|
LOKAL
BALITA (SIERRA-BULLONES)
6.5 Milyones alang sa mga irigasyon
sa barangay
Ni: Lando Aparece
Enero 18, 2009
 |
|
Sa hulagway si Mr. Conde Balaba,
tsirman sa Lumanoy Irrigators Association uban ni Engr.
Elmer Magalana, OIC sa maong proyekto. Nag-inspeksyon sila
sa mga kanal sa irigasyon. (Photo: Luz Espina) |
|
SIERRA-BULLONES - Ang laing yugto
sa paningkamot ni Mayor Dodie Maestrado, Jr., gigantihan sa dihang ang
kagamhanan nasyonal migahin sa kinatibuk-ang kantidad nga P6.5 milyones alang sa
proyekto irigasyon sa upat ka mga barangay dinhi sa lungsod sa Sierra Bullones.
Milusot kining maong pondo tungod
usab sa makanunayon nga pag-abag ni Congressman Adam Jala sa tersero distrito.
Sa naghinapos nga mga buwan sa tuig
2008 ang Bureau of Soils and Water Management (BSWM) mipahat sa inisyal nga
salaping P385 mil aron pagtukod ug dam sa sapa sa Lumanoy nga nahimutang sa
sityo Danao, Abachanan.
Karong bag-o pa lang ang
nahisgotang buhatan midugang pagtunol ug P1.5 milyones aron pag-istalar ug
sementadong mga kanal sa tubig.
Gibanabana nga mokabat sa usa ka
gatos ka ektarya sa kabasakan ang makapahimulos niini.
Ang National Irrigation
Administration (NIA) migahin ug P4,628,000 alang sa pagtukod usob ug irigasyon
sa laing titulo ka barangay sa Lataban, Villa Garcia ug Santa Cruz.
Mas dako ang wanang sa kaumahan nga
mapatubigan sa maong on-going nga mga proyekto.
Sa pakighinabi ning tagsulat kang
Mayor Dodie Maestrado didto mismo sa iyang buhatan nasayran nga sa tuig 2010
makompleto na ang siyam ka tuig niyang pangatungdanan.
Matod pa sa Mayor dako ang iyang
paglaum nga sa dili pa mapupos ang iyang termino matuman ang tanang prayoridad
nga gilatid subay sa development agenda sa iyang administrasyon.
Santa Claus miduaw sa Sierra-Bullones
Desyembre 21, 2008
|
 |
|
Ang Santa Claus sa Sierra-Bullones. Pinakadako ug pinakataas
kini sa tibuok lalawigan sa Bohol. Adunay gihabogon nga 25
ka tiil. (Photo: Luz Espina) |
|
SIERRA-BULLONES – Gikan sa halayong
panaw tuyok sa kalibutan nahiabot dinhe sa lungsod si Santa Claus.
Hinoon matag Desyembre iya kining
gidumdom.
Siya mitultol sa naandang pwesto sa
may junction sa kalsada nasyonal ug sa dalan probinsyal paingon sa lungsod sa
Jagna.
Dinhe tuyhad siyang nagbarug apupa
sa mga mata sa katawhan nga daw nagbandilyo sa malipayong mensahe sa Pasko.
Sa pagkatawo sa Mesiyas ang pagduaw
ni Santa Claus sa mga pinuy anan gikahinaman kaayo sa kalibutang Kristohanon.
Mga kabus ug timawang banay ug mga
kabataan nangaliya sa iyang pagbutho nga nagsapnay sa daghang mga gasa pamasko.
Dakung gimbuhaton ni Santa Claus
ang pagpang apod apod ug mga pinaskohan.
Tiaw bay tibuok kalibutan.
Maayo tingali nga ato siyang
tabangan. Mag Santa Claus sab ta! Atong sugyot ngadto sa mga DPT (Datu Pero
Tihik) pag Santa Claus mo uy!
Bahini intawon bisan ginagmay lang
sa inyong bahandi ang mga kabus basin kini makabangal sa ilang kawad on.
Kamong mga self centered, sobra ug
belib sa kaugalingon, naa ra ug dayed mismo sa pagkatawo, pag Santa Claus mo uy!
