Tagbilaran City - Ang isyu kalabot sa giduso nga franchise tax sa Bohol Light Company, Inc., isip dugang buhis nga pas-anon sa mga kunsumidor, dili makiangayon ug usa ka matang sa pagpahimulos.

Kini maoy mensahe sa grupong BAYAN pinaagi sa secretary general John Ruiz nga ilang gipadangat agig pagsupak sa tinguha sa BLCI.

Dili makiangayon sa katarungan nga isip usa ka profit-oriented company, mobayad sila sa buhis isip ilang obligasyon ug kini magagikan unta sa ilang ganansya ug dili sa bulsa sa mga kunsumidor.

Usa kini ka pagpahimulos sa Electric Power Industry Reform Act diin mga pobreng konsumidor ang gipahimuslan.

Sukad pa sa pagkamugna sa privatization o joint venture agreement sa duha ka provincial public utilities, tubig ug kuryente, ang BAYAN-Bohol nagpakita na sa ilang pagsupak pinaagi sa mga pamahayag, protesta ug martsa sa kadalanan.

Ang mga nag-unang serbisyo sama sa tubig ug kuryente angayan unta itugyan sa mga kamot sa katawhan o kaha sa estado ug dili sa mga kamot sa mga hakog og ganansya nga kapitalista, nga dali rang mopahimulos sa mga konsumidor.

Pabilin nga taas ang balayronon sa kuryente karong panahona tungod kombinasyon sa mga hinungdan ug palisiya nga giumol Electric Power Industry Reform Act ingon man ang makasaysayan nga panghitabo sa dili maayo nga pag-ugmad sa power sector.

Ang EPIRA, nga gi-aprobahan niadtong tuig 2001 sa administrasyong Arroyo, nagpanday sa mga lagda sa deregulation ug privatization sa power sector.

Kini usab maoy nagpa-lighot sa power rates ngadto sa generation, transmission ug distribution.

Nagkanayon ang grupong BAYAN nga kinahanglan gayod nga kontrolon sa estado ang pag-ugmad sa power sector kon seryoso man gani kita paghatag og pagtagad sa presyo sa kuryente.

Gidugang usab sa BAYAN nga ang pagpanag-iya sa estado sa power sector magkahulugan nga pag-ugmad sa kapasidad sa kuryente sa nasud sa ingon adunay igong suplay nga maabot ang presyo.

Kinahanglan usab ang mga lagda sa presyo niini pagprotekta sa mga konsumidor sa mga kwestyonable nga balayronon.

Ang EPIRA angayan ibasura kon seryoso man gani ang paghatag og solusyon sa taas nga presyo sa kuryente.

Ang pagduso sa franchise tax ngadto sa mga konsumidor kinahanglan batukan. Ang mga opisyal sa kagamhanan kinahanglan manalipod sa katawhan gikan sa dili makiangayon ug mapahimuslanong mga pribadong tawo nga tighatod sa nag-unang serbisyo.

Gidayeg usab sa Bayan si city Mayor Dan Neri Lim sa iyang personal nga pagpangulo sa katawhan aron pagsupak ug leading the people as oppositor ug pagpataliwala sa katuyoan sa BLCI.

Samtang gidugang usab sa Bayan nga ang 12% Value Added tax or VAT sa kuryente maoy laing gipas-an sa maga konsumidor, kinahanglan kining tangtangon, aron paghatag sa mga konsumidor ug dinaliang paghupay sa panahon diin tanang galastohan nagsaka gawas sa ilang kita.

Ang privatization ug deregulation angayan balihon. Ang kagamhanang probinsyal kinahanglan mopadayon sa plano niini nga buy-back operation sa BLCI ug BWUI kon tinuod man gani nga seryoso kini sa pagpanalipod sa katawhan gikan sa dili makiangayon ug mapahimuslanon nga balayronon sama sa franchise tax.

HUMABOL mipahigayon og rally ug protesta kontra CARP
Ni: Rey Dalay
Hunyo 15, 2008

Si Dr. Elpedio Jala ang DepEd Superentindent sa lalawigan sa Bohol miawhag nga ipadayon gayud ang Food for School Program nga pagsupply ug bugas tagsa ka kilo matag grade I pupil sa atong lalawigan tungod kay gikinahanglan kaayo kini sa mga kabataan.

