BALITA

Front Nasyonal
Internasyonal English
Showbiz Sports
 

LOKAL

Alburquerque Alicia
Anda Antequera
Baclayon Balilihan
Batuan Bien-Unido
Bilar Buenavista
Calape Candijay
Carmen Catigbian
Clarin Corella
Cortes Dagohoy
Danao Dauis
Dimiao Duero
Garcia-Hernandez Getafe
Guindulman Inabanga
Jagna Lila
Loay Loboc
Loon Mabini
Maribojoc Panglao
Pilar Pres. CPG
Sagbayan San Isidro
San Miguel Sevilla
Sierra-Bullones Sikatuna
Tagbilaran City Talibon
Trinidad Tubigon
Ubay Valencia
 

OPINYON

Editoryal East Meets West
Igo Na Isports Lang
Kay Ngano Kaha? Nganong Dili?
Passtilan Sumpaki
TNT  
Kon Ako'y Pangutan-on
 

KALINGAWAN

Bantay Jokes Bantay Kapalaran
Libreng Mensahe Nobela
 

KALAMBOAN SA TURISMO

 
 

KODIGO SA DIOS AMAHAN

 
 

retirement investment
Visitors since March 1, 2007

 
 
 
 
 
 
 
 
 
 
 
DUNAY GITAGO? Hulagway kini atol sa gipahigayong interbyu ni Priscilla Richards ngadto kang PNP Provincial Director Senior Superintendent Edgardo Ingking diin gi-delete sa hepe sa kapolisan sa Bohol ang recorded nga interbyu gikan sa mobile phone ni Richards. Kon ingon niini ang batasan sa ubang mga dagkong opisyal sa gobyerno, ilabi na sa kapolisan, kinsa pa may manalipod sa katungod sa katawhan? Ingon ba diay niini ang pagtagad nga ihatag ngadto sa mga yanong sakop sa media nga igo lang maghatod og kasayoran sa katawhan?
 

FSP ipadayon
Ni: Edward Guyano
Hunyo 15, 2008

Si Dr. Elpedio Jala ang DepEd Superentindent sa lalawigan sa Bohol miawhag nga ipadayon gayud ang Food for School Program nga pagsupply ug bugas tagsa ka kilo matag grade I pupil sa atong lalawigan tungod kay gikinahanglan kaayo kini sa mga kabataan.

Mao kini ang giluwatang pamahayag ni Jala dihang gikahinabi ning tigbalita dili pa lamang dugay.

Matud ni ni Jala nga siya miawhag ngadto sa Provincial School Board diin ang chairman niini mao si Gobernador Erico Aumentado pinaagi sa usa ka resolusyon nga ipadayon ang pagsupply ug buagas sa mga grade I pupils.

Gidugang ni Jala nga angayan gayud kini nga ifollow-up tungod kay mao kini ang nakahatag ug ineteres s mga kabataan nga moeskuyla kay makadala man sila ug usa ka kilo nga bugas inig pauli nila sa ilang balay.

Kon mahinumduman si NFA Administrator Jesus D. Navaro miawhag nga isuspinso una ang pagsupply dinhe sa Bohol tungod usab sa order sa Pangulong Gloria Macapagal Arroyo nga ikansila ang supply sa mga kabataan dinhe sa lalawigan apan gipadayon kini sa ubang mga probinsya.

Subay niini nanawagan si Jala nga gikinahanglan gayud kini dinhe sa atong probinsya kay dako kini ug gikatabang sa atong mga kabataan ilabina kadtong kulang sa pagkaon.

 

P5 M, libreng abono sa mag-uuma
Ni: Lando Aparece
Hunyo 15, 2008

Si Rodrigo Paconios, ang Municipal Agriculture Officer (MAO) ug si Tony Timogan, ang Rice Technician sa Sierra-Bullones. Uban kanila ag taga-barangay nga nagdiskarga sa mga abono. (Julia)

Sierra Bullones - Sa pakighinabi sa JBBN kang Municipal Engr. Paterno Unajan, nahipos ang impormasyon nga umaabot na ang kantidad nga P5-Milyones alang sa pagbukas sa farm-to-market road nga magdugtong sa Brgy. Anibongan ug Brgy. Abachanan ning lungsod.

Motadlas kini sa gilay-ong 2.5-kilometro agi sa mga bakante apan matambok nga kayutaan sa nahisgutang mga dapit.

Gitakda ang pormal nga pagbukas niini sa katapusang semana sa Hunyo ning tuiga.

Kining nasampit nga ayuda hatag gikan ni Sec. Arthur Yap sa Department of Agriculture.

Ang proyekto farm-to-market road makadangilag sa kasibut sa mag-uumang sector pagtikad og dugang luna aron katamnan sa nagkadaiyang produckto.

Mahimong sayon na unya ang paglusot sa mga abot sa kaumahan kon dunay hapsay nga agi-anan paingon ngadto sa merkado ug sa mga sentro komersyal sa tibook lalawigan.