Lugaki ra ug diyutay ang inyong
presyo, di ba mobati ka lagi ug kahayahay sa tanlag ug panghunahuna.
Kadtong mga libakera, himantayon ug
kusog manghimaraot sa isigkatawo, hala pag Santa Claus sab mo uy!
Disiplinaha ang inyong mga dila
aron makatagamtam kita sa matuod nga diwa sa kalinaw ug panagdait.
Mga maninoy ug maninay andami ug
pinaskohan ang inyong mga kinugos sa bunyag ug mga linubdan sa kasal.
Ayaw tawon mo pag-TNT (tago nang
tago) He, he, he! Malipayong Pasko ug Bulahang Bag-ong Tuig!
Jerome Sala miapil
sa motocross
Ni: Edward Guyano
Desyembre 14, 2008
|
 |
|
Si Jerome Sala uban ni Inday Cristalla sa 103.9 DYDL atol sa
gipahigayon nga Motor cross didto sa lungsod sa Sierra
Bullones atol usab sa ilang kapistahan. (Photo: Edward
Guyano) |
|
SIERRA-BULLONES - Usa sa mga
highlights sa kapistahan ning lungsod mao ang gipahigayon nga Motor cross
kaniadtong pitsa 8 didto sa Barangay Poblacion.
Ang kanhi kampeyon sa Star in a
Million nga mao si Jerome Sala usa sa mga miapil sa tigi sa mga motorsiklo.
Si Jerome nga nahinabi ning
tigbalita uban usab sa banggiitang disk jokey sa 103.9 DYDL-FM sa lungsod sa
Carmen nga mao si Inday Cristalla nagkanayon nga gawas sa iyang talento sa
pag-awit mahilig usab siya sa motor racing.
‘Lingaw lang ang akong gusto gawas
nga mahilig ako sa sports dili usab kini piligro’, ni Jerome pa nga madasigon
kaayo nga mitubag sa among pag-interview.
Usa usab sa iyang tuyo ang
paglingaw sa katawhan nga nagsaulog sa pista ilabina sa tanang taga Sierra
Bullones.
Si Jerome nga nakuhaan ug mga
hulagway sa JBBN kompleto sa mga kahimanan alang sa lumba ug dili mailhan sa mga
tawo tungod sa iyang gisuot nga helmet.
Usa usab ka kagawad sa maong
barangay nga nahinabi sa JBBN ug sa 103.9 DYDL Fm nga mao si Kagawad Lucas
Castro mibutyag nga mokapin sa 50 ka mga partisipante sa maong lumba sa
motorsiklo ang miapil nga nagagikan sa Probinsya sa Sugbo, Dumaguete ug usab sa
lalawigan sa Bohol.
Dugang pa sa kagawad nga makatulo
na kahigayon nga ang ilang lungsod mipasiugda ug ingon niadto nga kalihukan apan
kini karon nga tuiga mao ang pinakadaghan ang misalmot ug pinakadaghan usab ang
mga tawo nga mitan-aw.
Way
limitasyon ang kalamboan
Ni: Lando
Aparece
Desyembre 7, 2008
|
 |
|
Sa hulagway si Mayor Dodie Maestrado, Jr., nga midalit og
paniudto sa mga bisita gikan sa World Bank ug sa mga
empleyado sa LGU. (Photo: Luz Espina) |
|
SIERRA-BULLONES –
Ang pag-uswag sa lungsod maingon nga way kinutuban.
Mahimo nga hinay ug
langan ang pagdis-og.
Mahimo usab nga
kini tulin daw makig-ambas sa hayon sa mga gutlo.
Depende kini sa
inisyatibo, panglantaw ug paningkamot sa namunoan.
Ang lungsod sa Sierra-Bullones nakatagamtam sa paspas nga
paglambo gumikan sa way puas nga paningkamot ni Mayor Dodie
Maestrado, Jr.
Mikatap sa
kaba-rangayan ang nagkadaiyang proyekto nga miabag pagpalambo sa
kinabuhing sosyal ug ekonomikanhon.
