P5 M, libreng abono sa mag-uuma
Ni: Lando Aparece
Hunyo 15, 2008

Sierra Bullones - Sa pakighinabi sa JBBN kang Municipal Engr. Paterno Unajan, nahipos ang impormasyon nga umaabot na ang kantidad nga P5-Milyones alang sa pagbukas sa farm-to-market road nga magdugtong sa Brgy. Anibongan ug Brgy. Abachanan ning lungsod.

Motadlas kini sa gilay-ong 2.5-kilometro agi sa mga bakante apan matambok nga kayutaan sa nahisgutang mga dapit.

Gitakda ang pormal nga pagbukas niini sa katapusang semana sa Hunyo ning tuiga.

Kining nasampit nga ayuda hatag gikan ni Sec. Arthur Yap sa Department of Agriculture.

Ang proyekto farm-to-market road makadangilag sa kasibut sa mag-uumang sector pagtikad og dugang luna aron katamnan sa nagkadaiyang produckto.

Mahimong sayon na unya ang paglusot sa mga abot sa kaumahan kon dunay hapsay nga agi-anan paingon ngadto sa merkado ug sa mga sentro komersyal sa tibook lalawigan.

Posibli mao kini ang paglantaw ni Sec. Yap, tumong sa pagpaabunda sa produksyong agrikultural.

Kaniadtong adlaw nga Martes (Hunyo 10), miabot sa tugkaran sa Brgy. Canlangit ang duha (2) ka dumptruck nga puno sa mga abonong Philpos ug Urea.

Miabot og 153 ka sinakong abono nga ipang-hatag libre ngadto sa mga mag-uuma sa naasoyng barangay.

Maoy makapahimulos niini ang mga tag-iya sa 51 ka ektarya nga basakan sa Brgy. Canlangit.

Hupong sa kahinangop nga gidawat kining mga abono ni Kapt. Nilo Blawis.
Ang tinubdan nag-tumbok nga gikan kini ni Sec. Yap.

Konektado kini sa program ni Pres. Gloria Macapagal-Arroyo pagapa-uswag sa atong produksyon alang sa pagkaon.

Ilabina niining panahon nga gitay-og ang nasud sa kakulang sa bugas, ang kagamhanan mohimo og tukmang lakang sa pagsulbad niini.

Si Kag. Leopoldo Lacre Jr., ang chairman sa Komitiba sa Agrikultura maoy mang-apod-apod niining mga abono ngadto sa mga hingtungdan.

Dako kaayo ang iyang pagpasalamat ngadto ni Sec. Yap sa mga grasya nga iyang gipadangat sa lungsod nga malamboong gidumala ni Mayor Simplicio Maestrado Jr. ug Bise-Mayor Alfredo Gamalo.

Mikabat og P3.4-milyones ang gibubo ni Congressman Adam Jala alang sa dugang nga paglambo sa lungsod sa Sierra Bullones karong tuiga.

Ang P2-milyones ning nahisgutang kantidad gitumbok nga gahin alang sa pagpalit og mga materyales ug suholan sa mga trabahante sa nagpadayong pagtrabaho sa modernong balay-lungsod.

Kahinumduman nga kining maong mehora nagtangag sa presupwestong P28.5-milyones.

Gilaoman nga kining dakbalay mahipno na sa dili pa motik-op ang ika tulong termino sa pangatungdanan ni Mayor Dodie Maestrado Jr. paingon sa tuig 2010.

Samtang ang kantidad nga P1.4-milyones didto itingob sa pagpamalit og mga polyethylene pipes tumong sa pag-ugmad sa sistema sa panubig.

Kining maong programa maoy ika-duhang prayoridad subay sa development agenda sa local nga pamonoan.

Ang karaan ug tayaon nga mga linya sa tubig gihulipan na. Dugang pa nga katarungan ngano nga ihiklin na ang mga daang tubo tungod kay nagkabuslot-buslot (leakage) na.

Kuyaw na kini sa kontaminsayon. Sa iyang bahin, si Senador Miguel Zubiri mipadala og kantidad nga P500,000 alang usab sa waterworks.

Gipasa kining naasoyng ayuda sa buhatan sa DPWH. Hinoon, milagbas na kini sa panudlanan sa lungsod, sumala pa ni Municipal Engineer Paterno Unajan.