Mao kini ang giluwatang pamahayag ni Jala dihang gikahinabi ning tigbalita dili pa lamang dugay.

Matud ni ni Jala nga siya miawhag ngadto sa Provincial School Board diin ang chairman niini mao si Gobernador Erico Aumentado pinaagi sa usa ka resolusyon nga ipadayon ang pagsupply ug buagas sa mga grade I pupils.

Gidugang ni Jala nga angayan gayud kini nga ifollow-up tungod kay mao kini ang nakahatag ug ineteres s mga kabataan nga moeskuyla kay makadala man sila ug usa ka kilo nga bugas inig pauli nila sa ilang balay.

Kon mahinumduman si NFA Administrator Jesus D. Navaro miawhag nga isuspinso una ang pagsupply dinhe sa Bohol tungod usab sa order sa Pangulong Gloria Macapagal Arroyo nga ikansila ang supply sa mga kabataan dinhe sa lalawigan apan gipadayon kini sa ubang mga probinsya.

Subay niini nanawagan si Jala nga gikinahanglan gayud kini dinhe sa atong probinsya kay dako kini ug gikatabang sa atong mga kabataan ilabina kadtong kulang sa pagkaon.

Ang Sangguniang Panlalawigan atol sa ilang sinimanang tigum kaniadtong Martes mipasar og resolusyon nga nag-awhag kang Gobernador Erico B. Aumentado aron sa pagsugod na sa pagsabot-sabot tali ni kalihim Ronaldo Puno sa Department of Interior ang Local Government (DILG) kon mahimo ba nga itugyan ang BDRC ngadto sa Bureau of Jail Management and Penology.

Kini maoy nauyonan sa hunta probinsyal atol sa ilang tigum human mahitabo ang kaguliyang diha sa maong bilanggoan nga nahimutang sa distrito sa Cabawan ning dakbayan sa Tagbilaran.

Nagtuo ang mga magbabalaod nga kon ang BJMP na ang magdumala sa maong bilanggoan dunay dakong kausaban sa pagpadagan niini.

Usa usab ka bokal ang mipasabot nga kon BJMP na ang magdumala dili na unya mag-abaga sa dakong galastohan ang kagamhanang probinsyal.

Samtang gipaniguro ni Gobernador Erico B. Aumentado atol sa iyang governor's report kaniadtong milabay'ng Biyernes ang kahapsay na unya sa maong bilanggoan.

Matud sa gobernador nga iya nang gitahasan si PNP Provincial Director Col. Edgardo Ingking kinsa maoy nangulo sa gihimong paghibalik sa kahapsay ug kalinaw sa maong bilanggoan.

Subay niini, giawhag usab sa Gobernador ang hepe sa Provincial General Services Office Engr. Rosalinda Yu sa pagpadali sa mga pasilidad sa maong bilanggoan sama sa pagtukod og visitors lounge kansang tuyo niini mao nga dinhi ipahigayon ang panag-isturyahay tali sa binilanggo ug sa moduaw niini.

Gipasabot usab sa Gobernador nga ang mga reglamento sa BJMP mao gayud ang ipatuman diin ang mga binilanggo gihatagan na usab sa maong reglamento.

Gidugang sa Goberndor nga wad-on na ang paghatag og subrang prebilihiyo ngadto sa mga inmates alang sa tukmang siguridad.

Si Col. Ingking sa iyang bahin mapasalamaton usab sa mga mibulig sa kalampusan nga nakab-ot sa iyang mga sakop nga misangko sa pagpahioli sa kahusay ug kalinaw sa maong bilanggoan.

Siya usab mi awhag sa Gobernador nga unta kahatagan og pasidungog kadtong mga elemento sa kapolisan nga nahilambigit sa maong kalampusan.

Bol-anon motanyag programang sagopon sa ASEAN youth
Ni: Rey Chiu / PIA
Hunyo 8, 2008

USA ka Bol-anong lider sa mga kabatan-onan maoy mopadayag sa duha ka dagkong sugyot sa mga kabatan-onang Pilipino ngadto sa Association of South East Asian nations Senior Officials Meeting on Youth (SOMY) sa Changmai ug Bangkok sa Thailand.