Nahidugang sa
hataas nga talaan sa mga proyekto mao ang programa sa
Diversified Farm Income and Market Development Project (DFIMDP).
Gilusad kini sa
Departamento sa Agrikultura nga gisabak sa suporta pinansyal
gikan sa World Bank ug sa lokal nga kagamhanan.
Kaniadtong
Myerkules petsa 3 ning bulana mga opisyales sa World Bank
mibisita dinhe sa lungsod pagsusi sa renobasyon sa unom ka mga
block tienda sa merkado publiko.
Ingon man gihimo
usab ang pagsentido sa World Bank ug sa Local Government Unit
ang dugang ayuda mga mokabat og P1.5 milyon.
Ang team sa
nahisgutang opisyales naglangkob nila Ms. Victoria Lazaro,
Social Safeguard Specialist; Mr. Jonas Bautista, Environmental
Specialist; Mr. Roy Abaya, OIC Director of Field Operation
Service sa DA; Mila Corpuz, DFIMDP Focal Person Region VII;
Ester Simbajon, Project Development Officer Central Office.
Kining programa sa
DFIMDP maoy moawhag sa mag-uuma pag-ugmad sa nagkadaiyang matang
sa kalihukan.
Dili lamang isentro
ang ilang kahago tumong sa produksyon sa humay ug mais.
Kinahanglan nga ugmaron usab ang pagpamuhi og hayopan, pananom
og utanon, lamas, kamote, balanghoy, saging, ube, gabi ug ubang
mga lagutmon.
Niining paagiha
giki-nahanglan gayod ang kakugi. Ang resulta unya mao ang
pag-abunda sa produksyon ug nunot niini mao ang pagsaka sa
kitaon sa mag-uumang banay.
Sierra-Bullones
nangandam sa kapistahan
Ni: Lando Aparece
Nobyembre 23, 2008
SIERRA-BULLONES - Ang Simbahang
Katoliko ug ang lokal nga kagamhanan nagtambayayong sa mainiton nga pagpangandam
alang sa tinuig na pagsaulog sa pangilin pahinungod sa Santos nga Deboto Our
Lady of the Immaculate Conception karong Disyembre 7-8, 2008.
Ang tanang kalihukan ubos sa
superbisyon sa Executive Committee nga gilangkuban nila ni Reverendo Padre
Alberto Makinano, Jr., Mayor Dodie Maestrado, Jr., Bise-Mayor Alfredo Gamalo ug
Mr. Susiso Salas, Sr.
Gihan-ay na ang mga ginabii nga
kalihukan inigsugod sa nobenaryo karong Nobyembre 29, 2008 diin ang LGU maoy
unang molingaw sa publiko.
Sa Nobyembre 30 ang sponsor mao ang
business sector ubos sa pagdumala ni Gloria Reyes, Lydia Bojo ug Ireneo Daguplo.
Disyembre 1, ilang gabii sa mga
kapitanes c/o ABC President Leo Bongato ug sa Disyembre 2 maoy mopasundayag ang
Alturas Group of Companies.
Petsa 3 ang Dusita High School ubos
sa pagdumala ni Mr. Felix Galacion, Jr., Principal.
Sa Disyembre 4 higayon kini sa
DepEd Elementary School c/o coordinating Principal Juana P. Ismael.
Mosunod niini ang Sierra Bullones
National High School sa petsa 5 c/o Dr. Ambrosio Fuerzas, Prinicipal, dayon ang
kalingawan nga ila sa Parish Pastoral Council ubos sa pagdumala ni Mr. Susiso
Salas, Sr.
Bisperas sa kapistahan, alas 8:00
sa gabii ang katawhan giawhag pagsud-ong sa usa ka makapahimulong nga fireworks
display didto sa Central School Plaza.
Dalit kini ni Congressman Adam Relson Jala sa tersero distrito. Dayon mosunod
ang grand finals sa Sing Along contest nga gipasiugdahan sa Poblacion Barangay
Council c/o Kapitan Tomas Buslon.
Lunes, Disyembre 8, alas 9:30 sa
buntag pagahimoon ang Pontifical Mass didto sa Our Lady of the Immaculate
Conception Parish Church.