Posibli mao kini ang paglantaw ni Sec. Yap, tumong sa pagpaabunda sa produksyong agrikultural.

Kaniadtong adlaw nga Martes (Hunyo 10), miabot sa tugkaran sa Brgy. Canlangit ang duha (2) ka dumptruck nga puno sa mga abonong Philpos ug Urea.

Miabot og 153 ka sinakong abono nga ipang-hatag libre ngadto sa mga mag-uuma sa naasoyng barangay.

Maoy makapahimulos niini ang mga tag-iya sa 51 ka ektarya nga basakan sa Brgy. Canlangit.

Hupong sa kahinangop nga gidawat kining mga abono ni Kapt. Nilo Blawis.
Ang tinubdan nag-tumbok nga gikan kini ni Sec. Yap.

Konektado kini sa program ni Pres. Gloria Macapagal-Arroyo pagapa-uswag sa atong produksyon alang sa pagkaon.

Ilabina niining panahon nga gitay-og ang nasud sa kakulang sa bugas, ang kagamhanan mohimo og tukmang lakang sa pagsulbad niini.

Si Kag. Leopoldo Lacre Jr., ang chairman sa Komitiba sa Agrikultura maoy mang-apod-apod niining mga abono ngadto sa mga hingtungdan.

Dako kaayo ang iyang pagpasalamat ngadto ni Sec. Yap sa mga grasya nga iyang gipadangat sa lungsod nga malamboong gidumala ni Mayor Simplicio Maestrado Jr. ug Bise-Mayor Alfredo Gamalo.

Mikabat og P3.4-milyones ang gibubo ni Congressman Adam Jala alang sa dugang nga paglambo sa lungsod sa Sierra Bullones karong tuiga.

Ang P2-milyones ning nahisgutang kantidad gitumbok nga gahin alang sa pagpalit og mga materyales ug suholan sa mga trabahante sa nagpadayong pagtrabaho sa modernong balay-lungsod.

Kahinumduman nga kining maong mehora nagtangag sa presupwestong P28.5-milyones.

Gilaoman nga kining dakbalay mahipno na sa dili pa motik-op ang ika tulong termino sa pangatungdanan ni Mayor Dodie Maestrado Jr. paingon sa tuig 2010.

Samtang ang kantidad nga P1.4-milyones didto itingob sa pagpamalit og mga polyethylene pipes tumong sa pag-ugmad sa sistema sa panubig.

Kining maong programa maoy ika-duhang prayoridad subay sa development agenda sa local nga pamonoan.

Ang karaan ug tayaon nga mga linya sa tubig gihulipan na. Dugang pa nga katarungan ngano nga ihiklin na ang mga daang tubo tungod kay nagkabuslot-buslot (leakage) na.

Kuyaw na kini sa kontaminsayon. Sa iyang bahin, si Senador Miguel Zubiri mipadala og kantidad nga P500,000 alang usab sa waterworks.

Gipasa kining naasoyng ayuda sa buhatan sa DPWH. Hinoon, milagbas na kini sa panudlanan sa lungsod, sumala pa ni Municipal Engineer Paterno Unajan.

Sa laing kalamboan, taliabot na ang tulo ka mga unit sa computer nga hatag gihapon ni Congressman Jala.

Dugang kini sa mga kahimanan sa Municipal Hall.

 

2 lawak saringan sa KALAHI- CIDSS gitugyan sa TCS
Ni: Admi Valmores
Hunyo 15, 2008


DUHA ka lawak saringan nga proyekto sa KALAHI - CIDSS: Kapangyarihan at Kaunlaran sa Barangay (KKB) nga nahimutang sa Talibon Central Elem. School, Poblacion, Talibon ang gi-turn-over ngadto ni Talibon Central School Principal Juan S. Torregosa, Miyerkules, Hunyo 4, 2008 human sa pagbendisyon ni Rev. Fr. Diozalde G. Cutas.

Gisundan dayon sa pag putol sa ceremonial ribbon nila ni Provincial administrator Atty. Tomas Abapo ug Mayor Juanario A. Item.

Si Atty. Abapo kanhi bokal sa ikaduhang distrito maoy gitugyanan ni Gobernador Erico B. Aumentado kinsa may gitagad nga bisita.

Ang total nga nagasto sa maong proyekto nikabat sa P1,272,428.00 nga gikurambosan ning mosunod: KALAHI grant (P937,763.91), Community (P50, 400.00), BLGU - Poblacion (P183, 345.59), Mun. LGU (P 42,800.00) ug Provl. LGU (P58, 118.50).

