BALITANG LOKAL (DAUIS)
Konduktor naipit, patay
Hunyo 22, 2008
Dauis – Patay ang 19-anyos nga konduktor sa
mini-bus nga depasahero kaniadtong Martes (Hunyo 17) sa gabii sa Barangay
Tabalong.
Naipit si Christopher Fudolig human ang maong truck
nalintuwad ug dead-on-the-spot ang maong konduktor.
Ang depasaheroan nga sakyanan gimaneho ni Alberto
Fudolig, 41, amahan ni Christopher.
Sumala sa imbestigasyon sa kapolisan, samtang
misubay sa sakaon nga dalan ang ang maong sakyanan, kalit lang napalong ang
iyang makina, hinungdan nga nibalintong na hinuon kini.
Sa pagkahitabo niini, si Fudolig naglingkod sa
luyong bahin mao nga didto dapit kini nadat-ugan ug naipit.
Nasayran ra usab nga si Alberto, ubos sa gahom sa
ilimnong makahubog samtang nagmaneho. Pipila usab sa mga pasahero ang nakaangkon
og mga samad ug bun-og. DM
|