Ug ang Presider si Most Reverend
Christian Vicente F. Noel uban sa mga bisitang kaparian.
Ala una sa sayong kahaponon
ipasundayag ang field demonstration sa mga estudyante sa high school ug
elementary ug ang motocross.
Adunay one-day league sa basketball
nga naghambin ug daghang ganti alang sa mga mananaug.
Mga sertipikadong binhi ipang-apod-apod
Ni: Lando Aparece
Nobyembre 16, 2008
|
 |
|
Sa hulagway si Rice Technician Tony
Timogan; Rodrigo Pacomios, Municipal Agriculture Officer, ug ang
tagsulat. Sa luyo ang sinakong mga sertipikadong binhi sa humay. (Photo:
Luz Espina) |
|
SIERRA-BULLONES - Bug-os ang tinguha sa administrasyon ni Halangdong Mayor
Dodie C. Maestrado, Jr., tumong sa pagpaabunda sa produksyon sa humay dinhi sa
lungsod.
Gani, bisan og bag-o palang ang pagpangani sa panuig ang lokal nga bu-hatan
sa Agrikultura libang na usab pagsanong sa mga katuyoan sa mga mag-uuma kabahin
sa binhi.
Kaniadtong ting-ani nakatagamtam ang mga mag-uuma ug buhong nga abot sa yuta.
Gumikan kini sa ayon nga tempo ug sa malampusong pag-implementar sa binag-ong
teknolohiya sa panguma.
Ang organic farming mao nay gisuon sa mga nagtikad sa yuta diin naghatod kini
og maayong resulta.
Pagkakaron ang depar-tamento sa agrikultura sa lungsod nang-apod-apod na sa
libreng binhi sa inbrid nga RC-18.
Kining matang sa binhi hingpit nga gi-subsidized sa kagamhanan nasyonal ug
ipanghatag adto lamang sa mga kooperatiba ug kapunongan sa mga mag-uuma.
Samtang ang Bohol Seeds Assistance Program (BSAP) naglusad ug pautang nga
binhi sa hybrid nga Mestizo 1, Mestizo 3, ug Mistizo 7 ngadto sa mga kapunongan
sa mag-uuma sa kantidad nga P2000 matag sako.
Ang bayad niini adto ra sa ting-ani ug ang kantidad adto ihatag sa ilahang
kooperatiba.
Sila ra usab ang maka-benepisyo sa maong salapi. Samtang ang Bohol Fertilizer
Assistance Program (BFAP) nagpasiugda usab og programa sa pautang sa abono
ngadto sa mga mag-uuma.
Kini makahatag ug kasayon sa kalihokan ug ingon man makapawagtang sa labad sa
alimpatakan sa mga tawong ulipon sa yuta.
Kining mga programa suportado sa kagamhanan probinsyal ubos sa
admi-nistrasyon ni Gobernador Erico B. Aumentado.
Mga opisyales sa BAPR nanumpa sa katungdanan
Ni: Lando Aparece
Nobyembre 16, 2008
|
 |
|
Mga opisyales sa BAPR nga nanumpa
sa ilang katungdanan atubangan ni Hal. Mayor Simplicio C. Maestrado, Jr.
(Photo: Luz Espina) |
|
SIERRA-BULLONES - Atol sa regular nga sesyon sa Sangguniang Bayan kaniadtong
Myerkoles, Nobyembre 12, ang mga opisyales dinhi sa Bohol Association of
Professional Referees Sierra Bullones Chapter nanumpa sa katungdanan.
Nanumpa sa atubangan ni Mayor Simplicio C. Maestrado, Jr., mao sila Arvin Jabay,
pangulo; Reynaldo Duran, puli pangulo; Romnick Hobio, Kalihim; Romeo Luayon,
mamahandi; Hermie Lacgos, Tigsusupi ug Basketball komisyoner Jun Fullido,
Adviser.
Apil nga nanumpa isip miyembro sa kapunongan sila si Nelson Elijorde, Venancio
Quita, Nicanor Baja, Jr., Alberto Casing, Armando Pajo, Carlito Tacgos,
Christian Pagaran ug Bert Micutuan.