Sa laing kalamboan, taliabot na ang tulo ka mga unit sa computer nga hatag gihapon ni Congressman Jala.

Dugang kini sa mga kahimanan sa Municipal Hall.

3.4 milyones gibubo sa Sierra Bullones
Ni: Lando Aparece
Hunyo 8, 2008

Mikabat og P3.4-milyones ang gibubo ni Congressman Adam Jala alang sa dugang nga paglambo sa lungsod sa Sierra Bullones karong tuiga.

Ang P2-milyones ning nahisgutang kantidad gitumbok nga gahin alang sa pagpalit og mga materyales ug suholan sa mga trabahante sa nagpadayong pagtrabaho sa modernong balay-lungsod.
Kahinumduman nga kining maong mehora nagtangag sa presupwestong P28.5-milyones.

Gilaoman nga kining dakbalay mahipno na sa dili pa motik-op ang ika tulong termino sa pangatungdanan ni Mayor Dodie Maestrado Jr. paingon sa tuig 2010.

Samtang ang kantidad nga P1.4-milyones didto itingob sa pagpamalit og mga polyethylene pipes tumong sa pag-ugmad sa sistema sa panubig.

Kining maong programa maoy ika-duhang prayoridad subay sa development agenda sa local nga pamonoan.

Ang karaan ug tayaon nga mga linya sa tubig gihulipan na. Dugang pa nga katarungan ngano nga ihiklin na ang mga daang tubo tungod kay nagkabuslot-buslot (leakage) na.
Kuyaw na kini sa kontaminsayon.

Sa iyang bahin, si Senador Miguel Zubiri mipadala og kantidad nga P500,000 alang usab sa waterworks.

Gipasa kining naasoyng ayuda sa buhatan sa DPWH. Hinoon, milagbas na kini sa panudlanan sa lungsod, sumala pa ni Municipal Engineer Paterno Unajan.

Sa laing kalamboan, taliabot na ang tulo ka mga unit sa computer nga hatag gihapon ni Congressman Jala.

Dugang kini sa mga kahimanan sa Municipal Hall.

Sierra-Bullones - Tulo ka barangay ning lungsod nakadawat og tagsa ka unit sa RDAK multicab kaniadtong Mayo 19 ning tuiga sa tuong kilid ning naasoyng sakyanan nahisulat ang mga pulong "Through the efforts of Congressman Adam Jala and Mayor Dodie Maestrado Jr."

Tataw kaayo nga wa mangangkon ang batan-ong magbabalaod sa tersero distrito nga iya ra mismong hinagoan ang pagpagawas niining mga behikulo.

Diay nakatampo usab og dakong bahin sa paningkamot ang amahan sa lungsod.

Dili tiaw kahinangop nga gibati ni Kapitan Edgardo Galve sa Villa Garcia ug Kapitan Cornelio Tagaan sa San Isidro sa dihang gitunol na ngadto kanila ang mga yawe sa multicab.

Sa katapusan natuman ang ilang pangandoy nga makabaton og sakyanan an ilang barangay aron masulbad ang mga kahasol sa katawhan.

Dako kaayo kini og ikatabang kalabot sa mga kalihukan sa ilang dapit. Sa ekslusibong pakighinabi ning tagsulat kang kapitan Leo Bongato kinsa maoy presidente sa Liga ng mga Barangay sa lungsod, siya namahayag nga daghan kaayo og kagamitan ang maong sakyanan sa iyang dapit.

Una maisip kini nga ambulansya nga maoy mohatud ug mokuha sa pasyente ngadto sa tambalanan.

Sakyanan usab kini sa mga sakop sa konseho pagsanong kon adunay dinaliang tawag sa komperensya o kaha mga seminar didto sa dakbayan sa Tagbilaran.

Gamiton usab kini sa mga barangay tanod nga mag-roving sa mga kasityohan panahon sa kagabhion.

Mahinungdanon kaayo kining maong lakang aron pag-abog niadtong mga daotang elemento sa katilingban nga nagpahipi sa kangitngit.

Ang mga opisyales sa ubang mga barangay mahinamon nga nagpaabot sa sunod nga batch niining mga mlticab.

Nagalaom sila nga dili kini madugay sanglit ang pagpang-apod-apod og mga sakyanan sa kabarangayan maoy programang gitutokan karon sa administrasyon ni Congressman Adam Jala ug Mayor Dodie Maestrado Jr.