|
OPINYON (YAYAY)
YAYAY !
Ni:
Carmen Caga
Dugang Bonus,
Dugang Unos
Desyembre
14, 2008
HAYAHAY ang mga kawani
sa gobyerno kay naay dugang Bonus sige lang injo pa ron sa sunod
injo gihapon …Ha ha..ha…
Bitaw aning higayona,
dunay bation ug kahayahay, duna poy bation ug yayay! Baya, mao
na ning kinabuhi, sano.
Ang ato lang,
maningkamot ta aron matigayon ning kinabuhi-a. Labina kay
Krismas sison karon, angay nga magsadya ta, ingon man, makig
angay-angay-angay.
Unya, ang problema,
sulbaron, dili lalison; dili na magtinudloay. Kon unsang ahensya
ang hingtungdan, pahinumduman, tambagan ug tabangan.
Dunay miingon nga unta
to, ang kada balay dinhe sa ato, kinahanglan dunay kaugalingong
“septic tank” aron dili na maproblemahan ang katawhan sa siyudad
sa unsay mogawas sa “drainage.”
Maaayo kaha ni? Dili
kaha ta bation ug yayay? Ambot lang! Bitaw, balik ta ug hisgot
sa Pasko.
Wala pa gani moabot
ang maong adlaw, labihan nang buto-buto. Makabungol. Basin
pag-abot sa mismong adlaw sa pasko, dili na ta bation og kalipay
ug kasadya, sumhan na ta.
Bisan pa ning tanan,
kini nga lindog ug ang JBBN nanghinaot sa tanang bumabasa, sa
usa ka Malipayong Pasko ug Mauswagaong Bag-ong tuig 2009!
Setyembre 14, 2008
Layo pa ang 2010 apan
labihang tunuga na ang kisaw sa politika. Kadtong buot mosalga niining matanga
sa gimbuhaton kinahanglang lig-on og balatian kon dili gustong makatilaw og
yayay!
Tinuod ni, uy. Tiaw
bay mogasto ka man gyod: kwarta, panahon, paningkamot ug kinabuhi.
Sa laktod, daghan ka’g
isugal. Duna koy suod nga higala, diin mikandidato iyang bana pagka-congressman.
Dili na lang nato
hinganlan og diing dapita. Sa iyang asoy, miingon siya nga daghan ang mipabati
ug mipakita og suporta sa kandidatora ni Mr. Congressman-to-be!
Nindot, dili yayay.
Matod pa, sulod-gawas ang mga tawo sa ila. Kaon diri-kaon didto, kuwarta
diri-kuwarta didto, diskurso diri-diskurso didto, etc.!
Human sa eleksyon,
pilde si Mr. Kandidato. Nayayay! Na-ut-ot ang bulsa…napuhok ang dakong
negosyo…nasira ang tindahan… nakapangutang pa og dako.
Abi nila og kadtong
mga tawo nga nangadto sa ila, ilaha gayong lumalaban…Ay, bu-ing, dili man diay!
Nahugno intawon ang
maayong damgo sa magtiayon alang sa ilang mga anak.
Karon simple living na lang… maayo pa kuno ang ingon ani kay dili yayay.
Mao lagi na, kay walay
apat nga mag-una, pirme gyod ulahi! Alang niadtong naghunahuna nga mokandidato,
think twice before it will be sooooolit aron dili ma-yayay!
Bitaw…palain ta’g
diyotay. Unsa may ‘dating’ ning maong lindog para ninyo? Dili ba yayay sa inyong
paminaw?
Don’t tell it to the
marines, tell it to me, k?! Hangtod sa sunod natong panagbagat dinhi sa kinaham
tang mantalaang – JBBN… hasta la vista!
Dolyar unta apan yayay man
Agosto 31, 2008
Labihang paita
sa nahitabo sa mga igsoon tang OFW’s. Tiaw bay dili mao ang trabaho nga
gi-aplayan, gidagmalan, gilugos, gipatay nga mao na sa giingong ‘pagpaingon,
pasehero, pag-uli, kar-gamento.’
Yayay! Dunay
gipasanginlan, gahikog (kuno)… pulos yayay! Hinuon, dili tanan, kay naa may uban
nga nakatunong og maayong agalon.
Makaingon sab ko
nga, tungod lagi sa kalisod sa kahimtang nato dinhi sa Pilipinas, naningoha
intawon pod ang atong kababayan nga makatrabaho sa laing nasud aron makatilaw og
hayahay ug dili yayay sa kinabuhi.
Ang uban, tungod
sab sa ilang ambisyon nga malabwan ang silingan busa giprinda/gibaligya ang
yuta, kabaw, baka, kalubihan, nag 5-6 aron lang maka-abroad?
Unta to, gitikad
ang yuta, kalubihan ug ubang kabtangan aron modako ang kita o abot.
Nahadlok
tulison? Samot na nuon kay naa na may “dollars”. Nganong dili man ta makontento
kon unsay gihatag nato sa Ginoo.
Kanyahay ra
bitaw nga puno sa kalisdanan ang kalibotan kay gipakita ta Niya sa Iyang gahom!