Kining pundok sa mga referee nagtinguha nga mapalapdan ang ilang mga katakos
kabahin sa mga bag-ong balaod sa basketball aron sila makahatag og tukma ingon
man limpyo nga desisyon sa duwa.
Mao man gani nga sa miaging buwan sa Mayo adunay seminar-workshop dinhi sa
basketball nga gipasiugdahan sa mga komisyoner sa BAPR Tagbilaran City nga sila
si Cesar Pelaez, Leonardo Visarra ug Dennis Seloterio.
Dugang katuyoan sa grupo mao ang pagsitol sa mga imbitado nga mga referee gikan
sa ubang dapit nga magpatuyang pagpangayo og dakong suhol sa mga torneyo sa
basketball nga pasiugdahan sa lungsod.
Mga Presidente sa Womens nagtigum
Ni: Lando Aparece
Nobyembre 9, 2008
SIERRA-BULLONES - Kaniadtong adlawng
Myerkoles ang mga presidente sa Womens Association tibuok lungsod sa
Sierra-Bullones nagtigum ug naghisgot sa mga gimbuhaton alang sa katilingban.
Adunay unom ka mahinung-danong
katuyuan ang gitumbok sa diskusyon.
Si Evangeline J. Buslon ang pangulo sa womens federation nag-preside sa
nahisgotang miting.
Siya mibatbat sa mga proyekto sa
barangay kabahin sa corn production, flower production, cosmetology, cleanliness
and beautification, garbage disposal, ug Christmas program.
Ang DSWD district officer III Ladz
Panilag kinsa miabag sa kalihukan sa mga kababayen-an dinhe mipadayag sa iyang
pagdayeg sa kapunongan tungosd sa mainiton nga pagtubag sa matag higayon nga
kini gikinahanglan, sa makadaghang higayon ang sector sa kababayen-an mimatuod
sa pagsanong tungod sa kawsa sa pag-uswag.
Ang mga opisyales sa Womens Federation
sila si Evangeline J. Buslon pangulo; Josiphine Blawis, puli-pangulo; Carmelita
Cadiz, kalihim; Martha Perocho, Mamahandi; Felisa Galamiton ug Florida Huiso,
mga tigsusipi; Rica Tiongco ug Julita Café, mga press relations officers.
Ubang mga sakop sa pederasyon sila si
Miguelita Colipano, Jovy Castro, Ana Anita Munoz, Trinidad Curimatmat, Vilma
Abraw, Cristilita Galve, Zosima Halina, Carmilita Cadiz, Corazon Aceron,
Cicellia Lloren, Elvira Jamisola, Terecita Balaba, ug Gemma Duyogan.
Kahasol pinansyal, makaapikto sa produksyon - Congressman Jala
Ni: Lando Aparece
Nobyembre 2, 2008
SIERRA-BULLONES - Matud pa ni
congressman Adam Relson Jala nga sa panahon sa iyang pag-iskuyla usa sa mga
rekisitos sa ilang tulunghaan mao ang pagpuyo tipon sa mga mag-uuma tuyo niini
ang pagsuheto kabahin sa mga suliran ug pagsugyot unsay maayong sulosyon sa mga
gumonhap nga nahamok sa mag-uumang banay.
Iyang nasuta nga kining kapobrehon ug
kakulangon sa salapi maoy nag-unang problema sa mga nagtikad sa yuta.
Kay unsa may ilang gamiton sa pagamit
ug mga abono, pamatay-dangan (pesticides) ug ubang mga kasangkapan sa pang-uma?
Bisan gani sa suholan pagdaro o kaha
abang sa traktor ug turtle aron pag-andan sa yuta dako man ang kantidad ang
gikinahanglan.
Ang lungtad niini gamay da usab nga
parte sa umahan ang maugmad ug tungod kay kulang man sa gikinahanglan patambok
sa yuta hayan halhag ug niwang ang mga tanom.
Resulta, minus ang abot sa ting-ani.
