BALITANG SPORTS
Mga Hapon nga kampyon naglikay ni Donaire
WBO nga pagdepensa ni Nietes dili madayon!

Sharapova napapha sa French Open

Jayson Gonzales ika-9 RP Grandmaster

Euro 2008 sugdan na

NBA Finals Game 1
Montiel kampyon gihapon sa super flyweight
Soliman gipildi ni Mundine
 
 
 
 
 
 
 

Mga Hapon nga kampyon naglikay ni Donaire
Ni: Helios Pusta
Hunyo 8, 2008

Reigning Japanese world flyweight champion nga si Daisuke Naito (WBC) ug si Takefumi Sakata (WBA) padayong naglikay ni IBF champion Nonito "The Filipino Flash" Donaire kinsa mihagit sa duha ka hapon alang sa hiniusang bangga.

Donaire (19-1, 12 KO's) kinsa nakasakmit sa IBF nga titulo inubanan sa makabungkag nga usa ka sumbag lamang nga knockout sa ika-fifth round batok sa Australyanong si Vic Darchinyan sa Hulyo 7 miaging tuig samtang mibungkag usab ni Luis Maldonado sa nasud Mexico sulod sa makapahinulong nga eight round niadtong Desyembre 1, kinsa karon nagpakita sa iyang kasibot aron makaaway ang mga Hapon sa kaugalingon niining tugkaran, pero wala gayud kini tubaga.

Ang kasamtangang gibuhat sa duha ka Hapon nga kampiyon mao ang padayong pagdepensa sa kansang bakos pinaagi sa pagparot sa parehong katiga-nasud nga kaatbang ug pinaagi sa tataw nga pamaagi aron masigurong magpabilin ang nahupatang bakos nga giisip usa ka pagyaga-yaga sa maong matang sa dula.

Ang makalisang pa niini mao nga si Naito (32-2-3, 20 KO's) kinsa nagbansay didto sa ALA Gym ilalom sa respitadong patron sa pamoksing nga si Tony Aldeguer, dili pa lang dugay, modipensa sa kansang titulo batok usab sa susamang Hapon kinsa walay ranggo sa top ten nga si Tomonobu Shimizu nga dunay record (13-2) ug 5 ka mga knockouts.

Si WBO Asia Pacific minimum weight champion, Milan Milendo ug Philippine flyweight champion nga si Rocky Fuentes mihatag ni Naito sa usa ka malisod nga binakbakay ngadto sa sparring ug tataw basi niini, ang Pinoy nga si Donaire mobungkag gayud ni Naito kung magkaabot ang masigka dalan niini.

Si Sikata Sakata (32-4-2, 15 KO's) mohalad sa kansang WBA nga bakos ngadto sa linya batok sa Hapon nga si Hiroyuki Hisataka (16-6-1, 5 KO's) kinsa ika-tulo sa ranggo ug migawas kaniadto sa kadaugan batok ni Hussein Hussein. Hinuon, si Hisataka naparot sa kanhi bangga batok ni Wyndel Janiola nga taga Pilipinas.

Ang inila nga Japanese matchmaker, boxing manager ug ingonman journalist nga si Joe Koizumi nagkanayong "Kung si kinsa ugaling ang mamahimong mananog sa Japan, ang numero sa bangga sa alang kalibutan dili na mausob, pero tingali usa ka problema usab ang panagbangga sa parehong taga-nasud kay susama ra usab kining sa national Bout samtang ang WBC ug WBA nga bakos nakataya niini."

Si Koizumi miangkong "dunay pito ka mga world champions ang Japan" nga giisip makalibog usab kay si Jorge Linares, ang WBC featherweight champion ug Edwin Valero, ang WBA super featherweight champion nagpuyo na man sa Japan, pero dili man sila Hapon.

Samtang ang Pilipinas dunay lima ka mga world champions nga gipangunahan sa boxing icon nga si Manny Pacquiao, ang WBC super featherweight champion, Donaire, ang IBF/IBO flyweight champion nga si Gerry Penalosa, ang WBO bantamweight champion, Donnie Nietes ug ang WBO minimum weight champion, Florante Condes sa IBF minimum weight champion.

