maoy dili malalis nga testamento sa iyang binuotan ug maukobon nga pangalagad sa lungsod.

09183412164

NEVER be kissed by NURSES coz they will inject pain. Never be kissed by ACCOUNTANTS coz they will increase your credit. Always be kissed by ENGINEERS coz they know the best angle and position! - by Gege of Jagna

ANG PLDT ang gumawa ng TELE-tipid at TELE-zulit…Sila rin kaya ang gumawa ng TELE-tubbies?
Kasi diba
P – Poo
L – Lala
D – Dipzy
T – Tinky Winky?
Di ba may point ako?

READ ALL

READ ALL

Hi JBBN wnted q txm8 k ng makatx nangumztah pod ko s gameboyz: Jerome, Roli, Jef, Jose, JM, Tanok & Julian. 09077538852

Gd am puide mg wated k og frnd kanang gerl 30 pataas tg Carmen Bohol ko. 09077627281

READ ALL

STAFF BOX

Ritsutaka "Papa Jappil" Masuda - Owner
Delia Masuda - Publisher
Rey Dalay - Editor-in-Chief
Edward Guyano - Chief Reporter
Helios Pusta - Layout Artist/Writer
Dennis Medilo - Layout ArtistWeb Designer Jeffrey Bellita - Printing-Press Operator

CORRESPONDENTS
Boy Luzon - Loon
Lando Aparece - Sierra-Bullones
Y-Not Deloso - Anda
Admi Valmores - Talibon
Jingle Tripoli - Tubigon

CONTRIBUTORS
Rey Anthony Chiu - PIA
Gregorio Tavera - Jagna LGU
Fiel Angelie Gabin - Tagbilaran City LGU
Nestor Daarol
Bruce Zabala - PGMA

COLUMNISTS
Rey Dalay - Editorial
Edward Guyano - Kay Ngano Kaha? (K na K)
Rey Anthony Chiu - Kon Ako'y Pangutan-on
Lando Aparece - Komentaryo
Jingle Tripoli - Lihok Kabataan
Priscilla Richards - East Meets West
Y-Not Deloso - Nganong Dili?
Tor Telin - In My Opinion
Rammel Cagulada - Coop Pesos
Admi Valmores - Igo Na
Carmen Caga - Yayay!

MARKETING / ADVERTISING
Y-Not Deloso
Edward Guyano
Roger Sarausa
Frank Iyog
Nestor Daarol