Hunahunaa ra god
tong giingong labing kusog nga linog ang moabot sa Pilipinas niadtong miaging
bulan, wala madayon no?
Kinsa ba goy
makalabaw sa Labaw’ng Makagagahom! Anyway, pasalamat ta nga wala to madayon ug
dili gyod unta mahitabo dinhi sa ato.
Hinaot pa unta!
Ning kalibotan nga atong gipuy-an, dili kita angay mawad-an og paglaom.
Kanunay ta
mag-ampo aron makalikay sa mga disgrasya ug katalagman ug nga bubo-an kita Niya
sa mga grasya ug panalangin sa adlaw nga tanan – agad pa unta!
Agosto 24, 2008
Unsay imong bation kon
ang usa ka tawo mogamit og tawo o mga tawo alang sa iyang personal nga interest?
Yayay no? Apan mas
yayay kon manaway ang usa ka tawo sa kinaiya sa tawo nga gihisgutan sa unaha,
siin mao pud diay ang iyang kalaki.
Anong say mo, the same
pareho sila, di ba? Mao kining mga matanga sa mga tawo nga mga “maot” sa
katilingban, mga tawo nga nahisama sa sagbot nga mitubo uban sa mga maayong
tanom.
Unya miingon ra ba ang
Ginoo nga pasagdan lang kining motubo. Yayay! Apan sa panahon sa ting-ani, unahn
pag-ibot ang mga sagbot ug itambog ngadto sa haling aron daoban!
Yayay! Samtang ang mga
maayong tanom adto dad-a sa Iyang kamalig! Bitaw, kitang tanan diay, dunay
sagbot ug maayong tanom dinhi sa atong kaugalingan.
Pareho ra ta uy! Busa,
panahon na aron hinayhinayan nato pagpapas ang mga sagbot nga nia kanato:
bakakon, imbongan,himantayon, dili tigsimba, tigpahimulos sa higayon, taspokan,
mapahitas-on, madinumtanon, mapagarbohon, etc.
Panahon na higala nga
wad-on ang atong pagkamaot ug maghimo sa mga maayong lakang alang nga ikalambo
sa atong kinabuhing kalagnon.
Panahon na sa
pag-uliay, pakig-ingon-ingon ug dili maayong mag-inusara. Matud pa, No Man is an
Island.
Kinahanglan ang
panaglam-bigitay ilabina sa mga gimbuhaton nga lungsodnon ug katilingbanon.
Sa Tinagalog pa,
kapit-bisig. Unya, hain may kapit-bisig kon imong kontrahan ang uban, kon did-an
nimo ang uban nga makiglambigit niadtong mga tawo nga ikaw ray wala makagusto?
Yayay, di ba, Nong
Nix? Hangtuyd sa sunod isyu sa JBBN, pag-adyo-adyo!
Agosto 10, 2008
Akong pagyukbo sa
tigdumala ug mga kawani sa JBBN, labina sa mga suki ug dili suki nga bumabasa
niini!
Sa mga adlaw, bulan ug
tuig nga miagi, ania, karon lang ko makalugar pagpasupot og tampo niining
mantalaan.
Igo sab tingali nga
makahipos kita og mga kasayoran mahitungod sa mga isyu ug panghitabo sa atong
palibot… hinungdan nga mao kini ang ulohan ning lindog – YAYAY?!, nunot sa
labihang kapait ug kahapdos sa atong kahimtang karong panahona.
Hunahunaa ra god, ang
palitonon kaniadto: ginantang ang bugas, tahop, asin, kamay; tinuhog o tinapok
ang isda; tinakos ang mantika, gas, ginamos; binugkos ang mga utanon; tinaro ang
lagutmon (kamote, gabi, ube) o dili ba tinapok pod.
Apan karon? Ang tanan
tinimbang na (ngunit kulang), kay limbongan ang timbangan aw, ang tag-iya diay
sa timbangan… yayay, di ba?
Yayay alang kang Juan
dela Cruz ug sa sama nakong pobre, kabus, timawa, alaot, mosimos.
Pero baya, duna poy
mga sapian nga mopila aron makapalit og bugas NFA. Imagine? P18.25 per kilo!
Yes, (mopila ang ilang
boy o maid), iyawat na lang! Apan, dugay sab ka maka-bugas.
Ngano man?
Molinya ka sayong
buntag aron makakuha og numero uban sa bagang duot sa katawhan.
Mapalit nimo ang bugas
inigka-palis na, gutmon ka’g pinaabot, walay mahimong trabaho sa mga oras nga
naghulat ka.
Yayay gyod! Unsay
solusyon aron dili mag-ilogay ug aron maangay nga makapalit ang kada pamilya?
Nabati nako sa radyo
nga didto sa lungsod sa Ubay, gi-awhag sa pari didto nga kadto lang mga inahan
sa matag pamilya ang molinya aron pagsiguro nga makapalit gyod og NFA rice ang
matag banay.
Naa man goy uban nga
hasta duha o tulo ka anak ipalinya pod. Uyon ko aning paagiha kay dili na man
magdoble, nga sa ato pa, dili na tantong yayay!
|
Matag Lunes
BOHECO
I
BOHECO
II