WBO nga pagdepensa ni Nietes dili madayon!
Ni: Helios Pusta
Hunyo 8, 2008

Ang WBO minimumweight champion nga si Donnie Nietes' nagplano unta alang sa usa ka pagdepensa karong umaabot Hulyo 5 batok sa Meksikanong si Erik Ramirez nga ipahigayon didto sa Hidalgo, Mexico, pero nahunong, matud pa sa usa ka kasaligang tinubdan nga mitaho sa Philboxing.com.

Gikataho nga ang masigka-panig wala magkauyon sa gikatakdang kasabutan nga maoy hinungdang gibasura ang gilaumang una nga pagdepensa ni Nietes' nga ipahigayon didto sa Estadio Huracan sa Pachuca.

Si Michael Aldeguer, kinsa maoy nag-manage ni Nietes, mitaho sa Philboxing.com aron kompermahong dili na mahinayon ang nakatakdang away.

Ang Cebu sportsman nga si Antonio L. Aldeguer nagpahibalo nga nadawat nila ang pamahayag sa international matchmaker nga si Sampson Lewkowicz nagpahibalo usab nga ang maong away dili na gayud matuman.

"Nagpaabot pa kami sa dugang nga katikaran kabahin niini sa sunod panahon," matud pa sa konektadong si Aldeguer, nga mao ang tagdumala sa inilang ALA Gym ug ALA Promotions.

Sharapova napapha sa French Open
Ni: Helios Pusta
Hunyo 8, 2008

Maria Sharapova

Paris – Ang pagpabilin ni Maria Sharapova alang sa pinaka-taas nga lumbay sa French Open hayan matapos na.

Si Sharapova gibalhin isip numero 2 sa dihang si Justine Henin kalit miretiro miaging bulan.

Human sa kaparutan sa ika-upat nga round niini didto sa Roland Garros, si Sharapova nabiyaan na ug dunay gipuli nga bag-ong Numero 1 - nga walay lain kon dili ang karong ika-numero 2 nga si Ana Ivanovic sa nasud nga Serbia, No. 3 Jelena Jankovic sa Serbia o di kaha si No. 4 Svetlana Kuznetsova sa nasud nga Russia.

Sukad kaniadto, wala sa nahisgutang tulo midaug sa torniyong French Open o kaha gitugahan sa ranggo nga Numero 1.

Ang pinaka simple nga paghulagway: kung usa kanila ang modaug sa Sabado, siya ang mapuli ngadto sa top spot sa dihang ipagawas na ang bag-ong linya sa han-ay sa mga nagharos alang sa adlawng Lunes.

Kon dili, bisan asa nila ni Ivanovic o Jankovic maoy mahimong No. 1 sa pagkapilde ngadto ni bisan kinsa gawas ni Kuznetsova sa final.

Si Ivanovic modula batok ni Jankovic sa semifinal karong umaabot Huwebes, samtang si Kuznetsova makigharong alang sa 49th-nga ranggo ngadto ni Kaia Kanepi sa quarterfinals niadtong Myerkules.

“Sa katapusan sa maong adlaw, ang panag-ranggohay maoy mopahiluna sa tanan,” si Ivanovic nagkanayon.

“Kung maayo ang dagan sa imong dula, o magmadaugon siya niini, ang panag-ranggohay modangat.”

Si Jankovic, sa wala damha, klarong naglingkod na karon sa pinakataas nga tugkaran sa maong pagranggo diin dako nga butang kini alang kaniya.

“Ang akong damgo mao ang mamahimong numero uno sa tibuok kalibutan, ug karon duol na ako niini,” matud pa niya.

“Mao nga buhaton ko ang tanan nakong mahimo, ug unta magmalampuson ako niini.”

Jayson Gonzales ika-9 RP Grandmaster
Hunyo 8, 2008

Jayson Gonzales

Aduna nay siyam (9) ka mga grandmaster sa duwang ehedres, kun chess, ang Pilipinas.

Kini human sa maayong resultang nakuha ni Jayson Gonzales atol sa Philippines-vs.-Myanmar Dual Chess Championship nga gipahigayon sa Tagaytay City sa nilabayng Dominggo.