Dinhe mihimo ug tukmang solusyon si Cong. Jala Uban kang Mayor Dodie Maestrado
Jr., sila naghangyo kang Secretaryo Arthur Yap ug mga ayuda gikan sa kagamhanan
nasyonal.
Kaluoy sa kahitas-an
daghang libreng abono ang midangat dinhe sa lungsod. Ang dakong pahat didto
ihatag tulo ka higayon sa Barangay Canlangit gumikan kay atua ang labing dako
nga bahin sa demo farm sa programang Modified Rapid Composting (MRC)
Ang sangang ahensya sa Department of
Agriculture nagtambayayong pagpahigayon sa haom nga kalihukan.
Mga Technician gikan sa mga buhatan sa
Provincial Agriculture Office (PAO), Bohol Agriculture Promotion Center (BAPC),
Bureu of Soil Management (BSWM), Bohol Poverty Reduction Management Office ug
ang lokal nga buhatan sa DA naghimo ug sub-sob nga mga seminar workshop aron
masigoro ang abundang pruduksyon.
Sa testimonya sa duha ka
farmer-cooperators nga sila si Claudio Taer ug Condrado Aceron ang ilang abot sa
pag-ani karon mokabat ug 178 ka sako matag ektarya.
Si Cong. Jala mao ang pinasidunggang
dinapit atol sa gipahigayon nga programang Agri- kalikasan Project, Balik Pataba
sa Bukiran nga gisabak sa MRC kaniadtong Oktubre 24, 2008 sa purok Uno barangay
Canlangit.
Ubang mamumulong sila si Mayor Dodie
Maestrado, Jr., SB Member Margarita Unajan ug Osmundo Rebusora, Jr., MAO Rodrigo
G. Pacomios, Engineer Eugine Cahiles sa BAPC ug Mam Mercedes Bebs Fernando sa
BSWM
Unom ka mga kapitanis sa silingang
kabarangayan giabi-abi ni Kapitan Nilo Blawis ug sa iyang konseho. Sila si ABC
President Leo Bongato, Vice President Edgardo Galve, Amadeo Perocho, Jr.,
Rogelio Cadenas, Rex Aceron ug Amadeo Engbino.
Ang nagsuperbar sa kalihukan sa
mag-uuma si Barangay kagawad Leopoldo Lacre, Jr. maoy tsirman sa Committee on
Agriculture.
Emcee sa
Programa si Rice Technician Tony Timogan.
126 ka secondary high schools misalmot sa STEP division competition
Ni: Lando Aparece
Oktobre 19, 2008
SIERRA-BULLONES - Karong tuiga ang Sierra-Bullones National High School maoy
host sa 8th Student Technologist ang Entrepreneurship of the Philippines
Divisions Skills Development and Competition (STEP-DSDC) nga gipahigayon gikan
sa Oktubre 14 hangtod sa petsa 16.
Ang maong competition nagpakayab sa tema “A Step Higher, Ugrading Skills,
Improving Lives”.
Ang tulo ka adlawng competition pormal nga gibuksan ni Mam Tarcisia M. Quilaton,
Division English Supervisor kaniadtong Martes alas dos sa sayong kahaponon.
Si Quilaton opisyal nga tinugyanan ni Division Superintendent Dr. Elpidio M.
Jala, Ph.D. kinsa wala makatambong sa opening program kay didto sa Manila
niadtong higayona.
Atol sa programa mitunol og mensahe si Dr. Bernardo C. Buñol ang Division STEP
coordinator, Marcela Bautista, Division STEP President, Dr. Ambrosio M. Fuerzas,
Principal SBNHS, SB Member Margarita Unajan, ug si Board Member Josil Trabajo sa
tersero distrito.
Nasayran sa JBBN gikan ni Mr. Felix Galacio, Jr., principal sa Dusita High
School nga adunay 126 ka tulunghaang pampubliko ang misalmot sa competition.
Mikabat usab og 610 ka mga piniling estudyante ang narehistro nga nagrepresentar
sa tulo ka Education Service Areas (ESA) tibuok lalawigan sa Bohol.