Si National Youth Commissioner sa Visayas Benjie Oliva kinsa mao usab ang representante sa nasud makigtigum sa mga opisyales sa ASEAN lakip na ang China, Japan ug Korea sugod karon, Hunyo 1-6, 2008.

Itanyag ni Comm. Oliva ang laraw nga ipatuman ang ASEAN Ten Accomplished Youth Organizations (ASEAN-TAYO) ug ang ASEAN Youth Summit.

Kini nga duha ka programa sa kabatan-onan, una na nga gipatuman sa Pilipinas ug naka-ani ug pagdayeg sa kadaghanan.

Dungan niini, maghatag usab si Oliva sa mga katikaran sa nasabutan sa mga ASEAN youth officials human sa nahitabo nga bansaybansay sa pag-ugmad sa batakan alang sa Coaching ug Mentoring sa mga out of school youth kabahin sa pagpamuhunan.

Kini nga kasabutan naaprobahan niadtong katapusang APEC-HRD nga tigum dinhi sa Bohol Beach Club, Panglao, Bohol niadtong March 2008.

Ang ASEAN Senior Official Meeting on Youth (SOMY) matud ni Oliva, gimugna isip maoy higher level nga pundok nga magtuki sa kaparehas nga mga sulirang sosyal sa mga kabatan-onan sa mga sakop nga nasud.

Dugang niya, ang SOMY sakop na sa ASEAN institutional framework nga magtaho sa mga pangulo sa ASEAN pinaagi sa ASEAN Ministerial Meeting.

Kaso ni Olayvar, mahimong banhawon
Ni: Rey Chiu / PIA
Hunyo 8, 2008

Dr. Arlene Uy, BBDS director, welcomed the parents and guests who came to view the dance presentations of the 3 groups composed of:

Maria Theresa Bolonghita, Margaret Victoria Sandidge, Andrea Nicole A. Stevens, Vivienne Kyla G. Abad, Vivienne Kylie G. Abad, Vinessa Kathleen G. Abad, Katrina Deloso Vito, Jemimah Shinani K. Tac-an, Amie Margaret Nazareno, Frances Lauren Ceballos, Cyreen Cabahug and Nicole Keanna Apsay (Group 1);

Fejay Louise Crerier, Claire C. Hongayo, Erin Kate Javellana, Calista Venus F. Williams, Sophia Nicole L. Lim, Angela Mari Lechago, Ilia Ramiro Tirol and Seika Matsuura (Group 2);

Group 3 - Hazel Pioquinto, AJ Wincielou Johanna Araoarao Gabin, Danielle Mae Autentico Floresca, Kyle Kimberlet Wayne C. Anobling, Marneth Amber J. Uy, Mariane Ashley J. Uy and Nicole Kimberly Apsay (Group 3).

During the recital, Louanna Sabellano Castañares, Physical Education teacher of the University of San Jose – Recoletos who facilitated the summer workshop, also performed together with the members of Cebu City-based San Diego Dance Troupe, aside from the ballet, Hawaiian, Tahitian and modern dance numbers of the participants.

Bohol SK Pop Idol '08 winners
By: Hope Lomotos / Vernel Sendrijas (foto)
June 8, 2008

Giaprobahan atol sa gipahigayon nga sesyon sa Sangguniang Panlalawigan niadtong Martes ang unod sa committee report ni Board Member Ae Damalerio, committee chairman on environment nga naghangyo ni Department of Public Works and Highways (DPWH) Secretary Hermogenes Ebdane Jr., nga dili dawaton ang i-turnover nga San Jose Street Drainage System Project ning dakbayan sa Tagbilaran kon dili makatuman ang DPWH sa gipasalig niini ngadto sa dakbayan.

Ang maong taho sa komitiba ni Damalerio nagsuporta usab sa baroganan sa Sangguniang Panlungsod ug ingon man sa kagamhanan sa dakbayan sa Tagbilaran.

Ang pagdili sa pagpadagayday sa mahugaw nga tubig ngadto sa bag-ong drainage system, gi-presentar pa kini sa mga kadagkuan ug moagi pa kini og panagsabot-sabot.