Nagsugod ang proyekto Disyembre 17, 2007. Sa turn-over ceremony, ang simbolo nga yawe gihatag pag-una ni Mr. Cris Vistal (nagrepresentar) sa RD/Regional Project Director Teodolo R. Romo, Jr. ngadto ni Prov’l Administrator Atty. Tomas Abapo; gipasa ang yawe ngadto ni Mrs. Francisca Escartin (tinugyanan ni Cong. Roberto C. Cajes); Asst. Schools Division Supt. Soniaflor Kapirig (tinugyanan ni Dr. Elpidio M. Jala, Schools Division Superintendent); Mun. Mayor Juanario A Item; Dr. Mary May Tumalon; Brgy. Capt. Urcelio A. Evangelista; ug napupos ang pagpasa sa yawe ngadto ni Talibon Central School Principal Juan S. Torregossa.

Si Atty. Abapo, sa iyang mensahe, nagpadayag nga si Gob. Aumentado nagtugon kaniya nga ipaabot ang iyang mensahe sa mga Talibongnon nga “Nagpabilin sa kanunay ang akong pagpangga sa Talibon.”

Kini gipamatuod-an sa pagpalanog niya nga ang LGU province mohatag og usa (1) ka unit nga computer ug adunay printer sa kantidad nga P20,000.00 human ipadayag ni Brgy. Capt. Evangelista nga mangayo siya og milagro nga proyekto gikan ni Aumentado.

Si Abapo nangindahay nga ang mga magtutudlo dinhi mopasaka sa kalidad sa edukasyon sa mga kabataan tungod kay maanindot kaayo ang pagkahimo sa duha ka silid tulunghaan.

Si Mayor Item, sa iyang mensahe, niawhag sa mga ginikanan nga kinahanglan hatagan og edukasyon ang ilang mga kabataan kay mao ra ni bahandi nga dili makawat ug mao ni dakong puhonan s ilang hayag nga kaugmaon.

Si Soniaflor Kapirig, nagkanayon nga mentenahon ug susteneran ang katahom sa duha ka classrooms.

Ipadawat niya sa mga magtutudlo ang mga kabataan nga magpaenrol kay matud niya ang battle cry sa DepEd mao ang increasing participation rate.

Gipadayag ni Kapirig nga adunay Presidential Order ni Pres. Gloria Macapagal Arroyo nga no requirement of uniforms in Grade I, no contribution.

Aduna lamang dugang 10,000 nga permanent items ning school year 2008-2009.
Samtang si Dr. Tumalon, midasig sa mga ginikanan nga kinahanglan nga hatagan og dakong pagtagad sa pagpa eskuyla ang mga kabataan.

Si Francisca Escartin nagkanayon nga si Cong. Cajes andam sa kanunay nga mohatag og proyekto sa mga kabarangayan pinaagi lang sa pagpasupot og resulotion ug project proposal.

Si Mr. Vistal sa mubo niyang pakigpulong nipasalig nga iyang ipaabot ni Director Romo ang kainit sa katawhan dinhi nga nidawat sa duha ka classrooms sa KALAHI- CIDSS.

Mga kanhi kawani sa KALAHI-CIDSS nga nitambong usab sa maong turn-over mao sila si Financial Analyst Wilfredo Pelone og Engr. Jimju Ambalon.

Si Brgy. Captain Evangelista naghisgot nga sa kabag-o sa iyang paglingkod sa katungdanan isip amahan sa barangay nakadawat na siya og mga dakong milagro nga wala niya palandonga ug paabota, mao kining giinagurahan nga duha ka classrooms ug ang lain nga milagro mao ang duha ka classrooms nga hinatag ni Senador Kiko Pangilinan.

Nangandoy ang kapitan nga mahatagan usab siya og milagro gikan ni Mayor Item.

Si kanhi Brgy. Capt. Virgilio G. Laruga, Jr. nga karon usa na ka kagawad ug BSPMC Chairman nagsaysay sa iyang di tiaw nga kasinatian kon unsa kalisod ang naagian una matunhay ang proyekto.

Una niyang nahisgotan nga ang Area Coordinator sa KALAHI-CIDSS Talibon based Myrna Batalan maoy unang nakigkita kaniya aron pagpahibalo nga ang maong buhatan mohatag sa mamugna nga nag-unang proyekto sa barangay apan motuman sa mga lagda nga ipasunod sa KALAHI-CIDSS.

Gisugdan ang programa sa panalangin ni Brgy. Kagawad Eugenio Aventurado, Jr. ug gisundan dayon sa pag-awit sa National Anthem ug Bohol Hymm nga si Master Teacher I Lourdes G. Sayson ang nag-lead.

Nihatag og vocal solo si Mrs. Ma. Cristie A. Polestico sa intermission number. Dihay mga pag-apod-apod sa Certificates of Recognition ngadto sa mga hingtungdan nga adunay kalambigitan sa ilang dakong kahago sa katukoran sa duha ka classrooms.

Si Mr. Torregosa, sa iyang panak-op nga pakigpulong, nagpasalamat sa tanan nga nakatampo og dakong pagtabang sa katukoran sa duha ka classrooms, og ngadto usab sa tanang naglihok alang sa kalamposan sa programa.

Si Miss Milagros Gollodo mao ang master of ceremony sa programa.