Ang 610 ka competitors nagtigi sa ilang mga katakus kabahin sa Apron Classy
Design, Table setting for Debut Service, Cake Decorating, Dish Gardening,
Project Proposal for Animal Production, Furniture and Study Making, Flower Pot
Stand Making, Stereo-Amplifier tone control and microphone mixer, Electronic
poster making, Computer assembly, Curtain making for air conditioned room, Fruit
and Vegetable carving, Net Weaving, Fertilizer computation, Stool making
auto-body painting, parliamentary procedure ug daghan pa.
Lima ka mga competition centers ang gitultol sa mga partisipante.
Kini mao ang SBNHS, TESDA, Building lungsod sa Pilar, Batuan High School, Sierra
Bullones Central School ug ang Public Emporium.
Miyerkules sa gabii gipahigayon ang Search for Mr. and Miss STEP 2008.
Nagsugwak ang gidaghanon sa katawhan nga misaksi sa pasundayag didto sa public
emporium.
Makalingaw kaayo ang mga production numbers nga gitagik sa mga choreographers.
Ang mga contestants gihukman basi sa kaambong ug kaanyag, sa panapot, sa kait-on
pagtubag sa mga pangutana ug sa ilang bayhon sa pagrampa didto sa bantawan.
Human sa makuti nga pagtutimbang ang board of judges nagkahiusa sa ilang
pagyango, pagpadaug kang Ken Jonathan Aton sa Hingotanan Highschool, Bien Unido
ug Manami Liezel Sobradas, Calape Highschool isip Mr. and Miss Step 2008.
Huwebes 1:30 sa hapon gipahigayon ang awarding ceremony sa tanang mananaog sa
tulo ka adlawng competition.
Ang Local Government Unit ning lungsod pinangulohan ni Mayor Dodie Maestrado,
Jr., ug katawhan mipasupot sa pasalamat ngadto sa mga okupante sa Division
Office pinangulohan ni Dr. Elpidio M. Jala tungod sa dalaygon nga pagmugna sa
STEP Competition sa DepEd diin nakahatag kini og daghang kaalam sa mga
estudyante nga magamit pag-abag sa panginabuhi.
Mga pasalamat usab ipadangat ngadto sa SBNHS ug sa Dusita High School Families
pinangulohan nila ni Dr. Ambrosio N. Fuerzas ug Felix Galacio, Jr., sa inyong
mainiton nga pag-amuma sa tanang partisipante sa kalihokan.
Mga host sa programa Ms. Salome D. Jaso, Mr. Verbo G. Tuyogon, Ms. Stella G.
Baja ug Mr. Victor L. Montecillo.
Brand-new police
patrol car niabot
Ni: Lando Aparece
Oktobre 19, 2008
SIERRA-BULLONES - Nahidangat dinhe
sa lungsod kaniadtong Miyerkoles petsa 15 ning buwan sa Oktubre 2008 nga wala na
moagi pa sa Regional office ang usa ka bag-ong Toyota hilux double cab patrol
car alang sa pwersa sa kapolisan.
Gumikan kini sa way puas nga
panglimbasog ni Halangdong Mayor Simplicio C. Maestrado Jr.
Matod pa ni Senior Police Inspector
Rufino Balili gipakoyog siya sa Mayor ngadto sa Manila aron pagpirma sa mga
dokumento alang sa pormal nga pag-release sa maong behikulo didto sa Camp Crame.
Kahimumduman nga ang pagpalusot
ning nahisugutang sakyanan tungod sa tabang ug pagpahigayon ni Heneral Avelino
Razon kanhi hepe sa Philippine National Police nga bag-o pa lamang miritiro sa
katungdanan.
Dako kaayo ang kapuslanan niining
maong behikulo alang sa pagmentenar sa kalinaw ug kahusay sa lungsod.
Ang kapolisan dinhe makahimo na
dayon ug dinaliang pagresponde kabahin sa pagpakgang sa mga kalihukan niadtong
mga dautang elemento sa katilingban ilabina na sa panahon sa kagabhion.