Basi sa report sa DPWH, si Engr. Celestino Adlaon mipadayag nga si DENR OIC Allan Aranguez nakigtigum didto sa Cebu tali sa contractor sa Hanjin Heavy Industries ug ang consultant sa DPWH sa 1st Engineering District uban usab ni Mayor Dan Lim, apan wala makatambong niini ang mayor.

Si Arranguez mimugna og duha ka mga rekomendasyon kabahin sa kahimtang sa maong drainage system.

Nag-una niini nga ipadayon ang maong proyekto bisan pa man sa mga illegal nga pagkonekta apan kinahanglan nga adunay waste water treatment ug pagahimoon ang pag putol sa mga illegal tapping kon walay treatment facilities.

Maoy gipili sa DPWH ang ikaduha nga rekomendasyon nga putlon ang mga illegal nga nagdugtong sa drainage kon walay treatment facility.

Si Engineer Greta Mende, pangulo sa Philippine Society of Civil Engineering Bohol Chapter kinsa mitubag sa init nga issue mipadayag usab sa iyang rekomendasyon nga gikinahanglan gayud ang Building Code ug ang septik tank usab alang niadtong mga establisamento ug mga patigayon.ug ang padayon karon nga illegal tapping pagaputlon gayud.

Namatud-an usab sa maong committee hearing nga ang isyu sa illegal tapping wala pa gayod masulbad.

Si Atty. Raul Barbarona sa Environmental Legal Action Center (ELAC) nagkanayon nga ang Hanjin Heavy Industries and Construction wala makatuman sa gikasabotan sa kontrata nga magtukod og storm/rain water drainage.

Midason usab siya nga ang kagamhanan sa dakbayan mibarog gayod nga dili modawat sa maong proyekto kon dili matuman ang gisaad sa DPWH.

Samtang sa laing bahin, si CENRO Nestor Canda nagkanayon nga ang dunay katungod nga moputol sa illegal nga pagdugtong sa drainage mao ang DPWH.

Kini maoy gipamahayag ni Canda atol sa gipahigayon nga binulan nga tigum sa mga sakop sa media.

Gipasalig usab ni Canda nga ang moambak nga tubig gikan sa drainage dili na hugaw.

25th AIDS Candlelight Memorial. Mga hepe sa nagkadaiyang buhatan sa kagamhanang probinsyal, national agencies, NGOs nagtapok sa Capitol Gardens sulod sa Provincial Capitol pinangunahan ni Provincial Health Officer Dr. Reymoses Cabagnot ug mga staff ingon man nila ni Board Member Yul Lopez ug Ae Damalerio ug mga kawani sa Governor's Office pinangulohan ni Provincial administrator Atty. Tomas Abapo Jr., UNFPA United Nations Population Fund Provincial Program Coordinator Roxanne Epe. Wala pay tambal nga nadiskobrehan aron pagsumpo sa maong sakit, 33.2 million ka mga tawo nataptan sa maong sakit tibuok kalibotan niadtong tuig 2007, 2.1 million ang namatay, lakip na ang 330,000 ka mga bata. (Bruce Zabala)

Kapitolyo molagda og MOA sa CVSCAFT alang sa mga out-of-school youth
Ni: Edward Guyano
Hunyo 1, 2008

Giaprobahan atol sa gipahigayon nga sesyon sa Sangguniang Panlalawigan ang resolusyon ni 3rd District Board Member Esther Corazon Galbreath nga nag-awhag ni Gobernador Erico Aumentado naghangyo sa pagtugot nga mopresentar ang lalawigan sa Bohol ug molagda sa gi-propose nga Memorandum of Agreement tali sa CVSCAFT Tagbilaran City Campus nga mopahigayon og pagbansay-bansay sa pagmaneho ug pagkat-on sa pagmentinar sa mga makina alang sa mga out-of-school youth ning lalawigan.

Ang kagamhanang probinsyal, pinaagi sa OPSWD mogahin og P3,000 matag estudyante, apil na niini ang magtutudlo ug ang mga gikinahanglan sa maong training.

Samtang mohatag usab ang nasangpit nga tunghaan og lugar niini alang sa pagbansay-bansay nga mokabat ngadto sa 120 ka oras ug pagahimoon kini sulod sa 15 ka Sabado.