Mitala si Gonzales og 9 ka puntos gikan sa 6 ka daug ug 6 usab ka tabla sa maong torneyo.

Gumikan niini, ang ELO rating sa lumad taga-Quezon City molukso na ngadto sa 2520 gikan sa 2490, ug moresulta na kini sa grandmaster nga titulo alang kang Gonzales.

Apan maghuwat pa si Gonzales hangtud Hulyo 1 aron pormal na siyang ideklara sa FIDE isip grandmaster.

Midaug ang Pilipinas sa puntos 46.5 batok 25.5 sa Myanmar sa maong torneyo. Gikinahanglan og ELO rating nga 2500 ang usa ka magduduwa aron maangkon ang titulo pagka-grandmaster.

Ang mga grandmaster sa Pilipinas naglangkob nilang Rogelio Antonio Jr., Rosendo Balinas Jr., Darwin Laylo, Nelson Mariano, Mark Paragua, Wesley So, Eugene Torre, ug Buenaventura Villamayor. DM

Euro 2008 sugdan na
Hunyo 8, 2008

Samtang nagkalingaw og tutok ang basketball fans sa tibuok kalibutan sa NBA Finals sa Los Angeles Lakers batok Boston Celtics, ang mga mahiligon sa football (soccer) magkamulo usab pagsunod sa laing kulbahinam nga torneyo.

Ang kampyonato sa football alang sa Europa, kon European Championships o Euro 2008, sugdan na karong adlawa didto sa mga nasud Switzerland ug Austria.

Kining maong torneyo pagalangkuban sa 16 ka mga nasud sa Europa, nga gibahin-bahin sa upat ka mga grupo.

Group A: Czech Republic, Portugal, Switzerland, ug Turkey.
Group B: Austria, Croatia, Germany, ug Poland
Group C: France, Italy, Netherlands, ug Romania
Group D: Greece, Russia, Spain ug Sweden.

Sa opening game, ang Switzerland makig harong sa Czech Republic, samtang ang Portugal makigsangka batok Turkey sa ika-duha.

Ang Greece mao ang kampyon sa niaging Euro 2004. DM

NBA FINALS GAME 1: Si Kobe Bryant sa Los Angeles Lakers misuway og layup batok sa Boston Celtics (ibabaw wala). Samtang si Kevin Garnett sa Celtics mihansak batok ni Pau Gasol sa Lakers (ibabaw tuo). Sa wala, si James Posey sa Celtics gakamang atol sa pag-iluganay sa bola. Ang Celtics midaug sa Game 1 sa NBA Finals, 98-88.
Montiel kampyon gihapon sa super flyweight
Ni: Helios Pusta
Hunyo 8, 2008

San Luis Potosi, Mexico – Si Fernando Montiel mipalukapa sa susamang taga Mexico nga si Luis Maldonado sa ika tulo nga round ug napabilin ang nahuptang super flyweight nga titulo didto sa Plaza de Toros Arena sa San Luis, Mexico niadtong nakalabayng Sabado.

Si Montiel naglisod usab ni Maldonado, kinsa nasipyat sa kansang paningkamot alang sa world title.

Ang maong kadaugan nagmarka sa ika-pito nga pagdepensa ni Montiel sa nahuptang titulo, samtang misanta sa kaatbang sulod sa 2:58 sa ikatulo nga round sa maong binakbakay.

Soliman gipildi ni Mundine
Ni: Helios Pusta
Hunyo 8, 2008

Melbourne, Australia – Si Anthony Mundine mipilde sa parehong Australyano nga si Sam Soliman pinaagi sa usa ka unanimous decision niadtong Merkules aron mapabilin ang iyang World Boxing Association super middleweight nga titulo.

Si Mundine malam-pusong midepensa sa kansang titulo sa ika-upat nga higayon pinaagi sa 116-112, 116-112, 117-112 nga decision.

Ang tulo ka mga husgado, gikan sa Thailand, Pilipinas ug ingonman sa South Korea mituga kaniya isip mananaog bisan pa man sa nahitabong pag-boo ug singgit sa mga misaksi isip protesta alang sa panig ni Soliman sa dihang gi-anunsyo na ang maong resulta didto sa Vodafone Arena sumala sa Associated Press.