LGU nagpasiugda og seminar-workshop sa foot reflexology
Ni: Lando Aparece
Oktobre 12, 2008
SIERRA-BULLONES - Ubos sa pagtugot ni halangdong Mayor Simplicio C. Maestrado
Jr. ang Local Government Unit ning lungsod nagpahigayon og duha ka adlawng
seminar-workshop sa foot reflexology kaniadtong Oktobre 2-3 ning tuiga didto sa
SB Session Hall.
Kining pagbansay-bansay gitumbok alang sa usa ka natural ug walay tambal
(narkotiko) nga pamaagi sa pag-ayo nga mopukaw sa mga parte sulod sa ginhawaan
(internal organ) ug mopausbaw sa sirkulasyon sa dugo aron pagpahiuli sa
kalihukan sa lawas ngadto sa normalidad.
Usa kini ka pagtuon sa mga puntos (points) sa tiil nga may tugbang ngadto sa
tanang parte sa lawas.
Ang paghinol niining mga puntos makapaluag sa tensyon ug makatabang sa lawas
pagkaplag sa iyang kaugalingong balansi.
Mao kini ang paagi sa panambal diin ang mga puntos sa tiil imasahe (massage)
sa sistema nga magdala og epekto sa mga bahin sa lawas nga layo ra sa tiil.
Kining maong kalihokan makahatag og dugang income sa mga mulupyo kon sila
makabaton na og kahanas sa maong matang sa pagpanambal.
Ang mga trainor sa duha ka adlawng seminar-workshop sila si Ladz Panilag
(DSWD District Officer), Jun Lacre (Brgy. Kagawad sa Canlangit), Delia Butron,
Zareth Tagud, ug Adela Dalagan.
Ubos kini sa superbisyon ni SB Member Margarita Unajan, ang Chairwoman sa
Committee on Women.
|
Matag Lunes
BOHECO
I
BOHECO
II
Send
us a message via
Hai
JBBN, gud eve! Wanted q txtm8 nga grl 15-19 yrs of age! Kanang wafa or cute kay
wafo mn pd q maesuroy og mall. Am im JR frm Balilihan, invte lng pd q Lavaras_jr@
yahoo.cm. 09204142204 (Posted: January 18, 2009)
Hai
gudnun poh wnted txtm8 qoh veh kanang boy 16-19 yrs old. Kanang buotan xempre,
jeje, pwde rn poh mgpa wnted Frndster. Wnted Frndstr qoh Jonalyn_1620@yahoo.com,
tnx a lot more power. JBBN. 09075851082 (Posted: January 18, 2008)
Elow
JBBN. Im looking 4 a boy txtm8 16-18 yrz of age. U can also ad meh as friend!
Zteih_Cas30@ yahoo.com. Im Stela! Tnx. 09285462072 (Posted: December 28, 2009)
Hi
JBBN gudmwnin gret q s mga pnsan q n Catagbacan Handig na cla Cathy, Loloy,
Badag. Ug pwdi henge ng friends s Frindster q e2 pwd pkead. Tanx and more power
2 u. Ritchel_Celada@yahoo.com.ph (Posted: December 28, 2008)
Ei.
JBBN. Wntd txm8 lng. Im Smantha Shane. Knang mhtg og load. Jeje. Smart user lng.
Cutieshane16@yahoo.com. 09072777773. (Posted: December 21, 2008)
Good
day! 2 everyone. I would to extend my gratitude to all staff of JBBN for making
me pleasure while reading their column. I am much inform about the event today
including latest issue as well as in showbuiz. For me you’re the best among the
rest. Keep it up! Add me up mga friends. Thank u so much. Elvirgen_ Cantiveros
@yahoo.com
A
pleasant mrning 2 ol d staff of JBBN. I’m Leah of Bohol, luking 4 a guy txtm8
16yrs & above ung my sense of humor, and add u din po aq sa FS q
Lovelyrecca@yahoo.com. Tnx & more power. (Posted: November 23, 2008)
Hi!
JBBN. Gr8 lng q xa aqng mga frndz xa UB-Loon, especially 2 d 3rd yr Amethyst!
Guys, good job. Nya add xd q nnu. Cutiezai_MheL93@ yahoo.com. (Posted:
November 16, 2008)